[radwa94]

انا بجد حسيت انى معاكم كأنى فى اسرتى وفى موضوع كنت عايزه رأيكم فيه

انا بحب ابن خالى وهو اكبر منى ب5 سنين لكن مايعرفش انى بحبه وبابا لما بيتكلم فى اى موضوع بيقول انه بيرفض جواز الاقارب

اعمل ايه و اصارحه ولا لأ بانى بحبه

ارجوكم عايزه حل

[elbatool5]

السلام عليكم ورحمة الله وبركاته يارضوى
والله انا من رايى انك متقوليش لابن خالك صراحه بنفسك ولكن ممكن لو حد قريب منك من عيلتك وقريب منه هوه كمان تقوليله على انك بتحبى ابن خالك وممكن هو يشوف من كلامه معاه ان كان هو اصلا حاطك فى دماغه ولا لاء من غير مايلمح له انك معجبه بيه
لان فى رايى البنت لما بتصارح الرجل بحبها الاول ممكن تنزل من نظره لان ده حصل مع اخويا وكانت قريبتنا برضه وهو ماكانش بيحبها لكن لانه ملوش تجارب انجذب ليها لانها اول واحده تبينله اعجابها بيه وكان بيكلمها وهى حبيته جدا لكن بعد شويه هو حس انه مش بيحبها ولا حاجه وهو دلوقتى كاتب كتابه على واحده تانيه
وبعدين هو لو معجب بيكى اكيد هتحسى لان الحاجات دى بتبان
تالت حاجه انتى لو سنك صغير يعنى تحت العشرين فممكن يكون ده مش حب ومجرد اعجاب لان فى الفتره دى العواطف بتكون مش واضحه
رابع حاجه هو لو اتقدملك وهو فعلا بنى ادم محترم والدك استحاله يرفضه لو حس انه جدير بيكى وانه قريبك ده مش هيخليه يرفضه فى الحاله دى
يارب اكون افدتك

[radwa94]

السلام عليكم ورحمة الله وبركاته يارضوى
والله انا من رايى انك متقوليش لابن خالك صراحه بنفسك ولكن ممكن لو حد قريب منك من عيلتك وقريب منه هوه كمان تقوليله على انك بتحبى ابن خالك وممكن هو يشوف من كلامه معاه ان كان هو اصلا حاطك فى دماغه ولا لاء من غير مايلمح له انك معجبه بيه
لان فى رايى البنت لما بتصارح الرجل بحبها الاول ممكن تنزل من نظره لان ده حصل مع اخويا وكانت قريبتنا برضه وهو ماكانش بيحبها لكن لانه ملوش تجارب انجذب ليها لانها اول واحده تبينله اعجابها بيه وكان بيكلمها وهى حبيته جدا لكن بعد شويه هو حس انه مش بيحبها ولا حاجه وهو دلوقتى كاتب كتابه على واحده تانيه
وبعدين هو لو معجب بيكى اكيد هتحسى لان الحاجات دى بتبان
تالت حاجه انتى لو سنك صغير يعنى تحت العشرين فممكن يكون ده مش حب ومجرد اعجاب لان فى الفتره دى العواطف بتكون مش واضحه
رابع حاجه هو لو اتقدملك وهو فعلا بنى ادم محترم والدك استحاله يرفضه لو حس انه جدير بيكى وانه قريبك ده مش هيخليه يرفضه فى الحاله دى
يارب اكون افدتك

ميرسى يا البتول على ردك بس انا صعب اقول لحد قريب منه ومنى انى بحبه تانى حاجه ان انا فى شهر 4 هكمل 19 سنه فهل ممكن يكون ده مش حب ؟ المشكله انى مش بقدر ابعد عنه

[elbatool5]

على فكره يارضوى ممكن اوى يكون ده مش حب ومجرد اعجاب بس وانتى فكراه حب لانك شايفه ابن خالتك فيه حاجه شداكى وغالبا هتكون وسامته لان البنت فى عمرك بتعجب بالحاجات اللى ظاهره زى شكله ولبسه وخفة دمه وممكن يكون هو السبب فى احساسك ده لانه ممكن يكون بيخصك بنظرات انتى بترجميها على انها اعجاب بيكى وممكن يكون هوه حاسس انك معجبه بيه وهو بيستغل اعجابك ده فى ارضاء غروره
بس كل ده فى حالة ان ابن خالك مش متدين
جابى على الاسئله دى
هوه كام سنه
متدين ام لا؟
من معرفتك بيه حاسه ان فى اصحاب ليه بنات؟
لو اتقدملك حد تانى ومميز جدا هترفضى عشان ابن خالك؟

[اسمائكو]

اختى الفاضلة
نصيحتى لكى خالصة لوجه الله تعالى..
مينفعش تقولى له اى حاجة عن مشاعرك.لانك لوصرحتى له (..هتنزلى ..من ..نظره..) و دى طبيعة اى راجل
ولو مكنش هو يجى بنفسه ويتحايل عليكى عشان تسمعيه يبقى ملوش لازمه لانه حب من طرف واحد ميستهلش المجازفه الكبييييييييييييييييييييييرة إلي عايزة تعمليها فى حق كرامتك
يا رب مكنش ضايقتك واكون افدتك (حولى تحبى اى حاجة تانية ...قرأة...رياضة...اطلاع دينى...اى حاجة ممكن تشغلك شوية ...) ادعو الله لكى بالتوفيق فى حياتك...

[radwa94]

على فكره يارضوى ممكن اوى يكون ده مش حب ومجرد اعجاب بس وانتى فكراه حب لانك شايفه ابن خالتك فيه حاجه شداكى وغالبا هتكون وسامته لان البنت فى عمرك بتعجب بالحاجات اللى ظاهره زى شكله ولبسه وخفة دمه وممكن يكون هو السبب فى احساسك ده لانه ممكن يكون بيخصك بنظرات انتى بترجميها على انها اعجاب بيكى وممكن يكون هوه حاسس انك معجبه بيه وهو بيستغل اعجابك ده فى ارضاء غروره
بس كل ده فى حالة ان ابن خالك مش متدين
جابى على الاسئله دى
هوه كام سنه
متدين ام لا؟
من معرفتك بيه حاسه ان فى اصحاب ليه بنات؟
لو اتقدملك حد تانى ومميز جدا هترفضى عشان ابن خالك؟

هو 24سنه ونصف
ومتدين الى حد كبير
اكيد ليه اصحاب بنات عشان هو فعلا وسيم بس بجد مش ده بس اللى شاددنى ليه
ولو اتقدملى حد تانى اكيد هرفضه عشان انا بجد بحبه

[radwa94]

اختى الفاضلة
نصيحتى لكى خالصة لوجه الله تعالى..
مينفعش تقولى له اى حاجة عن مشاعرك.لانك لوصرحتى له (..هتنزلى ..من ..نظره..) و دى طبيعة اى راجل
ولو مكنش هو يجى بنفسه ويتحايل عليكى عشان تسمعيه يبقى ملوش لازمه لانه حب من طرف واحد ميستهلش المجازفه الكبييييييييييييييييييييييرة إلي عايزة تعمليها فى حق كرامتك
يا رب مكنش ضايقتك واكون افدتك (حولى تحبى اى حاجة تانية ...قرأة...رياضة...اطلاع دينى...اى حاجة ممكن تشغلك شوية ...) ادعو الله لكى بالتوفيق فى حياتك...

انا فعلا مش هقوله مش عشان هنزل من نظره وبس لكن كمان عشان انا ماقدرش اقوله بس برضه مش عارفه اعمل ايه

[اشرقت]

حبيبتى الفترة دى كلنا مرينا بيها بس بجد اللى بيبقى بتهيالك انه حب لما تكبرى

حتلاقى ان ده كان مجرد اعجاب ......

اللى يستاهل حبك فعلا هو اللى يحبك ويتقدملك ويكون الحب متبادل لان اللى ما يفكرش يقولك

انه عايز يتقدملك او يلمح بده لاهلك ما ينفعش تحبيه وتبنى قصة لواحدك


ما تزعليش من كلامى ....ممكن يكون بيفكر فى غيرك ويتقدملها وساعتها حتكون صدمتك فيه كبيرة اوى


ولو حد اتقدملك يبقى يستاهل تفكرى فيه بدل ما ترفضى لمجرد شعور انت حساه
وممكن يكون فعلا من طرف واحد


فى زوجات كتير بيحصل فيها مشاكل وابتلاءت رغم انها ليست زواج اقارب

لكن من الناحيه الطبيه زواج الاقارب وارد انه يعمل مشاكل صحية للابناء بنسبة اكبر من زواج غير الاقارب


الحل انك تقربى من ربنا وتحبى ربنا وتدعيه ييسر لك الخير

[مروشكا]

لا تخبريه بس حاولي بوسائل حواء تعرفي إنطباعه عنك وانتي لسا صغيره وبالنسبه لأبوكي إذا ربنا كاتبه لك بيسكت وبيقبل بس أنتي أدعي إن كان في خير يقدمه

[dodo_dede]

والله أنا ما بعرف شو بدي قلك بس أنا صاير معي نفس الشي

وووياريت يعرف بس بدون كلام أو أي شي والله حسيت اني مكانك والله يعينا بس انا الي بحبو عم يدورو له على عروسس

عطوني نصايحكم انا في أول ثانوي وصغيرة على الزواج بس ...........
بتعرفوا القلب وأنا اسفة اني حطيت مشكلتي عندك بس أنا الي بدي رد

[radwa94]

حبيبتى الفترة دى كلنا مرينا بيها بس بجد اللى بيبقى بتهيالك انه حب لما تكبرى

حتلاقى ان ده كان مجرد اعجاب ......

اللى يستاهل حبك فعلا هو اللى يحبك ويتقدملك ويكون الحب متبادل لان اللى ما يفكرش يقولك

انه عايز يتقدملك او يلمح بده لاهلك ما ينفعش تحبيه وتبنى قصة لواحدك


ما تزعليش من كلامى ....ممكن يكون بيفكر فى غيرك ويتقدملها وساعتها حتكون صدمتك فيه كبيرة اوى


ولو حد اتقدملك يبقى يستاهل تفكرى فيه بدل ما ترفضى لمجرد شعور انت حساه
وممكن يكون فعلا من طرف واحد


فى زوجات كتير بيحصل فيها مشاكل وابتلاءت رغم انها ليست زواج اقارب

لكن من الناحيه الطبيه زواج الاقارب وارد انه يعمل مشاكل صحية للابناء بنسبة اكبر من زواج غير الاقارب


الحل انك تقربى من ربنا وتحبى ربنا وتدعيه ييسر لك الخير

مش عارفه اشكرك ازاى بس بجد كلامك ريحنى اوى

[radwa94]

لا تخبريه بس حاولي بوسائل حواء تعرفي إنطباعه عنك وانتي لسا صغيره وبالنسبه لأبوكي إذا ربنا كاتبه لك بيسكت وبيقبل بس أنتي أدعي إن كان في خير يقدمه

ميرسى على ردك بس ازاى احاول اعرف

[radwa94]

والله أنا ما بعرف شو بدي قلك بس أنا صاير معي نفس الشي

وووياريت يعرف بس بدون كلام أو أي شي والله حسيت اني مكانك والله يعينا بس انا الي بحبو عم يدورو له على عروسس

عطوني نصايحكم انا في أول ثانوي وصغيرة على الزواج بس ...........
بتعرفوا القلب وأنا اسفة اني حطيت مشكلتي عندك بس أنا الي بدي رد

لا ولا يهمك يا دودو بس انتى مشكلتك اكبر من مشكلتى لان انتى اللى بتحبيه بيدور على عروسه لكن انا ابن خالى ماصرحش بأى حاجه

[مرمريكا]

فى مثل بيقول خدى اللى بيحبك ومتاخديش اللى بتحبيه
واضح من كلامك انه مش ناوى يفكر فيكى
متنسيش كرامتك اوعى تفرطى فيها مهما يحصل لاى واحد الا ازا كان جوزك
حاولى تفكرى بهدوء وحاولى تبعدى كدة فترة عشان تعرفى تاخدى قرار مناسب

[ام هاجر 2]

هقولك حاجه ممكن تعمليها تعرفى ان كان بيحبك ولا لا ممكن تخلى حد مثل اختك او حد قريب منكو يقول امامه ان انتى فى عريس متقدم لكى وتشوفى رد فعله ان كان بيحبك شكله هيتغير وفى هذه الحله ممكن اختك تقول له مثلا ان انت مناسب لها اكثر وتشوف رده هيكون ايه وربنا يقدر لكى الخير

[radwa94]

فى مثل بيقول خدى اللى بيحبك ومتاخديش اللى بتحبيه
واضح من كلامك انه مش ناوى يفكر فيكى
متنسيش كرامتك اوعى تفرطى فيها مهما يحصل لاى واحد الا ازا كان جوزك
حاولى تفكرى بهدوء وحاولى تبعدى كدة فترة عشان تعرفى تاخدى قرار مناسب

بس انا صعب ابعد عنه انا لو كنت اقدر كنت بعدت وحققيقى انا مش عارفه هو بيفكر فى ايه

[اشرقت]

ربنا ييسر لك امورك يا حبيبتى

[radwa94]

ربنا ييسر لك امورك يا حبيبتى

الله يكرمك وميرسى يا اشرقت

[رونا]

أختى الكريمه/ radwa94

إنتى بتقولى إنك واثقع بالفعل إنك بتحبيه

وفى نفس الوقت الكل قال لك لا تصارحيه لأنى ده شئ هينزل من كرامتك ومكانتك عنده

وكمان رافضه تقولى لأحد من أقاربك يجس نبضه

وفى الأخير بتقولى عايزه حل... لا أختى هو ده الحل الوحيد زالأمثل لحالتك

إنى تشوفى حد يقوله.. علشان تقدمو على خطوة خطوبه

كما قال بعض السلف، لم نر للمتحابين خيرا من الزواج

بس سؤال إنتى أكيد تقدرى تشعرى هو معجب بيكى ولا لاوإذا شعرتى إنه مش معجب بيكى فالأفضل تحاولى نسيان الموضوع

.. هو صعب ولكن لابد من فعل ذلك

ولا مانع كذلك من دعائك الله عزّ وجل أن يجعله زوجاً لك إن علم سبحانه في ذلك خيرا لكما، بل

هذا من أنفع الأسباب وهو الدعاء.

ومع الوقت هتضح لك أمور كثيره من خلال سعيك أن تتحرى إعجابه من بك عن طريق أحد أقربك ومن خلال دعائك، ومن خلال ايضاً نضجك الفكرى مع الوقت

وإذا لم يحدث نصيب ..لعلّ الله سبحانه وتعالى علم أنه لا خير في اجتماعكما فصرفه عنك، وإن كنت تظنين غير ذلك قال تعالى: "وعسى أن تحبوا شيئاً وهو شر لكم" فالخيرة فيما اختاره الله عزّ وجل، فعليك بالدعاء، ثم الرضا بقضاء الله وقدره.


وهذا اهم شئ اختى لأنى الحياه الزوجيه شئ تانى والكثير كانو يحبون بعضهم والان هم غير سعداء

لأنهم لم يتبعو الخطوات الصحيحه والسليمه التى دلنا الله عليها .. لأنه هو خالقنا وأعلم بما ينفعنا ويضرنا

اسأل الله أن يزقك من خير ما تمنيتى ويهب لك الزوج الصالح الذى تسعدين به ويسعد بك

[radwa94]

أختى الكريمه/ radwa94

إنتى بتقولى إنك واثقع بالفعل إنك بتحبيه

وفى نفس الوقت الكل قال لك لا تصارحيه لأنى ده شئ هينزل من كرامتك ومكانتك عنده

وكمان رافضه تقولى لأحد من أقاربك يجس نبضه

وفى الأخير بتقولى عايزه حل... لا أختى هو ده الحل الوحيد زالأمثل لحالتك

إنى تشوفى حد يقوله.. علشان تقدمو على خطوة خطوبه

كما قال بعض السلف، لم نر للمتحابين خيرا من الزواج

بس سؤال إنتى أكيد تقدرى تشعرى هو معجب بيكى ولا لاوإذا شعرتى إنه مش معجب بيكى فالأفضل تحاولى نسيان الموضوع

.. هو صعب ولكن لابد من فعل ذلك

ولا مانع كذلك من دعائك الله عزّ وجل أن يجعله زوجاً لك إن علم سبحانه في ذلك خيرا لكما، بل

هذا من أنفع الأسباب وهو الدعاء.

ومع الوقت هتضح لك أمور كثيره من خلال سعيك أن تتحرى إعجابه من بك عن طريق أحد أقربك ومن خلال دعائك، ومن خلال ايضاً نضجك الفكرى مع الوقت

وإذا لم يحدث نصيب ..لعلّ الله سبحانه وتعالى علم أنه لا خير في اجتماعكما فصرفه عنك، وإن كنت تظنين غير ذلك قال تعالى: "وعسى أن تحبوا شيئاً وهو شر لكم" فالخيرة فيما اختاره الله عزّ وجل، فعليك بالدعاء، ثم الرضا بقضاء الله وقدره.


وهذا اهم شئ اختى لأنى الحياه الزوجيه شئ تانى والكثير كانو يحبون بعضهم والان هم غير سعداء

لأنهم لم يتبعو الخطوات الصحيحه والسليمه التى دلنا الله عليها .. لأنه هو خالقنا وأعلم بما ينفعنا ويضرنا

اسأل الله أن يزقك من خير ما تمنيتى ويهب لك الزوج الصالح الذى تسعدين به ويسعد بك

متتخيليش يا رونا كلامك ريحنى قد ايه بجد متشكره اوى وانا هحاول اعمل زى ماقلتيلى بس بصراحه انا مش قادره اعرف اذا كان حاببنى ولا لأ