[rabab_gamal2000]

السلام عليكم عوزه اعرف هو ليه الحب بيقل بعد الزواج هل لان فيه اهتمامات اخري بعد الزواج او لان الرجل اطمئن انه امتلك المراة

[elbatool5]

شوفى ياستى بما انى كان مشكلتى ان حاسه بقلة الاهتمام من زوجى بعد الزواج طبعا لكن عارفه ان لسه فيه حب
ممكن يكون انتى كمان حاسه بقلة اهتمام وشايفه ان الحب راح بعد الزواج
بس الاكيد ان اللهفه ايام الخطوبه انك تشوفى خطيبك ونظرته ليكى اللى مش ممكن تنسيها ومبقتش موجوده دلوقتى
النظره اللى ما كنتم بتقعدوا مع بعض فى مكان تلاقيه مش بيبص الا ليكى ومش بيتكلم الا الكلام الجميل وطبعا دلوقتى لما بتقعدوا فى مكان مع بعض بتقعدوا ساكتين ولو قلتيلوا قللى كلمه حلوه يقولك بهزار كلمه حلوه
كل ده خلانى فهمت حاجه ان حب بعد الجواز بيكون موجود بس ناضج وبالذات عند الرجل هوه بيكون حاسس بالمسئوليه واشركك فى المسئوليه دى بمعنى واحنا مخطوبين بيكون هوه مسئول عنك ومش بيشركك فى همه لكن دلوقتى احنا فى الجد لما بيكون مهموم لازم انتى تقدرى ده وتشتركى معاه فيه وتخففى عنه
بس ده مش معماه ان الحياه كلها كابه وضيق
ودايما امهاتنا كانت بتقولنا انتى مستعجله على الجواز ليه بكره تقولى ياريت ارجع مخطوبه تانى ودايما يقولوا الجواز مسئوليه
بعد ماكان مسئول عنك اصبحت المسئوليه مشتركه وانتى عليكى التخفيف عنه لان انتى بالنسبه ليه دلوقتى السكن لكن اكيد فيه موده ورحمه
يارب تكونى فهمتى فكرتى
وانشاء الله اكون افدتك بشىء

[ام بسنت]

هو مش بيل بيبقى حاجه تانى الموده والعشره وحب الاولاد ومسئوليه بتزيد وطبعا بيبقى فيه مشاكل بس هو مش بيقل الحب بعد الجواز ممكن يقل فيه الكلام لكن بيظهر الحب ده فى الافعالوالتصرفات

[hana]

طبعآ فيه حب بعد الزواج

[2nashwa]

شوفي يا حبيبتي الرجل بعد الزواج بيظهر علي حقيقته الراجل لا يعرف الحب الحب ده في خيال الستات فقط وهو يعتبرالمراة مظهر اجتماعي او مربية لاولاده او خادمة تلبي له جميع اغراده واكيد فهماني اقصد ايه و يعتبرها زينه في البيت زي الصالون والسفرة انا في رايى ان الرجل هو كاءن متطفل يعيش علي دم واعصب المراة هو ياءخذ كل حاجة وهي حرام تفكر ان تعيش غير لخدمته

[ريري]

انا بأخالف رأى نشوه ...
الحب موجود بعد الجواز..بس مشاغل الحياه والمسئوليه بتخفيه وممكن تطغى عليه،لكن كل واحده بايدها انها توقظ مشاعر جوزها وتخليه يحبها اكتر من الاول
واهم شىء ان كل راجل له مفتاح حاولى تجديه عشان تفتحى قلبه وتخليه يقول كل اللى فيه ..بمعنى ان فى راجل اكتر شىء بيأثر فيه الحنان، واخر الشىء اللى بيأثر فيه العلاقه الزوجيه,واخر بيحب الرومانسيه
لازم تعرفى اكتر شىء بيأثر فيه وتدخلى منه على قلبه وتتربعى فيه (بادبك معاه ،وحنيتك وخوفك عليه،وانوثتك اللى بيحبها،و طبخك اللى زى العسل ،و......)
ومهم انه تكون فى صراحه بينك وبينه فى كل شىء..واهمها ..مشاعركم وعلاقتكم الخاصه
وربنا يبارك فى بيوت المسلمين ويملؤها موده ورحمه..اللهم امييييين

[واحدة من الناس]

ليه بس كدا يا2nashwa
الحقيقة مش كئيبة قوى كدا....ومانقدرش نعمم كلامك على كل الرجالة.
انا رأيى ان الحب الحقيقى هو اللى بيكون بعد الجواز...الحب ساعتها بتكون طبيعته مختلفة شوية بس...بيكون اهدى لكن اكيد كمان بيكون اعمق.

[mas171]

الحب بزيد بعد الزواج بالمعاشرة الطيبة بين الزوجين

[مروشكا]

هموم الحياة والمصاريف بتلعب دور كبير ممكن الزوج ما يظهرها بس تكون قلقاه

[nona79]

اكيد في حب بعد الزواج

[ام مهند]

الحب كله بعد الزواج
حب شرعي ماتخديش عليه ذنوب بالعكس حسنات باذن الله
حب حقيقي مش حب افلام وشايفه القمر وشايف الشمس وجالي ضربه شمس وانت اجمل وحده وانت اروع واحد والحاجات ده

حب نقي
بيقي حاجه تانيه واقوي واثبت

[ورده الحب الصافى]

السلام عليكم ورحمه الله وبركاته
لا يانشوى رأيك مش صح انا معرفش انتى متزوجه ولا لأ بس لو كنتى مش متزوجه يبقي لازم تتعلمى من دلوقتى ازاى تخللي الحب بينك وبين زوجك يستمر مدى الحياه ولو كنت متزوجه تبقي الفرصه قدامك اكبر انك تعبرى له عن حبك بالفعل مش بالكلام بس زى قبل الزواج وفى كل الأحوال انتى اللى بتعرفي تخللى زوجك يحبك ومحتاج لك وانت اللى بتخليه يبعد عنك ولو مش مصدقانى اقرى باب معامله الأزواج وبالخصوص مواضيع الجميله جدا ام بسنت
وعلى فكره انا لسه ماتزوجتش بس هيبقى قريب بأذن الله

ادعوا لى