أنا بقى مش معاكم.. ايه الاحترام اللي هتفقده البنت لما تدي جوزها حقوقه؟ ربنا أكرمنا بفترة كتب الكتاب دي علشان حكمه عنده، لأن لو ما كانتش الفترة دي مهمة ما كانش الإسلام حللها وكان العقد معناه الزفاف علطول ومفيش تفاهم.
حدود ايه اللي بتتكلمي عليها بين زوج وزوجته؟ إنه اخرها يمسك ايدها وخلاص على كده؟ ده زوجها دلوقتي تعمل معاه اللي هم عيزينه بس في حدود العرف وهو انه ما دام ما استأذنش ابوها انه يدخل بيها فميصحش انه يدخل بيها
، ولازم كل بنت تفهم كده انها ما ينفعش تسمحلو بالدخول أبدا. وكل بنت لازم تكون واعية لنفسها.
انا ما بقولش ان الموضوع يبقى على البحري
،لأ.. كله مسموح إلا تحت الحزام، لكن ايه المانع انهم يتمتعوا ببعض؟
يعني هي لما تديله اللي ينفع ياخده فترة العقد هتسقط من نظره ولما تديله نفسها كلها بعد الزواج مش هيحترمها؟!!!!!! ايه الفرق بين قبل الزفاف وبعده في احترامه لها؟
وعايزة أقولك ان ليلة الدخلة مش بتفقد الشوق ليها، بالعكس.. بيكون شاف منها حاجات ونفسه بقى في الأكتر من كده، بيكونوا خدو على بعض ويتصرفوا بطبيعية ليلة الدخلة وما يكونش فيها توتر بالشكل المعروف،
طيب ده أنا صاحبتي كان جوزها في فترة العقد بيحصل مشاكل بينهم لأتفه الأسباب ولما قعدت تحكيلي وهي مش عارفة السبب اكتشفت انها بتقعد معاه بلبس مكشوف (بدي مثلا وجيبة أو جينز) وهو شايف ذراعها ورجلها ورقبتها و.. و... والمطلوب منه انه يكتف ايده جنبهوما يعملش اي حاجة..طيب ده يخليه مش قاعد على بعضه ومتوتر وعلطول متنرفز وللا لأ، وفي نفس الوقت ما ينفعش تدخله بالعباية أو الجلبيه.
بالنسبة لصحبتك اللي بتقولي عليها جوزها شك فيها يبقى ده أصلا ما بيثقش فيها وشكاك.. لما يبقى عارف انها بتعمل كده علشانه يشك فيها؟؟!!!!!
وأنا عايزة أقول حاجة فترة العقد دي عندنا (الملتزمين) تعتبر زي فترة الخطوبة اللي عند الناس العاديين بس الفرق انها حلاااااااااااااال واللي بيحصل في الخطوبة حراااااااااام، أنا لغاية دلوقتي بقول لجوزي أحلى فترة في علاقتنا كانت فترة العقد مع ان احنا بنحب بعض موووووت الحمد لله وسعداء في حياتنا.
وأخيرا علشان انا طولت عليك قوي أحب أقولك ان أي شرع شرعه الله للمرأة ما ينفعش يكون فيه تقليل من احترامها لنفسها أو احترام غيرها ليها.
