[a_raafat]

شر البلية ما يضحك
ممكن بنات يقولوا
يووووووووه كل حاجة حرام حرام
مش كفاية جيت على نفسي وغطيت شعري السايح الطويل بالحجاب
كمان هتعقدونا وتقولولنا الحجاب لازم يكون وقور ومحترم ومش عارفة ايه
هو مش المهم إنه يغطي الشعر وخلاص ؟؟؟؟؟
إن شاء الله ألبس كاب ولا قرطاس طعمية .... ماحدش يكلمني

أختي المسلمة
ما هو تصورك عن الحجاب
هل هو لتغطية الشعر فقط ؟
ومش مهم لفت الأنظار ؟؟؟
مش انتي برضه بتلبسيه عشان تداري الزينة ... اللي هيا كل المرأة ماعدا الوجه والكفين
طيب إزاي تداري زينة بزينة تانية ؟؟؟ !!!
في بنات بيلبسوا حجاب وكأنهم بيقولوا للناس .... بص عليا بص .... أنا هنا
تحسي إن لو الكهربا قطعت ممكن تنور بكمية الترتر اللي عليها
فتلفت النظر .. والله وأنا بنت رقبتي بتتلوح طول ما أنا ماشية في الجامعة
عشان أتأمل ألوان وطرق لف الطرح
فما بالك بالرجل
وبعدين ده تكلف ... ( أووفر ) يعني زي ما بيقولوا .. مش شياكة يعني ولا حاجة
الشياكة في هدوء ألوان الملابس
تحسي كده إن عينك مستريحة

وبعدين انت بتسمعي إزاي بعد ماتلفي 18 طرحة كده على دماغك
والله فيه بنت معايا في السكشن واقفة جمبها وبكلمها ..
مش سامعاني خالص وبتقولي معلش أصلي لفة خمس لفات
ومرة تانية نفس البنت جت لابسة طرحة والله ماهي عارفة تحرك رقبتها ..
. بتتحرك زي الروبوت
وتقولي مش عارفة البنات بيعذبوا نفسهم كده ليه
طب ايه اللي جابرك .... مش عارفة !!!

فيا أختي الله يرضى عليكي
شوفي نفسك في المرايا قبل ماتخرجي
دخلي الخصل الحمرا والصفرا اللي طالعة من الإيشارب دي
الفرق مش هيبقى كبير أوي يعني .... وحتى لو كبير
هتضحي برضا ربك عشان الخصلتين دول ؟
امسحي كراسة الرسم اللي على وشك وتجملي بالحياء
ووالله البنت اللي بتطيع ربها تلاقي وشها منور كده وتحبيها أول ماتشوفيها حتى لو ماكنتش حلوة



الله يعزك
يا فتاة الإسلام
ايه رأيك ..... اسم حلو ؟؟؟
مش عايزاه يكون اسم على مسمى ؟؟؟
طب يلا ورينا الهمة
امال مين هتبقى أسماء بنت أبي بكر وعائشة و رفيدة ونسيبة رضي الله عنهن
مين اللي هيجبلنا صلاح الدين وقطر ونور الدين ومحمد الفاتح

لو عايزة تعرفي امتى المسلمين هيقفوا على رجلهم ويرجعوا مجدهم الضائع
بصي على شباب الأمة ... بنات وولاد ... وانت تعرفي المستقبل
ايه رأيك .... ننفع نكون جيل النصر واحنا همنا على اللبس والمكياج
ونصحى من النوم نقعد 3 ساعات قدام المرايا قبل ما نخرج ؟
هي دي اهتماماتنا ؟؟؟؟
لا انت أعقل من كده .... مش كده ؟؟!!






.
http://geo.yahoo.com/serv?s=97359714...=1/nc2=2/nc3=3




__._,_.___

[hana]

بارك الله فيكى يا قمر على موضوعك

[a_raafat]

جزاك الله خيرا على مرورك ياجميل

[سوسو4]

جزاكي الله خيرا على الموضوع

[ام مهند]

جزاكي الله خيرا

موضوع رائع

[مرمريكا]

موضوع هايل فعلا ميرسى ليكى

[a_raafat]

مشكورين على المرور ويارب افدكم دايما ان شاء الله

[ايه الشاعر]

هههههههههههه انتي عسل اوي والله بس انا اتحجبت منغير ما حد يقولي ووالدتي ووالدي استغربوا من قراري علشان زي ما بتقولي الشعر السايح

[preatywoman]

والله موضوه جميل وباسلوب يشد اللي بيشوفه تسلمي

[a_raafat]

ميرسى على مروركم وكلامكم الجميل

[ام سيكا]

هم من قيل فيهم
(الكاسيات العاريات)

[جورى القمر]

جزاكى عنهم خيييراا

[eltourky]

موضوع جميل واسلوب اجمل

انا بقي لغيت جميع انواع الزينه
بقيت اسود ف اسود (نقـــــــــــــــاب)
لاني بقتنع بالرائ انه فرض
اتقاء الفتنه

[أمولة]

جزاك الله الف خير 0000
موضوعك روعة وانشالله بناتنا يسمعوك ومايقولوا يوه هوالاثم علي ولا عليكي 000او مني لربي بصطفل
مااسهله من كلام الله يهدي بناتنا يارب

[a_raafat]

مشكورين جميعا على المرور ،اللهم اهدى بنات المسلمين جميعا يارب

[مؤمنة بالله ورسوله]

مشكورة موضوع رائع

[a_raafat]

ميرسى على مرورك ياجميل

[بنوته شيك]

حقيقى اسلوب رائع وموضوع جامداوى بارك الله فيكى وكترمن امثالك

[فيونكه حمرا]

بجد جزاكي الله خيرا ولعل وعسى البنت يسمعوا
وعلى راي اللي بيقولو ا
من قل عقلووجعتو رقبتو

[روفا]

ربنا يهدى بنات المسلمين عنوان يشد وموضع اجمل