[مدام وائل]

حسيت ان الموضوع محتاجين نتكلم فية

شفتوا الاسعار ؟؟ مش معقول الحاجات زادت 100% واحيانا اكثر

وخصوصا الاكل

انتوا عارفين من سنة مثلا كنت باشترى الدقيق الكيلو بجنية ونصف او اتنين بالكثير امباح اشتريتة باربعة جنية ... دا مثال... طيب اوكى بلاش بيتزا وخلى العشا اى حاجة

اللحمة .. لا لحمة اية دى خليها فى حالها خالص مهما قلنا مفيش فايدة

طيب نقول العدس تخيلوا بقى بكام؟؟ب11جنية الكيلو

المنظفات كل الاتوماتيك زاد 10 جنية

واللبس والدواء وووووو......

وبعدين

تعالوا نتكلم هانواجة الاتفاع دا اذاى واية اللى ممكن نلغية من الميزانية؟؟

اذا اعجبك الموضوع و اردت نشره في المنتديات الاخرى فاستخدمي هذا الرابط:
الدنيا ولعت والاسعار بقت نار.....هنعمل اية؟؟
http://forums.fatakat.com/thread10224

[katkootaya]

هنعمل ايه بس دلوقتي ازازة الزيت بقت ب 11 جنيه و يااااااادوب قليتين و بححح
حاجه رهيبه انا مش عارفه الناس محدودين الدخل بيعملو ايه و الله انا حاسه ان البلد هتولع قريب جدا ... يا مدام وائل العيش اللي غني و فقير ميقدرش يستغنى عنه الرغيف بقه بنص جنيه و الفينو الاربعه بجنيه
والله شئ مؤسف و مش عارفه هنفضل ساكتين لحد امتى ؟؟

[katkootaya]

نسيت اهم حاجه الحمه بقت ب 53 جنيه ولذلك الجزارين دلوقتي بتبيع لحم كلااااب و حمير تخيلو
و بكره ياما نشوووووووووووووف

[مدام وائل]

katkootaya

والله معاكى حق كل حاجة بقت خلاص

اللحمة دى موضوع تانى خالصص خارج المنافسة سبحان الله

بجد فعلا الواحد مش عارف يقول يلغى اية وميلغيش اية

وتحسى انها خلاص مبقتش بلد علم وتعليم ولا كلام من دا خلاص

اصحاب الحرف والله احسن من المراكز المرموقة_سورى اللى كانت مرموقة_

بجد الواحد بيفكر الف مرة يعلم ابنة يكون ايه

فاشل ذى ماما وبابا _انا مهندسة وجوزى دكتور_ ولا يطلعة نجار يأكل الشهد

الله المستعان

[مدام وائل]

كمان نسينا نقول ان الرز يعنى من الاساسيات وصل 4 جنية؟؟

انا الفينو والله بجيب ال2 بجنية !!!!

[katkootaya]

هههههههههههههههه حلوه فاشل زي ماما و بابا ديه
فعلا معاكي حق اصحاب الحرف همه اللي عايشين في مستوى غير المتعلمين خااااااالص
انا جوزي مهندس بترول بس مسافر و الحمد لله قادرين على المستوى ده لكن طبعا رافضينه بشدده يعني الناس الغلابه يعملو ايه انا مش فاهمه
ولحد امتى هنفضل سلبيين كده ومفيش اي اعتراض يوقف المهزله ديه الناس بتموت كل يوم بالعشراات علشان رغيف العيش المدعم ابو شلن ,,,, حقا انها مهزله
حلوه حقا انها مهزله ديه هههههه
يعني على افتراض ان الواحد كان بيصرف في طلبات البيت من سنه او 2 1000 جنيه دلوقتي بقو 2000 جنيه
وعجبي ,,,,

[مدام وائل]

بالضبط فعلا اللى بتقولية

عارفة فى موضوع رغيف العيش والله الناس فعلا مش لاقية نهائى

عايزة اقولك ان جوزى بيحلف ان التمريض فى المستشفى بتخانقوا علشان يأخذوا نبطشيات زيادة عارفه لية؟؟

بس علشان هيكلوا اليوم ده ببلاش وممكن يجيبوا اطفالهم الصغيرين معاهم كمان؟؟

المهم هى دى المشكلة

لكن مطلوب نفكر فى بدائل

مثلا الاساسيات غالبا هى هى

لكن عندك مثلا بنستخدم ديتول للتنظيف اية ممكن يكون بديل

بنستخدم زيت عافية اية البديل؟؟

نقترح على بعض اى حلول يمكن تساهم باى شكل فى الحل

[katkootaya]

انا بصراحه و من غير خجل بقول اني بطلت استعمل الديتول و بقيت بحط كلوركس على فنيك و الاتنين وظيفتهم التطهير و الرائحه الحلوه و النظافه
و الزيت بجيب ازازة زيت حلوه الكبيره للقلي و ازازة تانيه كريستال لو احتجتله في الاكل و مسحوق الغسيل بجيب تايد جمييييل جدا

[katkootaya]

طيب قوليلي بالله عليكي كده ايه بديل اللبن ؟؟؟ الي الاطفال كلها لازم تشربه علشان نموها ؟؟؟
و ايه بديل اللحمه و الفراخ ؟؟؟
و ايه بديل الجبن اللي بتتعمل ساندويتشات الاطفال ؟؟

[مدام وائل]

خجل اية يا katkootaya خالص والله حتى الناس اللى دخلهم عالى بقوا حاسين بمشكلة يعنى الكل بيعانى سبحان الله

ماهى دى المشكلة مفيش بديل للبن

بس انا فعلا عملت بديل للزبادى انى عملتها فى البيت ووفرت طبعا

انتى عارفه حجم الكوباية بقت فى السوق اية وبكام!!!

بالنسبة للزيت جبت برضو كريستال للأكل

والجبنة والله مش عارفه بس بجد جربت مره وعملتها فى البيت وكانت تحفة وحلوة اكثر للسندوتيشات

اما اللحمة والفراخ دى بقى مش عارفه لها بديل بس الاكثر اللحمة المفرومة بتوفر شوية

[مدام وائل]

عايزة اقولكم يا جامعة ان فعلا كلنا محتاجين نفكر نوفر اذاى مهما كان دخلنا او وظيفتنا

عارفين فى دكتور مع جوزى فى الشغل والله بيعمل العيش فى البيت طبعا هو يقدر شترية بس على رأية يوفر فلوسة لشىء مهم ذى اللحمة مثلا وحتى يأكل عيش نظيف!!

[katkootaya]

و الله معاكي حق بس فين الوقت بقه اللي يخلينا نعمل عيش كمان في البيت و بعدين الدقيق كمان غلي يعني هيه هيه
و الزبادي الحمد لله انا وجوزي مابنحبهوش بس بجيبه لابني طبعا و ايه كمان مش عاجبه الساده لا لازم ابو فواكه زي دانون و بيتي
ياااااااااااااااااه قلبتي علينا المواجع يا ايمي

الواحد مبقاش حاسس بالأمان خالص

[أمولة]

خلص يا كتكوتايه ويمدام وائل الواحد يستغنى عن كل حاجه أحسن
اهلي في الاردن بشكوا من الاسعار عنى بس أهل العاصمة الي عايشين ومبسوطين أما البقية تحت خط الفقر 000
البيض والحليب الاساسي والخبز كله ارتفع وعلى مين بغلوا السعر مابعرف
يعني احنى هون في الامارات والحمدالله في دخل بس برضوا استغنيت عن أشياء كتير كنت امرفه حالي فيها مثلا مواد التنظيف لما يصير في عروض عليها بشتري
والله يعينى ويفرجها على الجميع يارب

[annos]

يا جكاعة الزيادة على الكل انا زوجى عندة شغل خاص كل الموظفين طلبوا رفع مرتباتهم يا كدة يا اما يمشوا
اللى كنت اسرفة فى شهر بسرفة فى اسبوع
وهنعمل اية طب احنا بنشتكى
امال اللى موظف وراتبة 300 او 400 جنية
ميكفيش عيش وفول
ولا فواتير التليفون اللى كل شهرين
والكهرباء واسعار الماء والغاز
عارفين كمان كل شىء مغلف نقص كميتة مفيش بركة فى اى حاجة

[وسام عادل]

انتو بتتكلمو ازاى هنوفر اية والا اية انا مش قادرة اعرف الغلاء الا احنا فيه دة من الحكومة والا من البياعين يعنى مثلا انا اشتريت كيس مكرونة مرة ب3,5 ومرة ب2 ومرة ب1,5 الاختلاف فين فى الدقيق والا فى البائعين والا فى الدقيق الا اتعمل منه المكرونة .
معتقدش ان احنا نقدر نوفر حاجة ابدا
واما بالنسبة لمحدودى الدخل فاحسبو اكلة كشرى بكام تتكلف لموظف بسيط

[nehad]

فعلا الاسعار مولعة مووووووووووووووووووت
أنا بجيبoxy بدلpersil عشان أرخص 10 جنية و كمان عشان المقاطعة لبروكتلو جامبلو علي فكرة بينضف أحسن من persil
علي فكرة الغلا دة سياسة دول عشان الشعوب تفضل تدور علي لقمة العيش
الناس من أول الشهر بيفكروا الذاي حيكملوا الشهر
لكن لو الناس مستريحة يبقي حتبتدي تدور علي حقوقها

[ايمى3]

الدنيا ربيع وجو بديع قفلى على كل الموضيع قفل قفل قفل(هنعمل اية ادى الة ودى حكمتة)

[noha15139]

احب اقول لكم ان احنا لو جربنا نفكر فى البدائل ده مش حل لان كل حاجه بتغلا يعنى الاسسيات فى الاكل كلها غاليه سواء الارز او الدقيق او الزيت او السمن وهكذا
انا فى راى ان المشكله نابعه من ايه جزء منها بسببنا احنا اقصد الشعب وجزء منها على الحكومه طبعا لو حبينا نفكر فى حل للجانب اللى على الحكومه مش هنقدر نعمل حاجه لان البرامج بتتكلم كل يوم على السلبيات ومفيش استجابه !ربنا يهديهم وتصحى ضمايرهم اما سلبيات الشعب انا بشفها فى افران العيش مثلا الناس تفضل تتلاعب لتحصل على اكبر كميه من العيش ابو 5قروش حتى تبيعه باليل ب25 قرش او 50 قرش
انا بيتهيالى الحل ان الواحد يصوم او يقلل كميه الاكل اللى ياكلها اهى منها توفير للجيب وفى نفس الوقت الواحد يكون رشيق ويحافظ على صحته مش كده؟؟؟؟؟؟؟؟؟؟؟؟

[بلبل الشرق_]

مالكم ياجماعه انتم عندكم بدائل ايش نعمل احنا والحصار علينا منذ شهور ومش لاقين حاجه واذا فيه شىء اصبح نار من ارتفاع الاسعار ,السؤال المهم هوا ايش الى حصل واثر على كل الدول العربيه وادت الى الارتفاع الفظيع , انتم مش ملاحظين ان الدولار انخفض والبترول العربى ارتفع ليش مين بيلعب فينا عشان يدمرنا نفسى افهم هذه المعادله وايضا الذهب فى ارتفاع كيف العرائس حتجهز هذه المهور مش ختكفى

[مدام وائل]

فعلا الغلاء بقا فى كل حاجة ومهما قلنا المعدل فى ارتفاع

عايزة اقولكم ان امبارح بس لما كتبت الموضوع كنت شارية الدقيق ب4جنية اللى كنت باشترية بالضبط من 6 شهور بجنية ونصف اوتنين

تخيلوا الصبح ماما بتكلمنى بتقولى تخيلى الدقيق لسة جايبه حالا ب5 جنية!!!!

قلت لها أمال كمان يومين هيكون بكام ربنا يرحمنا

بالنسبة للبدائل

المعكرونة انا قررت خص مش هاشتريها مغلفة تانى انا اصلا باعرف اعملها وباعمل اللازانيا دائما فى البيت واشتريت من فترة ماكينة المعكرونة وبجد حلوة لو عايزين الطريقة قولولى

لكن فية مكرونه بتتباع بالكيلو الكيلو ب4جنية

بالنسبة للاوكسى دا تحفة انا باستعمله من سنة يمكن ولا اقدر استغنى عنه والله تنظيفة احلى من الاريال
حتى دايما باقول المفروض الشكة دى تعطينى نسبة على الدعاية اللى باعملهالهم سواء اليدوى او الاتوماتيك

قررت استغنى عن ملمع الموبليا نهائى

الفيرى اصلا استخدامى لية مش كثير اوى لانى عندى غسالة اطباق بس باستخدمة فى التنظيف هو والكلور بس هادور على مكان الاقيهم فية بكميات سمعت انهم بيتباعوا بال10كيلو جركن كبير


وهاقولكم على التطورات كل شوية بس يالا قولوا افكاركم