[nermeeen]

عروسة تقولى شبكتى بكرة و معنديش صينية و لو عندى مش عندى الحاجات اللى اذوقها بيها و مش عندى مخدة و مش عارفة منين اجيبها و مشغولة و لسه عندى حاجات اهم



اقولها متخافيش المواقف اللى زى دى تولد الابداع و الابتكار و ممكن تبقى موضة



مش كل بنت عندها فى البيت تل او ستان او ورد ..... الخ خصوصا لو فعلا اتزنقت و الشبكة بكرة و مش حطيت موضوع تقديم الدبل فى دماغها



تعالى اقولك



اقل حاجة خاااااااااااااااالص انك تحطى علب الشبكة على صينية و تقديميها ده اقل حاجة



و تعالى كمان افكار مجنونة بس ايه مية مية و جديدة و مفيدة جدا خصوصا لو الشبكة صغيرة



1 معندكيش دبدوب هاتية و حطى الدبل فيه كأنه ماسكها



2 فاكرة العلب الدهب او العادية اللى بتعمل موسيقى شغال حطيتهم فيها




3 ممكن تجيبى شمعتين بيض و تحطى دبلة فى كل شمعة و يا سلام لو فى بنتين امورتين كل واحدة تجيب الشمعة للعروسين

4 ممكن فى وسط صينية الشكولاتة

5 ورد و يدخل الدبل فيه او على الورق





6 تلفي الدبلتين سوا فى اى قطعة ديكور كأنهم بتفكى الستان و تطلع كل دبلةمن اتجاه




7 فكرة غريبة شوية لا شويتين تحطى الدبل فى كيس شفاف صغير و تحطيها فى صينية الجاتوه او الشربات

8 تلفيهم بستان حولين كاسات الشربات

9 لو عندك اى علبة شكلها جميل ممكن و الاحلى يتحطو عليها مش جواها طبعا علب الدهب اللى زى الصدف و السيرما و الشكمجية و الخشب دى تنفع اوى بس للشبكة الكبيرة الا لو تحطى تحت الشبكة حاجات تنفخ العلبة




10 ممكن تقدموا مقبلات فى خلة و تتحط الدبل فيها

11 ممكن تخلى تلبيس الدبل مع التورتة لو فى تورتة هتقطعوها من غير حاجة

12 لو عندك العصاية بتاعة عيد الحب اللى فيها قلب احمر تدى تبقى خطيرة

13 ممكن ورقة ملفوف كأنه رسالة و الدبلة هى اللى حواليه

14 احضار صينية بها كتاب المصحف / الانجيل و على جانبيه الدبل ( للمباركة )

15 فكرة غريبة شوية بنت صغيرة تكون لابسة سلسلة و الدبل فيها

16 بدل موضوع المخدة لانها مش موجودة فى البيت ابدا مخدة ستان البديل اللى موجود تقريبا فى كل بيت على راى احمد حلمى دباديب وارانب هو القلب الاحمر القطيفة هيبقى رهييييييييييييب

17 مربوط فى بوكيه ورد العروس





على فكرة انا فى خطوبتى جبت صينية و زوقتها بالتل و الورد الصناعى بطوله وحطيت علبة شبه اللى فى الصور حواليها دانتيل وكدا عليها الدبل و فى برواز عليه المعوذتين ومصحف صغير و شكولاتة و باقى الشبكة فى علبة على الصينية

طبعا كانت فرح مش كدا هههههههههه بس كانت جميلةجدا عقبال كل البنات


يا رب اكون فيدت كل بنوتة و عروسة



مستنية ردودكم يا حلوين و دعاواتكم ادعوللللللللللللللللللى

[pretty bouba]

تحفففففففففففففففففففففففففففففففففه

[أحلام القلب الطيب]

افكارك جميلة جدااا تسلمي ياقمرر

[himataha]

حلوه بجد ربنا يكرمك ممكن اى حد موجود يرد عليه

[himataha]

نرمين عاوزه رايك في حاجه

[koki_koki]

تحففففففففففففففففففففه

[امل نصر]

افكارك حلوة قوى

[مرمروتي]

فكلرو حلوة كنتي فين من ست شهور انا خطوبتي كانت في البيت وانا قبل منزل الكوافير شلتها فهما معرفوش طرقها ولما جيت انا والدنيا زحمة قاعدو يسالو فين الشبكة قمت انا قايمة من الكوشى عادي خالص وجبتهالهم قدام الناس كلها كان يوم فظيع اصلا من اوله

[nermeeen]

أأمرى يا قمر

[توته ريحان]

ايه الافكار التحفه دى تسلمى يا قمر