[lowjain]

مستواها ومصروفاتهاو............................وكل شئ عنهاhttp://forums.fatakat.com/thread1096141

[هدهد التميمى]

يسعدنى انى اكون اول مشاركة انا رحت الواحه هى فيها ناشونال ب 7 ونص المدرسه حلوة ومستوها التعليمى واضح انو كويس لان المدرسات نطقهم حلو اوى وكمان الفصول فيها كاميرات مراقبه مفيش فصل بين البنين والبنات لحد ثانوى مع بعض الفصل لايزيد عن عشرين الفصول بالنسبه للكى جى حلوه اووووى وكمان جيده التهويه وواسعه المدرسه جديده ونظيفه اوى والحمامات نظيفه ومش مبلوله وكمان لفت انتباهى الاحواض فى مستوى الاطفال ودى مشفتهاش فى مدارس تانيه بيهتموا باللغه وبيدرس فرنسى من kg2 والمانى من برايميرى 3 بجانب دين ودى بتكون شيخ و معلمات من الازهر المدرسه بتعمل دورات فروسيه فى اكادميه اجياد كل يوم خميس وسباحه فى القرية الذكية وبتدى كورسات فى الجامعه الامريكية دول ليهم اسعاااار خارجه عن المصروفات اه الباص بيبدأ من 2400 تقريبا نضيف ومكيف ايه كمان طبعا بيدرسوا منهج مكملن المديرة حازمه جدااااا واللى يبص ليها يخاف اول مشفتها اتبسطت جدا انها حازمه علشان لو مفيش ضبط وحزم يبقى الاولاد مش هيعملوا حساب لاى حاجه ايه كمااااااااان فكرونى بيهتموا بالموسيقى والقران المدرسه كويسه من حيث المساحه انا شفت بس مبنى kgهبقى اشوف برايمرى فى يوم سبت كده خدوا بالكم علشان تتفرجوا على اى مدرسه بيكون يوم سبت
بس هفتكر واقولكم الباقى فيها كمان تعليم امريكى تقريبا ب 10 وعدد الطلاب 10 فى الفصل بس كده

[هدهد التميمى]

اه بيعملو اختبار ل ل الطفل وبيشرطوا ان الاب والام مؤهل عالى اى خدمه وده لينك كمان عن المدرسةhttp://forums.fatakat.com/thread1289258-5

[bondka1]

صباح الخير يا فتوكات أنا لسة مشتركة جديدة ياريت أعرف رأيكو في مدرسة جينيس اللغات أنا قدمت لابني السنة دية فيها كي جي 1 ودفعت المصاريف أية رأيكو و شكراً

[pinky funky]

صباح الخير يا فتوكات أنا لسة مشتركة جديدة ياريت أعرف رأيكو في مدرسة جينيس اللغات أنا قدمت لابني السنة دية فيها كي جي 1 ودفعت المصاريف أية رأيكو و شكراً

بندقة كنت عايزة اسالك إنتي قدمتي إزاي السنة دي في جينيس ؟؟؟ لاني لما سألت فيها قالولي مفيش تقديم لانهم اكتفوا بالنيرسيري ياريت تردي عليَّ وأنا عن نفسي هقولك من خلال اللي قريته هنا برده من الأمهات هم بشكره قوي فيها ومرتاحين في المدرسة بس كان في شكوى من مدرس الفرنش إنه مش بيعمل حاجة في الفصل غير التلوين كمان الشيخ اللي بحفظهم كان بيدي سور كبيرة وبيجري بسرعة وبيعتمد على البيت مش المدرسة دي كل حاجة قريتها على الكي جي فالبريمري بقه في شكوى من مستوى المدرسة بيقولوا إن مستوى كي جي كان حاجة تانية عموما هتلاقي هنا مامهات كتير اولادهم في جينيس ممكن تسأليهم منهم جلجلة ياريت بس ياريت تردي عليَّ عشان أعرف المدرسة دي بتعمل كده ليه لاني برده لقت شكوى منها على الفسبوك من ولي أمر ابنه فيها وكان عايز يدخل ابنه التاني بس بعد معمل انترفيو وطمنوا رجعوا قالوله مفيش مكان ودي طبعا كانت مشكلة وهيضطر ينقل لمدرسة تانية لأولاده الاتنين

[fancydream]

أعزائي أعضاء المنتدي يسرني أن يكون أول مشاركة لي هي الرد علي موضوع مدرسة جينيس أنا أبني في المدرسة من أربع سنوات و كان مستواها في الKg جيد و لكن المستوي في بريميري ليس جيد بإضافة إلي أن الإدارة تتغير كل سنة تقريباً بطاقم المدرسين و لكن كان يغنيني عن ذلك أن مصارفها أقل من مدارس أخري مادمت أنا أتابع معه و يأخذ مني مجهود كبيرو لكن عندما أتقدم بطلب لكي ألحق أبني الأخر فيها و يكون غير مقبول هنا تكون المشكلة حيث تم رفضه بدون سبب في بديء الأمر أعتقدت أن السبب هو السن و لكني أكتشفت بعد ذلك أنه تم قبول من هم أقل منهم سناً و عندما ذهبت إلي المدرسة و قابلت المسئولة عن الkg قالت هذا قرار نهائي وعندما سألت لماذا قالت الولد جيد و سنه مناسب و لكن يوجد من هم أفضل منه و عندم ٍسالت أفضل في ماذا أكتشفت أنه لا سبب و لكن بعد ذلك علافت أنه أعطوا SHEET أختبار للولد و وفقاً لكلامهم و كان عبارة عن رسومات مفرغة و لكن لم يشمي بطريقة جيدة علي الخطوط و لكن كان ممتاز في ال ORAL و الغريب أننا عندما طلبت أن أري هذا الأختبار رفضوا و قالوا هذه أشياء INTERNALو لا يمكن الأطلاع عليها عندها عندما قلت لهم ما حل هذه المشكلة ان اخيه في نفس المدرسة و سوف اضطر غلي سحبه من المدرسة برغم انه متفوق قالت لي ماري مسئولة ال KG هذه مشكلتك و ليس مشكلتنا هذا يرجع لك و بسبب هذه المسئولة التي لم تستطع أن تحيبني لماذا تم رفض أبني فكرت فعلاً في نقل الولد الأخر و في اليوم الثاني حاولت أن أقابل مديرة المدرسة قالوا أنها في كنترول الأمتحانات و لا تقابل أحد و عندما سألت عن صاحب المدرسة قالوا لا يأتي إلي المدرسة منذ أسبوع و عندها لم يكن شخص مسئول في الدرسة سوي ماري هذه عندما قالوا لها أن ولي أمر التلميذ تريد أن تقابل أحد بسبب مشكلتي قالت لا أقابل أحد بدون موعد سابق و تركت المدرسة و حتي لم تعتذر لعدم المقابلة و عندما أصريت لمقابلة أحد في المدرسة للتحدث معه جاءت لي المديرة بعد ساعة كاملة من الأنتظار و قالت SORRY لا يوجد حل عندي لهذه المشكلة و حتي ان صاحب المدرسة أمرني بعد التدخل في أمور KG فقلت لها أذن قولي لي من أقابل حتي يحل لي هذه المشكلة قالت لا حل عندي فقلت لها كيف لي أن أدخل كل واحد من أبنائي في مدرسة مختلفة قالت لي لا حل عندي لهذه المشكلة حتي بعد سنتان أذا فكرت في التحويل أذن المشكلة لا حل لها .
و فعلاً قلت لها أن المرسة منذ أن فتحت كانت جيدة من أربع سنوات و لكن عندم بدأت تشتهر أصبحوا لا يهتموا بالمشاكل الحقيقة في المدرسة و بسببهم تم تفريق أخوة كثيرة في المدرسة لم تعتد المدرسة بذلك و خصوصاً أنها أخطرتنا بعد أن أستكملت معظم المدارس العدد المطلوب منها فعلاً أصبحت .

[افتقد الماضى]

ربنا يوفقك

[جلجله]

انا ابنى كان كى جى1 السنه دى فى جينيس والحمد لله المستوى حلو وانا مرتاحه فيها انا سمعت فعلا شكاوى فى الفرنساوى بس انا ابنى المانى ومستوى الالمانى حلو جدا تقريبا خلصنا الكتاب ماعدا يونت واحد واخد حصيله كلمات فى الالمانى حلو قوى اخد الارقام حتى10 والالوان والملابس واجزاء الجسم والعائله اظن دا حصيله حلوه للغه تانيه
اى استفسار تانى انا فى الخدمه

[lowjain]

أنا بصراحة كنت يأست من عدم الأهتمام بالموضوع مع أنى حسيت أنى تقسيمى للمدارس كدة على أساس كل مدرسة مستقلة بموضوع ليها ويخص كل حاجة عنها هيريحنا كلنا كأمهات بس الصراحة أحبطت جدا لما أنتظرت فترة كبيرة بدون أى مشاركات بس المهم دلوقتى أنا مبسوطة جدا أن أحنا هنبدأ نتفاعل مع بعض علشان موضوع المدارس الرخم ده ولكن للأسف أغلبية المدارس أغلقت التقديم ولكن ربنا يسهل
وأخواتى هدهد التميمى مدرسة الواحة فوق فوق فوق فوق فوق الممتازة وتوكلى على الله
و
bondka1 توكلى على الله والأمهات اللى بيشكروا فى المدرسة كتير جدا واللى أنا شوفتة أن عيوبها قليلة بالنسبة لمميزاتها
وlolitablanca أنا كمان عايزة أعرف أزاى وهما قالوا أكتغو بالعدد عندهم
وfancydream دية قلة ذوق منهم يعنى أزاى ميقبلوش الأخ مع أخوه فى نفس المدرسة!!!!!!!!! أمرك لله حاولى معاهم تانى ولو منفعش شوفى مدرسة تانية
وافتقد الماضى شكرا يا قمر لأهتمامك وردك ودعاكى لأخوتك
وجلجله ربنا يحفظة يا رب ويباركلك فيه أن شاء الله وحاولى تحفظى على مستواه

[قمر كل البنات انا]

ربنا يوفقك