[ام سيكا]

السلام عليكم و رحمة الله و بركاتة
احب اصبح عليكم واسالكم على حاجة صغيرة لكل ام
انا بحاول مع بنتى بقالى اكتر من شهر انى ابطل لها البامبرز و قاعدة فى البيت من غيرة عشان تتعود لكنهى ما بتقولش الا بعد ما بتعمل وهى صعبانة عليا من كتر الضرب اللى مر بنفس التجربة يرد عليا و يقولى اعمل اية و كل سنة وكل ام فتوكة طيبة سواء للامهات الحاليين او الجدد

[ام سيكا]

على فكرة اسما فقط لانى كنت بشارك معاكم عن طريق اشتراك ماما و باسمها و هى ام حمادة

[ام بسنت]

انا لسه شايفه موضوعك دلوقت حاواى متضربهاش كتير لان انها اتعودت تعمل لاارادى حاولى تقعديها على الحمام كل عشر دقايق
او كل لماتاكل او تشرب وتقوليها على حاجه بتحبها او حته عايزه تروحها لو عملت فى الحمام مش على نفسها حاولى تحضنيها وهى على الحمام وقولها حتبقى شاطره لو معملتيش على نفسك وحعملك مكافاء شجعيها انا عارفه انها صعيه قوى فى الاول وان شاء الله ربنا يهديها انا بنتى دوختنى ككتير وساعات لماكانت تعمل اقولها انازعلانه ومش حكلمك واسيبها ومردش عليها واهو ربنا بيسهلها

[ام مهند]

ام سيكا عوديها ياغاليه علي قولت

بيبي

يعني اولاحاولي مش تلبيسيها البامبرز لمده يومين كده وكل شويه اسأليها عاوزه الحمام ومش تزعقلها لما تعمل علي نفسها حاولي معها براحه وامدحيها اذا عملت في الحمام
وان شاء الله هتتعود براحه

واكرر انت لازم تسأليها كل شويه علي الحمام حماتي كانت تقولي دايما كل شويه اعزمي علي ابنك لحد مايتعود وكل لما تتدخلي انت اسأليها

وربنا معاك

[أم الطيب]

زي ما أخواتك قالولك وكمان يا ريت وهي قاعدة تعمل هاتيلها علطول حاجة حلوة بتحبها كمكافأة..
وعايزة اقولك يا غالية انا ابني فضل 4 شهور عقبال ما نطق وبدأ يقول.. فما تستعجليش هتاخد وقتها بس بلااااااااااااااااااااااااااااااش الضرب.
ونورتي المنتدى يا سكرة.

[مؤمنة بالله ورسوله]

انا عندى نفس المشكلة ابنى عندة سنتين والبامبرز متعب فى الصيف لازم حل
هحاول زى ام بسنت و ام الطيب وام مهند ما وضحوا وادعولى

[Marwa Esmael]

انا بنتي عندها13شهر وبرده مغالبانى مش بترده تقعد علشان تعمل حمام وعلي طول تروح قايمه وتصرخ وبرده مش عارفه اعمل لها ايه

[توته1]

إلالالالالالالالالالالالالالالالا الضررررررررررررررب
في الموضوع ده لأنه ممكن يعملها عقده ،خليكي بالعكس وكافئيها كل ماتعمل بالحلويات والصقي لها صور على ايدها ووشها وكده ..

[nona79]

اول حاجة هي عمرها كام لو اقل من سنتين اعتقد انو لسه بكري لو اكبر فغلط انك تضربيها لانها كده مش حتتعلم من الخوف حاولي انك كل نص ساعة تدخليها للحمام ولما تعملها علي روحها فهي اساسا حتكون خايفة انتي هديها وقوليلها معليش
وابتسمي في وجها علشان ما تحسش انها عملت جريمة
انا عملت مع ابني كده وما تعبنيش خالص

[nehad]

ممكن تحطي لعبة أو صور حلوة في الحمام عشان تحبة

[مدام وائل]

تعالى معانا
نشجع بعض فى الموضوع ده

http://forums.fatakat.com/thread11398

[ام سيكا]

على فكرة اخر خاجة بقيت اعملها هو الضرب بس انا فعلا زهقت لان كدة احنا بقى لنا كتير قوى و على فكرة اختها الكبيرة ما تعبتنيش كدة و فعلا بكافئها واسقف لها و اجيب لها حاجات حلوة و عملت كل اللى بتقولة علية دة و مافيش فايدة باردوا و ربنا يلهمنى الصبر

[ام حمادة]

حرام عليكى ياام سيكا تضربى سارة علشان البمبرز

[m.moon]

بلاش الضرب خالص لانه هيخليه يعند مش هيحل المشكلة على العكس

[anoga]

مساء الخير عليكم جميعا انا لسه ممرتش بهذه التجربه لكن ماما نصحتنى بطريقه صحيحه و سهله للغايه وهى انك كل يوم صباحا اول لما يصحى الطفل تعرضى عليه بأنه يتبول او يتبرز كما يحب (*_*) وبمعدل كل ساعاتين تعرضى عليه كيف ؟؟
(تضعيه على القصريه وتعوديه على كلمه معينه) مثل (ببه_ببببه_ببببببه) يا رب اكون افدتكم فى حل هذه المشكله

[asmaa kamal]

اولا علميا و هذا من اطباء ان الاطفال قبل عمر السنتين لا يتحكمون في انفسهم
و ليست عندهم القدرة علي الشعور بالرغبة ثم القول للام ثم دخول الحمام
فاذا كانت ابنتك اصلا اقل من سنتين توقفي فورا عن هذه المحاولات لانك بهذا تطالبينها بشئ فوق طاقتها العمرية
اما اذا كانت فوق السنتين اولا طبعا الضرب ممنوع لاثارة السلبيه التي لا تزول
مثل - الخوف و الرهبة - الشعور بعدم الحب و خاصه من الام - الطفل يطلع جبان - معندوش شخصية - مهزوز و غير واثق من نفسه - التعرض للتبول اللا ارادي اثناء نومه - يميل الي العزلة - يجعله عدواني مع الاطفال في مثل عمرة لاخراج كبته - و اشياء كثيرة جدا ربنا يحفظنا منها فالضرب ممنوع
المفيد ايضا هو انك تذكرينها مثل كل الامهات لان هذا الشئ ليس من اهتماماتها السابقة و بالتالي مش بيخطر علي بالها و هي بتخبرك لما بتعمل لانها مش مرتاحه لما عملت علي نفسها و هذا يضايقها
التشجيع و الهدايا تفيد كثيرا في كل مرة تاخد بالها و تعمل في الحمام
فكرة بسيطة الاطفال يحبونها احضري ورقة او كرتونه و اعمليها مربعات و اكتبي اليوم علي اليمين مثلا مثل الجدول
السبت مثلا اعملي امامه 5 مربعات مثلا و كل مرة تنجح في العمل في الحمام الصقي فية نجمه سوف تسعد كثيرا ابنتك و تحاول ان تملا كل المربعات بالنجوم لشعورها بالانجاز الاطفال تحب مثل هذا الاشياء كثيرا
و لو في يوم عدي من غير ما تعمل علي نفسها و لا مرة اكيد لها جائزة و لو بسيطة او خروجه او اي شئ تحبة
و طبعا مش حوصيكي او لادنا امانه ربنا ادهالنا لازم نحافظ عليهم
اصبري و حتوصلي للي انتي عاوزاه
الكلام ده جيبا من كتب علمية و خبرات لاني حبقي ام قريبا ادعولي
اقراي كتاب اسمه - العشرة الطيبة مع الابناء و تربيتهم - للاستاذ محمد حسين
مفيد جدااااااااااااااااااااااااا

[ام سيكا]

شكرا ليكى جدا يا انوجا واسماء نصائحكم فعلا مفيدة بس الحمد لله المشكلة اتحلت و بفضضل نصائحكم الغلية انتوا واصحابكم فى المنتدى
اخيراااااااااااااااااااااااااااااااااااااااااااااا اااااااااااااا

[sherry]

مش حينفع الضرب حاولى تعلميها براحه تقول بيبى وتوديها الحمام وكده حتتعود بس بلاش الضرب