[نادو]

بسم الله الرحمن الرحيم

كل واحدة مننا اكيد مرت بقصة حب ياترى تقدرى تعاندى معااااااااااااه
وتقولى رأيي هوا اللي هيمشى
ياترى انتى استعملتى العند فى علاقتك مع حبيبك
عايزة اعرف آرائكم!!!!!!!

[sara_al111i]

موضوعك مهم جدا
أنا من النوع العندي جدااااااااا
ودايما بتمسك برأيي بس لو لقيت الرأي اللي قدامي افضل بمشيه
بس برده دماغي صعبه شويه انا نفسي ف حد فعلا يكسرها ويقدر يتعامل معايا
بس المره اللي اتخطبت فيها مقدرش يفهمني او يتعامل معايا وكان دايما يقول اني عنديه بس المشكله انه كان بيحطني ف موقف لازم ابقي عنديه وف مواقف بينه وبين أهلي فطبعا لازم اختار أهلي ومكنش قادر يفهم يااسمع كلامه حتي لو ف الغلط ياخناقه وطبعا انا عنديه مينفعش ياده ياده معايا فكنت بختار الخناقه هههه وكان يبرر اي تصرف بالعند لغايه لما كرهت نفسي بس الحمد لله قدرت اتخطي الوضع
فالعند مش صفه سيئه ف كل الاوقات بس لازم اللي قدامها يقدر يتكامل معاها ويفهمها وبكده يقدروا يتعايشو مع بعض

[أمولة]

استعملت العند بس بالحق يعني الحق معي ----
وانا من النوعيه القنوعة والصبورة الحمدالله -----------

[ام عمر المصرية]

العند فى مواقف قليلة جدا والست المفروض ما تبقاش
عنيدة على طول ما يصح برضه ولازم تبقى ذكية تعرف
امتى تعند وامتى لا لا لا وشكرا للموضوع

[hana]

والله يا نادو عمر العناد ما بيجيب نتيجة خالص ولذلك انا مش بجربو .

[مروشكا]

العناد مش كويس خصوصا في العلاقه مع الحبايب
لازم تسمعيالكلام بس مومعنى هذا انو تمحي شخصي

[نادو]

مشكووووووووووورة جدا لمروركم

[نادو]

وفعلا عندكم حق والله عمر العند ما بيجيب فايدة

[bes_bes]

للاسف العند ديما بيقلب لخناقه فبطلت و بكبر دماغي احسن

[eltourky]

طبعا العند اساس اغلب المشاكل
وخصوصا الست مينفعش تكون عنيده وخصوصا مع زوجها

[سحابة بيضا]

مينفعش العند مع الرجاله خااااااااااالص .

[مدام ياسر]

العند فى الغلط مش ينفع خالص وكمان العند مع الزوج لأن الزوج يحب يكون هو المسيطر وهو صاحب القرار عشان كدة مش تعندى وحاولى تتناقشى معاه بهدوء وتفاهم وحاولى تقنعيه برايك باسلوب غير مباشر بحيث انه يشعر انه هو صاحب الراى والقرار مش انتى وطبعا اختارى الوقت المناسب وهيأى الجو المناسب اللى تناقشيه فيه انا عملت كدة مع زوجى والحمد لله بنوصل لحل يرضيه يكون هو مقتنع بيه وانا راضية ومبسوطة جدا لان بيقوللى بعدها انا كنت بفكر فعلا فى انى اعمل كدة وبيقتنع بعدها ان افكارنا واحدة وانه قراره هو من غير اى تدخل منى صدقينى هترتاحى جدا لو عملتى كدة وربنا يوفقكم كلكم يا احلى صبايا

[نادو]

شكرا لمرورك ياسحابة
وانتى كمان اسعدنى مرورك يامدام ياسر تسلمى حبيبتى