[2nashwa]

السلام عليكم يا كل الفتكوات الحلوات وحشتونى اووووى وانا كنت في الاسكندرية يوم الاربعاء بالليل وتخيلو رجعت الخميس بالليل لاني اتخنقت من يوم واحد من الي شوفته اولا العجمي ما يندخل بقلهم سنتين بيوصلو مواسير المجارى ومكسرين الشوارع كلها وكمان الشوارع غرقانه ميه مش كده حرام انا الي زعلانه عليه الناس الي عيشين هناك عرفين يعيشو الزاى وطبعا مقلكوش علي الزحمة الي ليس لها حد اليوم كله بيروح في الزحمة من الاخر مفيش هذه السنة مصيف في الاسكندرية و العجمي كله عليه والساحل الشمالي ومطروح لان الاسكندرية مبهدلة وارجو من المسئولين السرعة في ارجعها عروس البحر الابيض المتوسط دى الاسنكدرية مفيش احلي منها

[زوزو الهلالي]

عندك حق إحنا أهل الاسكندرية تعبنا جدا بس المشكلة مش في التكسير وبس إحنا عاوزين حد يعرفنا إزاي ممكن نطلع على رصيف ارتفاعه حوالي 42.5 سم
ده فعلا ارتفاع الرصيف امام بيتي علما بأني أسكن في منطقة راقية جدا
إلى الله المشتكى

[مرمريكا]

ياسلام عليكى يانشوى
تعرفى بقى انى ساكنة فى العجمى والشارع بتاعنا متبهدل
بجد بنعانى جدا
يارب شكوتك دى توصل للمسؤلين

[ورده الحب الصافى]

السلام عليكم ورحمه الله وبركاته
على فكره يا جماعه انا من اأشد المعجبات بالسكندريه بس على ماأسمع أن مافيش حد هيقدر يشتغل فى البلد دى زى عبد السلام المحجوب صح

[nehad]

فعلا الاسكندرية أتبهدلت
ولا شوفوا الابراهمية ساعة الشتا كانت برك طين
منهم للة

[انا ليه دايما خايفه]

اهلا بيكم
ما انا من اسكندريه مش كل الاماكن كدة على فاكرة العجمى كلها واحشه لكن فى اماكن زى العسل والعجمى فى منها اماكن حلوة يلا بقا معلش

[عبير بدري]

احنا كنا بنصيف كل سنة فى العجمى مع والدى زمان وكان العجمى من اجمل الاماكن
لكن المجارى و الشوارع المكسرة غيرت المكان حتى المسؤلين كانو نسيين العجمى
يوضبو اسكندرية كلها و يجو لغاية العجمى و يوقفو الحمد للة انهم بيصلاحوها دلوقت
ربنا يديهم الصحة والعمر لغاية ما يخلصو

[مرمريكا]

فعلا ياوردة هو المحجوب اللى خلى اسكندرية تحفة
ربنا يديله الصحة

[مروشكا]

المشكله عندنا في سوريا متل عندكم
بيحفروا للمواسير وبيتركوا بيحفرو للهاتف وبيتركوا
ولا الزحمه لسا شحنة الشوارع ماوصلت والعربيات فوق بعض

[ايمى3]

بشرتينى 2nashawانا كنت فى العجمى الصيف الى فات ورجعنا علطول ورحنا الساحل الشمالى عشان كانو بيصلحو المواسيروكانت العجمى متبهدلا خالص هما لسة بيصلحوها معقولة امال هيخلصوها امتة

[bes_bes]

عرفه يا مروشكا انا اسمع ان اسكنريه شبه سوريا قوي و اكترحاجه الشارع بتاع البحر
يا جماعه اسكندريه مش عجمي و بس مالا ميامي و المعموره و المنتزه خلصوها خلاص و بقت تحفه تعالي انت تاني بس و انا هفسحك ي 2nashwa

[ام عمر المصرية]

الاسكندرية بالرغم من زحمتها جميلة لكن
الاجمل والارقى الساحل الشمالى هدوء
ونظافة

[دندونة]

أنا بحب اسكندرية أووووى بجد مهما روحت اقول اسكندرية حاجة تانية على فكرة انا روحت شرم وبرضة بحب اسكندرية اكتر يارب يصلحوها حرام عليهم وفعلا المحجوب مجاش زيه دة اهل اسكندرية كلهم بيحبوا ويظهر علشان كدة غيروه
ربنا يهديهم واسكندرية تتصلح

[ناننو]

انا كمان بعشق الاسكندريه ومهما حصل بموت فيها ... البحر وابو اشرف وبلبع واولاد غريب بتاع السندوتشات والكورنيش والمحلات والقهاوي والمعموره والمنتزه يييييااااااه تجنن صيف وشتا

[علياء على محمود]

زعلتينى يا ناشوى قوى على اسكندريه حبيبتى
انا كل سنه لما بنزل مصر ببقى راسه خطط وامال وبسبب الزحام بفضل قاعده فى البيت وبنخاف نخرج وكل ماخرج انا وجوزى نرجع بخناقه مع انى ساكنه فى ارقى مكان فى اسكندريه جنب بيت المحافظ الله يسمحو

[goaerea]

انتو بجد زعلتونى اوى لانى انا اصلا من اسكندرية و من العجمى بالاخص و للاسف منزلتش اسكندرية بقالى تقريبا سناتين و بجد انا بعشق اسكندرية و انا رحت اماكن كتير اوى فى اوروبا بس مافيش غير حبيبتى اسكندرية و دة مش كلام واللة انا فعلا بعشق كل حاجة فيها حتى الحاجات الوحشو الى فيها بحبها و يا رب ما يحكم ابدا على اى حد بيكون بيحب بلدة انو يتغرب منها ابدا

[seren_serenty]

انا كمان من اسكندرية وبحبها اوي اوي ومتغربة عنها
ومن العجمي كمان بس اللي انا سمعته ان الحفر بتاعه الايام دي بسبب الغاز
مش مجاري
ربنا يكرم ويخلصو احسن بيقولو فعلا الشوارع مايتمشاش فيها واللي عنده عربية يخاف عالعفشة ويركنها ويقضيها بهدلة ومواصلات

[ام مهند]

ياجماعه هو في زي الاسكندريه ده عروس البحر المتوسط وانا روحت اماكن كتيييير وبرضه اسكندريه حاجه تانيه خالص

يارب يخلصوها قبل ماانزل علشان كنت ناويه اقعد فيها يجي شهر كده

[همس الحب]

على فاكرة مش لازم العجمى يعنى بقيت اسكندرية جميله وانا عايشة فيها والحمدالله لامكسرة ولا حاجة هما بس بيجديدو فلعجمى وهيخلصو علصيف الجاىى وعليكو خير سته اكتوبر اللى هتكسب الصيف ده واحنا عندنا شقه هناك يلا اللى عايزة تروح تقولى وانا اخليها تقضى احلىي يوم وعلى حسابى بس قولولى هتيجو امتى وانا افرش الارض رمل

[فطيمة]

اميييين يخلصوها قبل الصيف اللي جاي