|
رد: حد عنده وصفه سحريه لمنع النرفذه والزعيق
اختي العزيزة كلامي ليكي هيكون من واقع خبرتي ودراستي لعلم النفس . حل المشكلة اللي انتي فيها مش بالمشروبات والادوية الحل بايدك طبعا بعد توفيق ربنا انتي كل مرة بتزعقي فيها بتداري ضعفك وعجزك عن حل المشكلة ورا الزعيق فالشخص القوي هو الذي يملك نفسه عند الغضب وانتي يا اما تخلي نفسك وضعفك يتحكموا فيكي يا اما انتي تتحكمي في نفسك وضعفك وكمان البنات في مرحلة المراهقة بيبقوا شايفين نفسهم اوي فمينفعش تتعاملي مع مشاكلهم بالصراخ لانهم بيحسو بالتمرد وده بطبيعة المرحلة اللي هما فيها هما محتاجين يحسو بحبك وحنانك واحتوائك ليهم بوسيهم احضنيهم قوليلهم بحبكم اوي صدقيني هيفرق معاهم اتكلمي معاهم ووزعي عليهم الشغل بالعدل واهم حاجة المساواة في كل شئ حتي الابتسامة ولازم جوزك يشاركك في المهمة دي لانه ليه دور مهم جدا في حياتهم مينفعش انتي تقومي بيه بالنيابة عنه . انا عارفه ان تنفيذ الكلام ده مش سهل ابدا بس متنسيش انك كده بتعدي بيهم لبر الامان وبتحافظي علي علاقتك بيهم ودي اهم حاجة عشان ما يجيش يوم وتلاقيهم هما في وادي وانتي وابوهم في وادي من غير ما تحسو وخلي بالك الام موصلتش للمكانة اللي هي فيها عند ربنا وعند الناس من فراغ .ياتري هتختاري انك تتحكمي في نفسك ولا نفسك اللي هتتحكم فيكي ؟ . ربنا يوفقك لما يحب ويرضي . وتحت امركم في اي استشارة نفسية
|
حلويات رمضان 
