[ALZAHRAA]

دعونى اخواتى اروى عليكم هذة القصة واخد رايكم اعمل اة /انا ربة منزل وام اطفال وعندىصديقتى بتعمل موظفة والما نتقابل تشعرنى انى فى غاية الجهل بما يحدث حولى و دة طبعا لاانى باستمرار فى المنزل وطبعا هى الى فهمة و عرفة كل حاجة وهذا بصراحة سيشعرنى انى فعلاجهلة ماذا افعل ؟

[نادو]

بصى ياحبيبتى مفيش حد احسن من حد ممكن انتى ياللى قاعدة فى البيت تكونى بتعرفى احسن منها بكتيييييييييير فى حاجات كتيرة اوى
وبعدين خاليكى واثقة من نفسك دايما واوعى تحسسيها انك مهزوزة واما تكلمك فى اى حاجة جاريها فى الكلام والانسان طول ما هوا عايش اكيد بيتعلم واحتسبى عند الله
وربنا يهدى يارب

[ام القاسم]

كلام نادو صحيح وما عندي اكترمنة
انا الان شخصيا ربة بيت وسعيدة جدا بالبيت وعندي وقت اكون فيه هانم بعد ما كنت مدرسة لمدة ست سنوات الشغل رائع وممتع بس البيت اروع
وبعدين النت وعلاقتك بالناس ممكن تعوضك بتصيري تعرفي شولي صايربالدنيا

[eltourky]

انت وظيفتك يازهراء احسن بكتير من وظيفته قريبتك
بس تحسني تربيه اولادك
اما بالنسبه لثقافتك انت ممكن تزوديها بالنت
فهو اسهل وسيله لتزويد المعلومات ف كافه شئ تريده
ومع الوقت راح تكوني ع درايه بكل مايحدث حولك
وبقولك لا تهتمي اطلاقا بكلامها
بس واجب عليك فعلا انك تزويدي لثقافتك علشان تقدري تثقفي اولادي وتعرفي تتناقشي معاهم ف اي سؤال يجهلوه

[ام مهند]

انا ربه منزل وعلشان محسش الاحساس ده

اخذت دورات في اللغه وكمان في الكمبيوتر وبقرأ كتييييييييييييييييير

الانسان ياعزيزتي هو اللي يستطيع تثقيف نفسه مش بالشغل والله

المهم انك لاتحصري نفسك وتفكيرك في البيت والاولاد

ثقفي نفسك لنفسك ولبيتك ولاولادك ولزوجك

[هميس]

معنديش كلام تاني طبعا اخواتك قالو المفيد واهم حاجة ثقتك في نفسك وربنا يوفقك

[ياما119]

كل كلام الاخوات رائع جدا انتي فعلا اللي تقدري تثقفي نفسك بنفسك اقرائي تابعي البرامج المفيده فى التليفزيون عندك التليفزيون مليان بالسياسه والاقتصاد والدين كل حاجه معتقدشي بقي ان قربتك دي هاتتكلم فى حاجه غير كده الا اذا كان كله كلام نميمه على الناس ان فلانه عملت وفلانه سوت ده وضع تاني وانا مفتكرشي ان هيا دي بقي اللي تبقي فاهمه ومطلعه علي الدنيا الدنيا مش مستخبيه الدنيا مفتوحه لكل الناس

[مدام ياسر]

كونى واثقة من نفسك ولا تكونى مهزوزة فى كلامك قدامها وانا مع الاخت نادو وكمان انتى افضل منها بكتير لانك تكرسين حياتك ووقتك لبيتك ولاسرتك ولزوجك ولا تدعى اى شئ يشغلك عنهم اما هى تغار منك لذلك لانها تقضى معظم وقتها بالخارج بعيد عن اولادها ولما ترجع تكون تعبانة مش تقدر تقعد تتناقش مع زوجها او يخرجوا من التعب واكيد حياتهم فى روتين مستمر انما انتى لديكى الوقت لتنظمى وقتك وحياتك للجلوس مع اولادك والجلوس مع زوجك او الخروج وتغير الجو لكسر الروتين كونى واثقة تماما ومتاكدة انها تغار منك لذلك جاريها ولا تدعى كلامها يشغل تفكيرك مطلقا فبيتك واسرتك هم الاولى بالتفكير لهم فى كل جديد ومفيد لحياتكم

[مروشكا]

يمكن تكون متغاظه من جلستك في البيت
وكلام الأخوات سليم
الثقافه مو بالخروج والوظيفه
لا تنقصي من قيمة نفسك
فعملك داخل البيت أهم من خارجه

[ام عمر المصرية]

ولا يهمك منها دى حاجة طبيعية العمل للمرأة يخليها متابعة كل حاجة لانها بتتعامل
وتحتك بالناس لكن لاتخلى حاجة زى دى تاخد من تفكيرك كتير انا لا اعمل وخلصت
جامعة وانا متزوجة ولم اعمل ولا افكر فيه العمل زى ما ليه مميزات ليه مساوئ كتير جدا على البيت والاولاد والمرأة نفسها وشكرا لموضوعك

[hana]

فعلآ صح كلام نادو وام مهند والله مافى كلام تانى يتقال اسمعى كلامهم

[اشرقت]

مستوى ثقافة الانسان ليس له علاقة بدرجة التعليم ولا بالوظيفة

ولكن بما يزيده الانسان فى نفسى

حاولى تكونى مطلعة وتابعى اخبار وتعرفى طبيعة الموضوعات اللى بتفتحها معاكى وتكونى ملمة بيها

[أمولة]

والله كلامكم يا عسولات كفه وفه الله يجزيكم كل خير 000
اسمعي كلامهم مابتندمي -------

[ام ميداء]

اختى زهراء عمر الشغل ما كان مصدر الثقافة انا مثلا ربة بيت خريجة هندسة القاهرة عمرى ما اشتغلت وسعيدة جدا لما باذاكر لولادى ويتفوقوا ويحققوا مراكز على الادارة ودخلوا كليات قمة حاجة واحدة بس حرصت عليها جدا وهى الجريدة اليومية كانت بتوصلنى بالعالم كله وبدون مبالغه لقبى عند اهلى و اهل جوزى هو المثقفة لانى ممكن اتكلم فى كل المواضيع والمنتدى فيه كتير جدا احسن منى بكتييييير لاتعطى الفرصة لاحد يطلع مركبات نقصه عليكى واعتبرى ان نجاح ولادك هو احسن نجاح ليكي انت شخصيا

[ALZAHRAA]

شكرا لكم جميعا مشاركتكم معى اعطتنى ثقة كبيرة فى نفسى انا بحبكم جدا

[nehad]

و اللة مفيش كلام أحلي من كدة
و دة برضة تنبيه لينا
عشان مننساش نفسنا
وعلي فكرة أنا صيدلانية بس فضلت بيتي عن شغلي لانة محتاجلي
و دة مش عيب

[wella]

اختي العزيزة ليه كتير من الستات بتعتقد انها لما بتتجوز بتنقطع كل علاقتها بالمجتمع الخارجي بتبعد عن اصحابها ومبتخرجش تتفسح وتبطل تقرا انا عارفة ان الجواز بيفرض عليكي مسئوليات كبيرة بس مينفعش تنسي نفسك في وسط الزحمة عشان انتي العمود اللي بيتك مبني علي اساسه وصدقيني الثقافة والعلم مش بالشهادات والمناصب احنا دلوقتي بقينا في مجتمع مفتوح وسهل اوي تثقفي نفسك بنفسك تقدري مثلا تكتبي اي حاجة في منتدانا الجميل وتتناقشي فيها مع اخواتك كلنا هنفيد بعض لان كل واحدة ليها خبرتها ورايها تقدري تشوفي الاخبار تقرأي الكتب تصاحبي بناتك وتشوفيهم بيفكر ازاي كمان النت سهل علينا حاجات كتير تقدري تلاقي فيه كل اللي انتي عيزاه وانا من رايي ان الست المفروض تشتغل عشان حاجتين الفلوس وشغل وقت الفراغ غير كدة بيتها وولادها اولي واهم من اي حاجة وصدقيني الجاهلة مش اللي متبقاش مثقفة الجاهلة هي اللي متعرفش حاجة عن ولادها لانهم اهم حاجة في الدنيا كلها سيبك منها لان دي ست معندهاش احساس وبجد احنا كلنا تحت امرك في اي مشورة واي حاجة تحبي تعرفيها صدقيني هتلاقي معانا ان شاء الله كل اللي ممكن تحتاجيه ونسأل الله ان يعلمنا ويعلمك من واسع علمه

[ام 3البنات]

كلام الخوات فيه نصائح حلوه كتير اسمعي كلامهم وحاولي تتابعي البرامج الحواريه وانتي تبقي على درايه بكل اللي بيحصل حواليكي وكفايه اقول لك ان العقاد كان بس معاه الابتدائيه وان وزيرة القوى العامله في مصر برضه معاها ابتدائيه قديمه برضه وده ما وقفش حاجز انها تكون وزيره ........الثقافه والعلم مش بالشهادات ولا بالشغل انما بكتر المطالعه والقراءة

[preatywoman]

هيا كان ممكن انها تاخد بأيدك بدل ما تنظر لك نظره متدنيه زي ما قلتلي
وانتي لو فتحتي التليفزيون كل يوم شويه على القنوات الدينيه والبرامج الثقافيه صدقيني هتكوني افضل منها

[wella]

كمان فيه حاجة نسيت اقولهالك الست دي في منتهي الجهل عشان فاكرة انها فاهمة في كل حاجة وصدقيني زي ما هي حاولت تحسسك انك جاهلة ومش عارفة حاجة اكيد هييجي اليوم اللي تتحط في موقف زي ده لانه فوق كل ذي علم عليم وان شاء الله الحد ده هيكون انتي وبجد لو احتجتي اي حاجة في اي حاجة تحت امرك