[ام سيكا]

ارجو بعد مشاركتكم
ان تقيموا الموضوع
(التقييم).........ما تنسوش

عشان تكسبى حماتك
لازم تعملى الاتى:-

1. لازم تحسسيها انك بتعامليها زى امك
2. لازم لو انت بايتة عندها تصحى بدرى حتى لو كنت فى الاصل بتصحى متاخر
3. لازم تبقى خفيفة و تخدمى نفسك بنفسك و ما تستنيش حاجة من حد و بالذات لو كان عندها بنات
4. دايما تشتركى معاها فى اى موضوع

............................. ودة بعد خبرة 5 سنين زواج

و ربنا يديمها نعمة

[nona79]

شكرا يا ام سيكا علي النصائح المهمة

[ام سيكا]

انت متزوجة يا nona97و يا ترى عاملة لية مع حماتك؟

[سحابة بيضا]

نصائح جميييييييييييله قوي .
شكرا يا عسل

[مدام ياسر]

شكرا على النصيحة الغالية يا ام سيكا

[semsema40]

نصيحة غالية والله مشكوووووووووووووووورة

[أمولة]

مشكورة على النصيحه انا هيك بعامل حماتي 000000000
الواحد بدو الستر --------

[اميرة بن عياد]

شكرا نصائحك جيدة ولكني ساضيف نصائح اخري
يجب ان تستدعيها لبيتك وان تقومي بتدليلها وخدمتها ولا تتركها تقوم باي عمل فهي ضيفتك
اشتري لها الهدايا كلما سمحت الفرصة فان للهدايا تاثير على النفوس (فحسب المثل التونسي/ انا غنية واحب الهدية)
افضل ما تقدمينه لحماتك ان تناديها يا ماما ان كنت تناديها بغير ذلك
ما تغضبيش منها مهما كان فهي مثل امك ومش ممكن انو انسان يغضب من امو

[ام سيكا]

وحياتك يا اميرة ما بخليها تعمل حاجة حتى لو انا اللى عندها وفعلا بناديها يا ماما لانها فعلا تستاهل و ربنا يخليها

[ناننو]

ربنا على القوي والمفتري

[ALZAHRAA]

الصراحة يا جماعة انا حماتى ام وبتعاملني زي بنتها

[نجلاء المحامية]

نصائح جميلة جداً جداً بس مننساش الحما حما بردو مهما نعمل

[نادو]

شكرا على النصيحة ياغالية بس دة لو اعطيتنا فرصة هيا اصلا

[ام القاسم]

بارك الله فيك كلام موزون
انا عموما حماتي زي العسل
بكفي مريحاني من يوم الجمعة (لازم يوم الجمعة نقضيه عندهم )

[اميرة بن عياد]

بالنسبة للاخت الي بتقول الحماة حماة مهما يكون بس عندي نصيحة وان شاء الله تكون لها نتيجة اتجاهلي كل شيء يصدر منها يزعجك واعتبري انو شيء ما حصل
واقنعي نفسك بانو حماتك ما فيش زيها وبس شوفي الناحية الحلوة فيها مثلا طيبتها رقتها عطفها سماحتها......
وااكدلك انك حتحبي حماتك و تعطي لنفسك الفرصة انك تخليها تعاملك حلو
جربو نصيحتي و انتظر منكم النتيجة
في الانتظار

[ام سيكا]

بجد يا اميرة فعلا كلامك صح و كل واحدة تحاول على قد ما تقدر
و ع العموم اللى بيحب حد بيتغاضى عن اى تصرف لية وحش
انا معاكى يا اميرة و اقول نفس النصيحة لكل الفتوكات

[مروشكا]

والله يا جماعه كلام سليم ونصائح مفيدة

وأنا بزيد انو لازم هي خلاص تاخد اجازه ونحنا لازم نعتني فيها لانها وصلت لعمر كبير لازم نتحمل مهما حصل منها ونسايرها وهذا بينعكس على محبة أبنها

[ناننو]

اللي مايعرفش يقوول عدس

[ام سيكا]

لية كدة بس يا نانو
ع العموم ربنا يهدىىىىىىىىىىىىىىىى

[البرنسيسه]

واالله ياجماعه انا ليا 12 سنه متزوجه ومش عارفه كيف اعمل وارضي حماتي المشكله حماتي مزاجيه ومسيطره وصعبه والحمدلله انا بعاملها زي ماما بس بردو احيانا بتضايق من تصرفاتها ولاحظت عليها بتحب تمشي كلمتها عليا انا وزوجي والله اني تعبانه الله يعيني