[ام عمر المصرية]

اللى عاوزه تخزن الثوم من حبيباتى فى المنتدى تشترى دلوقت موجود ورخيص
انا بشترى كمية كبيرة وبيكون لسه اخضر وبفرمه فى الكبة واحط عليه ملح قليل
وليمون قليل علشان ما يغيرش طعمه واحطه فى اكياس بلاستيك وافرده كويس
واحفظه فى الفريزر استخدمه طول السنة بس حد يقولى اضيع ريحة الثوم من الفريزر ازاى وشكرا ؟

[ام بسنت]

مشكوره بس تضعيى الريحه ازاى مش عارفه بصراحه

[ام عمر المصرية]

شكرا ام بسنت وانا مستنية حد يقولنا

[ام ميداء]

السلام عليكم ورحمة الله وبركاته
انا باخزن الثوم بنفس طريقتك لمدة سنة كاملة لكن مش فى اكياس باحطه فى برطمانات التانج الفارغة او فى برطمانات بلاستيك محكمة الغلق واتحدى لو ظهرت
اى رائحة هتقولى استعمله ازاى اقولك اول ما تدخلى المطبخ تخرجى البرطمان لمدةخمس دقائق بعدين تاخدى كميتكمن الثوم وترجعى البرطمان تانى
ارجو ان اكون قد افدتكم...............ام ميداء

[nehad]

لأنل حماتي بتحطة في البرطمان
بس أنا لمل جيت اشيلة لم أضع ليمون و ملح فكان حاجة صعبة جدا

[bes_bes]

شكرا يا ام عمر اختي كانت لسه بتسالالنهرده الثوم احط عليه ملح ولا لا هقولها حالا علي طرقتك للتخزين
بس للاسف انا كمان معرفش ازاي تضيعي رحت الثوم

[bes_bes]

لسه شايفه موضوع لام بسنت \ ده منقول من موضوعها
هل ترغبين بالقضاء على الروائح و التمتع برائحه منعشه كلما فتحت باب الثلاجه

كميه من الفحم المكعبات الخاصه للشوي تساوي 8 ملاعق طعام تقومين
بتكسيره وهذا بوضع كميه من الفحم في كيس ومن ثم الطرق بواسطة
اداة ثقيله حتى يصبح مجروشاُ.
8 ملاعق كبيره من البيكنغ صودا
2 ملعقة طعام من مطحون قشر الليمون أو البرتقال
1 ملعقة طعام من المسمار ( القرنفل_ العويدي) أو قرفه (دارسين) مطحون
2 ملعقة طعام من الفانيليا السائله


تخلط المقادير الاربعه الأولى مع بعض في إناء من الزجاج ثم ينثر الفانيليا
على المقادير السابقه ويخلط جيدا مره أخرى ثم يترك الخليط جانبا مدة
ساعه واحده, بعد ذلك تأتين بقطع قماش مقصوصه مسبقا على شكل
مربعات و تضعين في كل واحده مقدار 2 ملعقه طعام من الخليط السابق
وتصرينها بشريط أو خيط مرتب, الآن أصبح لديك صرر من الخليط
السابق وزعيها في الثلاجه و في خزائن المطبخ وانعمي برائحة
منعشه كلما فتحتي باب الثلاجه..

هذه الخلطه تقوم باللازم من سحب الروائح أيا كانت من الثلاجه خاصة
وباقي الأماكن عامة, يستمر مفعولها مابين 10 _12 أسبوع, وإذا
اردتي التجديد ما عليكي سوىفتح احدها و نثر بضع قطرات من
الفانيليا وملعقه صغيره من البيكنج صودا

[ام عمر المصرية]

شكرا ام ميداء وحلوة فعلا فكرة البرطمان ح احطه فى البرطمانات

[ام عمر المصرية]

شكرا لك نهاد حبيبتى على مرورك

[ام عمر المصرية]

شكرا بس بس حبيبتى على مرورك
والف شكر على موضوع ام بسنت

[preatywoman]

انا كمان بحطه في برطمانات وفعلا مبيطلعش اي رائحه

[ام عمر المصرية]

شكرا لك بريتى على مرورك

[ام 3البنات]

بصراحه انا جربت الطريقه دي وماعجبتنيش باحس ان الثوم الطازة احسن وبرضه كانت المشكله هي الريحه انا باجيبه وانشفه كويس قوي بعدين اقص اوراقه واشيله في المطبخ بيقعد عندي فتره طويله ومش بيفضي

[ام ميداء]

شكرا ام عمر ..على فكرة انا مش باحط عليه اى حاجة علشان الملح هيخليه يلزق
فى الحلة وانتى بتحمريه

[ام عمر المصرية]

فعلا اختى ام3 بنات الثوم الطازج افضل طبعا ولكن المفروم سهل وسريع
وشكرا لمرورك
وشكرا ام ميدا لمشاركتك والله استفدت من كلامكم

[nnos]

شكرا ام عمر

انا برده بعمل نفس الطريقه بس من غير ملح

ودايما بحط قطعة فجم فى التلاجه وقطعه فى الفريزر وبغيرهم كل اسبوعين

وفعلا بيمتص كل الروايح الغير مرغوب فيها

[ام عمر المصرية]

شكرا nnos لمرورك و ح احط فحم

[رونا]

هى فكره حلوه وبتنفع أوقات الزنقه


شكراً يا أم عمر

ولو حابه تضيعى أى ريحه فى التلاجه أو الفريزر فى طريقه سهله شفتها فى برنامج

بتجيبى ورقة جرنال وتبليها وتعصريها وتحطى واحده فى التلاجه وواحده فى الفريز.. قريب من


فتحات التبريد إللى بداخل التلاجه


بتمتص أى ريحه.. جربيها وشوفى

[ام عمر المصرية]

شكرا لك رونا على مرورك
وفكرتك سهلة وجميلة ح جربها

[مدام ديدى]

انا كمان بحطه فى برطمان ودائما بحط الفحم بالثلاجه وفعلا بيمتص الروائح
بس هجرب وصفه رونا لانها سهله اوى