[شموسة]

انا لسه انسه بس خطرت فى بالى فكره فكرت فيها كتير وقلت اكيد حد فيكو هيفيد وممكن يستفيد لو مثلا
اتقدم لك حد ادب واخلااااااااااااااق واحترام واجمل حاجه صلاة الفجر دايما حاضر وفى جماعه وطبعا كل الصلوات والقيام ماشاء الله ده غير بر الوالدين واحترامه لاخواته الاكبر منه والاصغرومستقبله كويس وفى حاله ومرح جدا _طبعا كل دى مميزااااااااااااااااااااااات لكن الزين مابيكملش _هو مش وسييييييييييم خالص ولا جذاب ابدا _الى حد ما يعنى مقبول يعنى الملامح مافيهاش ا جمال
تفتكرى لو زوجك كده لما تحبى تقوليلو لام حلو هتقوليلو اييييييييييييييييييييه احنا عارفين ان كل مميزاته دى تضمن لك انى يبقى كبير جدا فى نظرك وتحترميه_لكن لما تدلعيه تقوليله ايه؟
عنيه؟_شعره _؟مش هيسدقك لانه عارف نفسه مش حلو_ياترى هتقوليلو ايييييه

[ام سيكا]

لو انت بتقولى ان شكلة مقبول فممكن انك تقبلية لان بعد الزواج كل الكلام دة مش هيفرق وعلى راى ناس كتير سمعتهم بيقوللو الجملة دى
اذا انطفات الانوار فكلهم واحد

[اشرقت]

موضوع جميل زى صحبته

بس على العموم اى واحدة قبل ما توافق على الارتباط باى شخص لازم تكون راضية عنه
وحابه ان ده يبقى زوجها
يعنى ما توافقش عليه وفى يوم من الايام تكره الحياة معاه بسبب حاجات موجودة فيه من زمان لانها بكده حتكون ظلمته وظلمت نفسها

فلازم جنب كل هذه الصفات الجميلة اللى ذكرتيها تكون فرحانة بيه ومبسوطة من الارتباط بيه

شموسة عايزين نعرف رأيك يا قمر

[مدام ياسر]

انا مع الاخوات فى رايهم الشكل مش كل حاجة اذا كانت دى مميزاته وانتى مبسوطة بيها يبقى بعدها تفكرى بينك وبين نفسك هل الشخص دة هتقدرى تعاشريه وتكونى له زوجة مخلصة وام حنون وصديقة متفهماه وتقدرى تحتويه والاهم بعد ده كله لاى بنت مقبلة على الزواج بهمس ليها نصيحة والدى قالهالى قبل ماتزوج بعد ان تتاكدى من اخلاقة وانه هيراعى ربنا فى معاملتك هل هو دة الراجل اللى تقدرى تنامى فى حضنه وتلبي له كل طلباته وتسعى انتى كمان لارضاءه لو كانت اجابتك ايوة توكلى على الله بس طبعا ماتنسيش الاستخارة وربنا يرزقك بابن الحلال اللى يصونك ويسعدك معاه يا شموسة.

[semsema40]

انا معاكم بس لو بتحبية يبقى تقبلية على عيبة كدة وتقوليلو انت اجمل راجل فى عينى وتغازلية يا ستى براحتك

[ريري]

على فكره يا شموسه الواحده فينا لما بتحب جوزها ربنا بيجعله اجمل واحلى راجل فى الدنيا ،يعنى لما بتقولى كلام حلو مش بيبقى كدب لأ بتبقى عينيكى شايفاه اجمل راجل فى الدنيا لان بعد الجواز بتعتادى شكله جداا ،والشىء الجديد والجميل بتشوفيه فى معاملته ليكى ،بالتالى بتحسى انك كل يوم بتحبيه اكتر واكتر
اذا حسيتى ان قلبك وافق عليه واتعلق بيه ..ما تتردديش ،لان اللى بيحب بيشوف بقلبه..وربنا يسعد ايامك

[شموسة]

الللللللللللللله عليكم
كلامكم والله جميل جدا وكلكو ريحتو قلبى
بس انا قلتلكم من الاول از دى فكره خطرت فى بالى بس مافيش حاجه ولو فيه هتعرفوا على طول
ورايي فعلا من رايكو ان لو دى كلها مميزات يبقى بعد الزواج فعلا هتتعود على شكله ومواصفاته دى هتخليه احسن واحد فى نظرها
متشكره جدا فعلا مشاركتكم اسعدتنى

[doaa2008]

اولا كل شخص له مواطن للجمال مش بس فى الشكل ولكن فى روحه اخلاقه زى ما انتى بتقولى وبعدين نظرتك للشخص تختلف عن حد تانى وبعدين ربنا خلقنا كلنا فى احسن صورة وكل زوجة بتشوف زوجها احسن واحد فى الدنيا وبتقوله كل كلام الحب والغزل لانها شايفه فيه اللى البنات التانية مش شايفينه