[قشطة]

الموضوع هنا يا سهودي اصله تشجيع بعض على الانتظام على الريجيم أيا كان، كل واحدة ماشية على الريجيم بتاعها بس بنشجع بعض هنا، وهتلاقي في نفس القسم انواع ريجيم كتيرة..
بصي يا ست قشطة...(انت اسمك يتخن لوحده هههههههه بس عسل)
انا مشيت على الريجيم بتاعي يومين بس يعني أخدت اول يومين زبادى ومشيت من يوم الأربعاء على رييم مظبوط بس الكارثة اني هاروح لامي النهاردة ان شاء الله وهي عامله كبسة وانا بغوص فيها بصراحة للأسف.. ادعيلي اقدر اقاوم واكمل وان شاء الله يوم السبت اوافيكي بالوزن..
شكرا على موضوعك الرائع وتشجيعك المستمر لمريدينه.

هلا بيكي أم الطيب
والله هاي مشكلتنا كلنا لما نخرج... بنكون عاملين حساب الاكلات والمغرياتت... لكن هنا بيبان الجد... مش معقولة يا ام الطيبة يا ست الكل هنحبس نفسنا عشان الرجيم ما يبوزش... لازم نطلع ونواجه الحياه ويكون عندنا اراده قوية .. ومش غلط انك تاكلي معلقتين او تلاته من الكبسة الجميلة لكن بتعوضيهم باليوم التاني وبتزيد رياضة كمان

وصحه وعافية

[قشطة]

ممكن يا جماعة اشترك معاكو وتحية لكى قشطة انا وصل وزنى من 3 سنين
محدش يتخض 115 كيلو عملت ريجيم من 2 سنة نزلت 30 كيلو فى سنتين
جربت خلالها كل الريجيمات والادوية وما روحت لدكتور وكنت العب تمارين
بسيطة فى البيت وامشى كتير وبس ولكن افضل ريجيم لى اكل اللى فى البيت دون
نظام معين يعنى افطار ربع رغيف معاه بيضة او 4 م فول او جبن قليل الدسم
غداء لحوم او سمك او فراخ مسلوقة او مشوية وسلطة وخضار و3 م ارز او مكرونة لانى مقدرش استغنى عنهم وبخس برضة
والعشاء زى الفطار وفاكهة بين الوجبات مرة او مرتين
وصل وزنى 85 وفى الشتاء زاد ل 91 عملت من شهرين ريجيم ورجعت 85
وعايزه حد يشجعنى اوصل 75 كيلو وبس انا ابدا من غدا السبت معاكو
وناخد يوم راحة الجمعة ونكمل وشكرا على الموضوع

برافو عليكي ام عمر... رجيمك جدا رائع وصحي... وكإنه من اخصائية تغذية... وبجد بحييكي لوصولك ل 85 كيلو واستمري ام عمر على نظامك واحنا معاكي حبيبتي وإن شاء الله بتتشجعي معانا اكتر واكتر

بس ماقلتليش وزنك اد ايه؟؟؟

موفقة حبوبة

[علياء على محمود]

سلام عليكم
اعزيك يا قشطه
انا اسفه على غيلبى لان النت عندى كان فاصل من اسبوع
انا وزنت نفسى وطلعت 96 ك
وانا ملاحظه انى بقيت اخس ببطىء شديد فى الفتره الاخيره
فعملت راحه اسبرعين واليوب ان شاء الله اتبع رجيم الخمس ايام الى منولاه حنان
وان شاء الله يجيب معايا نتيجه
واعرفكان
الوزن عند بداية البرنامج 105 ك
الوزن الحالى 96ك
يعنى خسيت 9ك
ادعولى بالاستمرار





http://www.smileycentral.com/sig.jsp...p=ZSzim055YYSA

[قشطة]

ماشاء الله يا علياء
طيب ليه حاسه ان نزولك صار بطيء
ماشاء الله صرتي نازلة 9 كيلو
ويارب تكملي لتوصلي للوزن المثالي يا رب

[جورى القمر]

انا ملحقتش اشترك فى المسابقة


وكان نفسى اوى اكون معاكم بس الشهر خلص ..معلش بقى مرة تانية

[ام عمر المصرية]

انا حاليا وزنى 85 كيلو
وشكرا قشطة حبيبتى لاهتمامك

[misskarmen]

ممممممممممككن أشترك ؟
انا طوى165 ووزنى 78
عايزه أوصل لل60
رجيم غير محدد وحأعتمد انى اقلل أكلى و اكتر السلطه الخضرا و الفاكهه ( الموز و التفاح )
مع شرب الماء قبل الأكل مضاف له خل تفاح
و المشى و الرياضه (حسب الظروف )
وكذالك شرب الشاى الأخضر ممع المرمريه و النعناع و بذر الكتان
و الله المستعان

[بندق]

انا كمان جايت متاخره بس انا هاعمل رجيم الخمس ايام انا فعلا ابتديت النهارده
انا طولى 171
وزنى 80
نفسى ارجع زى ما كنت قبل الجواز
كنت72
وانا اكتر حاجه بضيقنى لما بجى اشترى لبس وما لقيش من الموديل الى عجبنى مقاسى
وكمان عملين دلوقتى مقاسات حريمىومقاسات بناتى حاجه تفرس
على العلم انا متجوزه من 9 سنوات يعنىمش كتير
انا يوم السبت الى جاى حاقول لكم بقى وزنى كم

[راندام]

يا جماعه أناكمان جيت متأخره أوىىىى بس نفسى أتابع معاكو علشان أنا زهقت من كتر محاولاتى فى أنقاص وزنى بس يمكن لما أشترك معاكوا تشجعونى

و أحقق المعادله الصعبه و أخس فعلا" أناعايزه أسأل أيه رجيم الخمس أيام ده

و هل هو صحى ؟ و يا ترى هزيد تانى بعد كده بسرعه ذى مابيقولو اللى بينزل بسرعه بيزيد بسرعه و لا ايه ؟

[فتاة مصرية جدا]

الف الف مبروك لكل فتوكة نقص وزنها
بس انا بصراحة مش هتبع اي نوع رجيم
علشان
انا اساسا جسمي رفيع يعني زي متقولوا كدة سمبتيك الحمد لله طبعا

[ام سيرينا]

رقم المتسابقة :8
الاسم:ام سيرينا
العمر:25
الطول:151
الوزن سابقا:63
الوزن الحالي:57
نوع الريجيم لا شيئ
شرب الاعشاب الطبيعية:الشاي الشمر الليمون مع الماء الدافئ
المشي ربع ساعة كل يوم او الدراجة
الاكل عادي التقليل من الدهون و الحلويات
الهدف الوصول للوزن قبل الزواج وهو50او48

[جورى القمر]

ربنا معاكم ويقدركم على الصبر وحرق الدهون

[ALZAHRAA]

شدو حلكم يا بنات ربنا معاكم