[roia]

ياجماعة انا عندى21 سنة ووزنى 48 كيلو ورحت لدكتور كان وزنى 50 كيلو كتب لى على فاتح شهية وزنت نفسى بعدها لقيتنى 48 كيلو
لدرجة ان العضم اللى تحت رقبتى بقى باين زى الموديلز بس اكتر شويتين تلاتة كدة
حد بقى يقولى اعمل ايه عشان وشى كمان بقى ضعيف جدا وشكلى بقى مش تمام خالص
انا عارفة انى بتعبكوا بس معلش بقى احنا كلنا عيلة واحدة

[nehad]

بصي يابتي أنا كنت نفس وزنك بالتمام كنت 50 كيلو
وعلي فكرة الرجالة بيحبوا النحافة
ولما تتجوزي حتملي عالاطول لانة موضوع هرمونات
وكمان الحمل و اديني الان بحاول أخس لاني بقيت 70
علي العموم الاكل برة بيطخن
فطير بالسكر و سندوتشات
وفي الخميرة لو تقدري عليها

[roia]

مدام نهاد شكرا جدا على اهتمامك انا كنت شايفة نفسى كويسة كدة بس كل اللى يشوفنى يقولى انتى خسيتى جدا انتى بقيتى وحشة كدة لدرجة انى بقيت بحس انى هيكل عظمى وانا عموما هاعمل بنصيحة حضرتك وبجد انا متشكرة جدا انك اهتميتى ورديتى عليا

[nehad]

يابتي ولايهمك
أصل كلنا بعد الجواز بنملا
فحتبقي مظبوطة
لا تقلقي

[roia]

ربنا يخليكى انتى اللى رفعتى روحى المعنوية والف شكر على اهتمامك

[رانيه]

عادي يل بنتي بكره مع الزواج والخلفه بتتخني ولا يهمك المهم الصحه بخير وعافيه

[roia]

شكرا على الرد مدام رانيه

[شمس Fernando Colunga]

و الله وزنك تمام

[roia]

اختى شمس ربنا يخليكى وشكرا على ردك

[samasemo]

هاى رورو احنا كنا نفس الوزن تقريبا ومحفظين على وزننا بعد الجواز والخلفة بس انتى لوحاسة انك حتكونى افضل استخدمى التمر والقثاء ( القتة) اللى شبه الخيار سمعنا ان والدة السيدة عائشة زوجة الرسول كانت تسمنها بالطريقة دى وربنا يقدملك اللى فيه الخير لكى

[roia]

والله يا samasemoلو هاكون محافظة على وزنى بعد الجواز انا مستعدة افضل كدة
بس هاجرب الطريقة بتاعتك عشان وشى احسن شكله بقى رفيع زيادة

[bes_bes]

بصي يا ستي عرفه البلح الاسود تقشريه و تهرسيه و عليه بيضه و سمنه بلدي و علي النار لحد ميستوي و اهرسيه كويس متحطيش البيضهغير لما البلح يبقي طري خالص
مفيش بلح
يبقي تجيبي عجوه من الي بتكون مفرومه دي عرفاها و تحطي سمنه بلدي و علي النار لومش عيزه بيض عليها مفيش مشكله
ده في الفطار
الغدا بقي
مكرونه سيبك من السلطه السلطه دي للناس الوحشه الي زينا الي عيزه تخس
رز جميل هاتي حبت رز حمريهم في سمنه حلو البلدي بتطخن و يغمق لونه شويه و بعد كده حطي المايه عادي و لما تغلي و ملح و كده زي الرز العادي يعني حطي باقي الرز
المكرونه مالهاالباشاميل جميل بيطخن هموت و اكله بس عمله رجيم كلي المكرونه بالباشميل سعرتها عاليه جدا
متكليش فاكهه قبل الغداء علشان تكوني جعانه
بتحبي الخضار نقي الحجات الي بتطخن يالهوي عالبطاطس في الفرن
ملكيش مزاج تطبخي طيب حمريها و همبورجر بالكاتشب و المايونيز ابعدي عن المستارده المسترده دي للناس الي عيزه تخس زينا

[bes_bes]

رجعتلك تاني اصلي كنت بكلم خطيبي الي عمال يزن خسي خسي لما خلاص زهقت مش انت عيزه تتخني بردوا لو مفيش فيده ممكن اجوزك خطيبي هههههههه
اكملك بقي
اكيد هتتعشي اوعي تفوتي وجبه ازعل منك قوي متعمليش زينا و تسيبي العشا احنا عيزين نخس
المربي يعيني علي المربي و لا لما تحطي عليها قشطه تكلي بعيش ابيض مش اسمر الاسمر ابو رضه ده ياي ابعدي عنه ده بردوا بتعنا احنا للتخسيس يعني

تاني يوم زهقتي من البلح نغير يا حببتي ورانا ايه ايه ده عندك عسل اسود مش تقولي حبه طحينه بقي و عيشي حياتك و لو عرفتي تجيبي فطير مشلتت يبقي عملتي واجب و اديها بقي و عيزاكي تكلي و انت بتتفرجي علي التليفزين علشان متركزيش و تكلي برحتك
زهقانه صح بتعملي ايه حاجه واحد بس الي هتعمليها زينا انزلي اتمشي بس انت بقي اتمشي براحه مش عيزاكي تجهدي نفسك خالص علي مهلك وحده وحده لا لا بشويش
و هاتي كيس سوداني حلو كد و خلصيه و انت ماشيه بتتفرجي علي المحلات او بتتمشي عالبحر مش بتحبي السوداني اوك كاجو جميل غالي بلاش اللب زي الفلكلي زي ما انت عيزه طول منت مش بتفطري و لا تتغدي ولا بتتعشي اتسلي في المسليات دي ابعدها عنا يا رب علشان الرجيم لو شميت رحتها بس مش هقدر اقاوم المهم
هتتغدي ايه النهرده لو ارز اعمليه يالخضار و الباشاميل اسالي عليه مدام ديدي هتجبهولك علطول من عند فتكات و تقولك علي الطريقه مش عيزه خضار جوه الرز اوك نعمل بسله علي فكره بتطخن و قطعي فيها بطاطس و جز مفيده جدا
بلاش بلاش مسقعه كلي مسقعه طبعا بزنجان مقلي في الزيت و لحمه مفرومه مسبكه
و الصلصه الي بالثوم و حاجه جنان و طبعا مش هتستغني عن العيش الابيض طبعا
العشا النهرده حاجه خفيفه قشطه و جبنه رومي و كوب لبن كامل الدسم و عيش اسمر طبعا ابعدي عن الجبنه الشيدر علشان الدهون فيها اققل و الحمرا كمان الجبنه الرومي احسن .
ايه ده زهقتي كده بسرعه خلصتي الاكل الي قلتلك عليه مفتريه مش بيبان عليكي بصي يا ستي
هنغير بقي النهرده اكل نص نص
فول و هنحط عليه طحينه و فلافل طبعا و عيش اسسسسسسسسمر كالعاده ياسلام بقي لو طحينه حمص هتبقي روعه سيبك من السلطه ابعدي خالص عنها
الغدا سمك النهرده سمك و مقلي سيبك من امشوي ولازم الرز الاحمر الصياديه معلقتين رزيه طبق كده و تكليه كله و الطحينه عيزاكي تملي الثلاجه طحينه
نزله النهرده متيجي نعدي عاراجل بتاع عصير القصب انا بموت في هتشربي لوحد انا عمله دايت هجيلك تاني

[مرمريكا]

اية دة كله ياست بسبس دماغى وجعتنى
كفاااااااية ارحميها شوية
كل دة عشان انتى عاملة ريجيم ماتقومى تاكلى وترحمى نفسك
شكلك انتى اللى حتقومى تاكلى كل دة
ابقى قابلينى لو نزلتى كيلو واحد
بقولك اية عندى حل احسن واجمل
اية رايك تاكلى انتى كل دة لوحدك وبعد كدة اديها شوية تخن من عندك
المليان يكب على الفاضى يعنى

[مرمريكا]

ولا اقولك انا حاجى اكل معاكو بس مش عايزة حد يخطف الاكل من قدااااااااااااامى
انا بقولكو اهو وخصوصا حضرتك يابسبس هاااااااانم
انا عارفاكى طفسة وناقص تاكلينى

[bes_bes]

انا جييت

[bes_bes]

سبيني يا مرمريكا اكمل الي في نفسي انت دخلتي و انا بكلم خطيبي و اداني جرعه تانيه والله كان لسه بيكلمني علي الناديالي اشتركليفيه عفيه طبعا علشان اروح اخس المهم سبينا نتخن البنيه اوعي سبيني متمسكنيش

[مرمريكا]

لا يختى حمسكك لان مش البنية اللى حتتخن
بقولك اية روحى اغسلى وشك واشربى مياه لحد ماتتنفخى عشان تنسى كل اللى كتبتيه دة يلا

[مرمريكا]

بقولك اية انا عملتلك موضوع باسمك روحى شوفيه يلا

[bes_bes]

اوك يا مرمريكا
فاصل و سنعود يا roia