[مدام وائل]

.خلاص قررت اعلم ابنى الحمام... حد يبدأ معايا؟؟

كتبت قبل كدا موضوع الحمام وما ادراك ما تعليم الحمام

بس الحمد لله قررت انى أبدأ مع ابنى نتعلم الحمام

ياريت حد يبدأ معايا نشجع بعض يالا مين؟؟

وبصوا قبل ما تبداوا فى الموضوع دا لازم تكونوا مستعدين نفسيا جداااا للمرحلة دى لانها قطعا مش هتكون سهلة (اللهم لا سهل الا ما جعلتة سهلا فاجعله سهلا يارب العالمين)

فية كتاب حلو قرأته وحجمة صغير ممكن تقرأة هيفيد كثير بأذن الله

أول كتاب عربي يعنى بهذا الموضوع بالتفصيل..

http://www.to7af.com/images/BFiles/Potty%20training.pdf


بالنسبة لى قلت النهاردة الأحد ابدأ مع ابنى انى اعرفة البوتى واقعده عليها مرتين تلاتة كل يوم من غير ما اخلع البامبرز ونشوف النتيجة وعلى اول الاسوبع الجاى بأذن الله
ابدأ المعركة بجد
هاشيل سجاد البيت كلة
وهاشترى له كلوتات بلاستيك وكمان قطن يمكن 10 و 10

وهاجيب شوية استكرات وبنون مميز كتشجيع
وطبعا هاخلى اخواتى (وهو متعلق بيهم اوى وبيسمع كلامهم) يساعدونى فى التشجيع

ومن اول ما اخلع البامبرز بأذن الله اسبوع حبسة فى البيت لحد ما نشوف النتيجة

يالا نبدأ بسم الله

اول ما صحا الصبح قلت اقعده على ا لبوتى-انا كنت قعدته عليها مرتين فى الصي فاللى فات- طبعا رفض بشدة فقلت مش مشكلة شوية ونحاول

طبعا انا كنت قرأت تجارب ناس كثير فى الموضوع دة فقلت بس اعمله اغراء فى الحمام

جبت لعب بيحبها وجبت طبق بلاستيك وحطيبت فيه مية واللعب سحر بالنسبة له الموضوع دة ودخل فعلا ووافق يقعد وطبعا قعدنا كثير اوى ولا فائدة

مش مشكلة كمان ساعتين دخلنا تانى وبرضو شوية بس عمل الحمد لله
بيبى

المشكلة اللى حصلت ان الموضوع ده لخبط خالص ميعاد البراز-الكاكا- لانه متعود يعمل الصبح اول ما يصحى
دخل نام العصر ولما صحى بضو قعدنا مفيش حاجة بس البامبرز مكنش مبلول اوى الحمد لله

المهم رحنا نزور جدتة فى الدور اللى تحتنا اول ما نزلنا حسيت انه عمل كاكا فى البامبرز ذى ما يكون حس انى مش هاقعده فى المكان دا على البوتى
مش مهم احنا فى الاول لسة بدرى

بعد شوية خدته اغيرلة فى البيت وبعد التنظيف قلت له يالا فقد نعمل بيبى فى البوتى بقا برضو عمل بس تقريبا كان عامل فى البامبرز لانة عمل حبة قليلن جداااا

وشوية ونام وهو لابس البامبرز بس طبعا كل شوية اقوله انت شاطر بتعمل بيبى فى البوتى
بودى جميل وهو حاسس بشىء كويس
بس الحقيقة هو مش فاهم اى حاجة ولا عارف بيعمل اية

بكرة نكمل مع يومياتنا انا وبودى

على فكرة عندى سنة و7 شهور.

[nehad]

ربنا معاكي
نحن في أنتظارك

[نور الشمس]

مدام وائل
انا معاكي
بنتي عمرها سنتين
انا حاولت من فتره اني انضفها
بس هيه رافضه الموضوع عالاخر
و ما بترضى تلبس كيلوت
و بتفضل حامله البامبرز
بس انتي شجعتيني
و انا مـــــــعـــــــــــــاكــــــــــــي
و خاصة انو في بيبي عالطريق و و ضروري تنضف
و زي ما قلتي
اللهم لا سهل الا ما جعلتة سهلا

[مدام وائل]

يالا يا نهاد هتبدأى معانا؟؟

نور الشمس

منتظرة يومياتك ويارب تكون كويسة يارب

وولادنا يتعلموا بسرعه يارب

[أمولة]

موضوع حلو انا اولادي نظفتهم بدري قبل السنتين---
كنت كل 10 دقايق افوتهم الحمام ولما يشربوا سوائل افوتهم بعد 5 دقايق
وبالنسبه للكاكا كنت بشربهبهم حليب او عصير برتقال عشان اخلص ويعملوها بسرعه 0000واي ايشي بدك تسألي عنه أنا جاهزه وعلى فكرة الاب اله دور كبير 00واذا بسويها على حاله بهدليه وازعلي منه بتلاحظي انو طفلك اتاثر وبيصير يحرص يحكي نونو او حمام 0000

[Hanan Fouad]

فعلا كل اللى قالوة الاخوات ما فيهوش زيادة على اللى هاقولوة
انا بنتى كنت بحطلها البوتى جنبى فى الاوضة عشان لما تعوز تعمل تجرى تجيبها واحدة واحدة لغاية ما ابتديت تقول واوعى الضربببببببببب

[مدام وائل]

يومياتى النهاردة

لحد دلوقتى مرة واحدة فى الحمام وبرا البوتى كمان والباقى فى البامبز بس عامل موضوع الحمام دا لعبة كل شوية بيبى

ولا حاجة طبعا

يالا ربنا يهون واقدر علية

مش عارفه دا تقدم ولا كدا عادى

[nona79]

ربنا معاكي بس اهم حاجة من غير ضرب وما تخلهوش يحس بتانيب الضمير
حتي لما يعملها علي روحه هوني عليه علشان ما يكرهش الحمام

[مدام وائل]

باقى يومياتى

لاجديد

كل شوية ندخل الحمام نقعد نصف ساعة ولا يعمل اى حاجة

تفتكروا اساعهدة او افهمه اذاى؟؟

[مدام وائل]

حبايبى امولة وحنان ونهى

شجعتونى ربنا يبارك فيكم يارب

فينكم يا بنات

محدش بدأ معايا لية؟؟

[نور الشمس]

انا كان صعب عليا ابدا اليوم لانو كل النهار كنت في السوق
و انا بحب لما اشيل البامبرز ما ارجعلها تاني لا ليل و لا نهار
تعرفي انا بأمن على بنتي بليل اكتر من النهار

[samasemo]

هاى يافتوكات احنا عندنا ولدين عمار وبلال وحنبتدى معاكم ربنا ييسر لنا جميعا ويهدى الاولاد االموضوع ان الاولاد بيتاخروا عن البنات وبيخدو مجهود شوية بس التعليم بيبقى اسرع بعد عمر سنة ونصف وكمان الاب فعلا له دور مهم مع الام لازم يشجع الطفل ونفهمه انه بيعمل زى الكبار
كمان لازم نمنع المياه والعصائر قبل النوم بحوالى 3 ساعات عشان منحتجش لايقاظ الطفل اكتر من مرة بالليل

[جورى القمر]

واللة التربية دى طلعت صعبة خالص بنتى عندها 1و 4 شهور بس بتج=ننى فى حاحات

[مورة]

انا بقي بدات الاسبوع اللي فات الاسبوع الحر
هو اسمة علي وعندة سنتين وثلاثة شهوروعلي فكرة انا قلعت
البامبرز خالص الا ساعة النوم وطول النهار في الثلاثة ايام الاولي
كان مرة برة ومرة في البوتي
وتاني يوم معملش طول النهار ولما لبستة البامبرز بالليل عمل فية
وبقالي يومين فرحان بيها ويروح يجابها ويعقد لوحدة مرة يعمل ومرة لا
وربنا يسهل هو الموضوع هياخد شهر وبعدين هيتعود وربنا يقوينا

[مروشكا]

أنا لسا داخله على الموضوع
الله يساعدكم
أنا بنوتي حبيبة قلبي علمتعا على البوتي
(نحن بنقول نونو)
من عمر 6 أشهر وعمرها الآن 10 أشهر نادرا ما تعمل الكاكا بالبامبرز
حتى صارت لما تشعر بأنها بدها شي بتعمل صوت أأأأأع
بركض على طول وبحطها على النونو وبتعمل
بس المهمة الكبرى هي السيطرة على البول
وان شاء الله بس تصيف الدنيا أكتر ونشيل السجاد وبلكي بتكون وعيت أكتر
آسفه بس العين حق قولو ماشاء الله بارك الله

[ام مهند]

انا ابني كبير زي مانتم عارفين ثلاث سنوات

ولكن عودته انه يعمل في البوتي من سن السنه ونصف

هو في الاول صعب ولكن مع التكرار هيتعود ويعرف يتحكم في نفسه

المهم المكأفاه والتشجيع وانك تخلي بالك من ملامح وجهه اكيييييد كل ام عارفه ابنها اوبنتها لما تعوز تعمل بيبي

انا كان وجهه بيحمر ويتنح اجري علي طول علحمام انا وهو واشجعه واقوله برافو ماما
وكان بيبقي مبسوط جدا

ربنا معاكم

[samasemo]

هاى احنا شلنا السجاد وخلعنا البامبرز وربنا معانا الاولاد لسه مش فاهمين فى ايه؟؟ بس فرحانين وعملوا مرة بخارج البوتى

[samasemo]

الحمدلله اننا شيلنا السجاد

[مدام وائل]

أنا أسفة عل التأخير بس اليوم يدوب بيخلص وانا فى قمة الارهاق

نكمل يومياتى انا بودى

يوم الثلاثاء كان نسبيا الحمد لله معقول فيه بعض المرات اللى حصلت فى الحمام واللى حسيت ان اهمها اول مايصحى من النوم لانه فهم لية بيجى الحمام لان كان متخيل اننا بنلعب وبس

بس طبعا احساسى بالخساير مش كبير متنسوش انا لسة مشلتش البامبرز

النهاردة عمل الصبح و لما صحى من النوم المغرب ومرة واتنين فى الحمام واخر مرة تحت تأثيرات كبيرة يعنى فضلت اشبة مية كثير كل لما يطلب لانة مبشربش اى سؤائل الا المية
والباقى طبعا فى المامبرز
بس اكتشف حاجة كنت قرأتها وفعلا جربتها وجابت نتيجة ان صوت غرير الماء بيساعد انة يعمل بس الصوت كان عاملة ازعاج جدا ...هههههههههههههههه

وخلص اليوم

ربنا يستر بكة علشان انا رايحة عند ماما هو عندة بوتى هناك نفس الشكل واللون بس يارب يوافق يقعد هناك ومنكنش محتاجين نبدأ من جديد

يمكن على الجمعة او السبت اشيل السجاد وابتدى اقلة البامبرز نهائى بالنهار


ياب بنا يعننا

ومتنسوش اهم حاجة بعملها والله الدعاء بأن ربنا يسهل عليا الموضوع ويعنى يارب