[مدام وائل]

انا لسه ابني فبطني بقاله بس شهر ونص بس انا فرحانه اوي بالمهمة دي ومشتاقه اسمع باقي التطورات عشان يبقي عندي خبر واتعلم منكم
ربنا يقويكم كلكم

اهلا بيكى يا شيرين وربنا يقومك بالسلامة يارب

واستمتعى بوقتك على أد ما تقدرى لان بعد كدا الحياة حلوة اوىىىىىىىىىى

طبعا الامهات فهمين حلوة دى بمعناها الحقيقى

ربنا يارب يسعدك بالذرية الصالحة اللهم آمين

أة نسيت اقولك سلى نفسك فى الايام الجاية بالقراءة عن تربية الاطفال ولو عايزة مواقع كتب قوليلى واساعدك هتفيد كثير وهتستعد وانتى بتقرأى فى نفس الوقت

واسمعى قرآن كثير من اول الشهر الثالث لان البيبى بيسمع معاكى وبتعلق جدا لما يتولد بالقرآن

[مدام وائل]

ربنا معاك يا رب

نورتى الموضوع يا نيلى وعواتك معانا

[مدام وائل]

فينكم ياجماعة انتو استسلمتو ولاالنت بيفصل عندكم وحشتونا والله

انا هنا يا سماسيمو بس النت مغلسه دا غير الاحباط على رأيك مش لاقية حاجة مشجعه اوى اكتبها

هاكتب ملخص للفترة اللى فاتت فى اخر رد بأذن الله

[مدام وائل]

انا ابني عمر قرب يكمل سنه. وامي بتقولي حاولي تعلميه من دلوقتي خصوصا ان الجو تقريبا صيف. وابني جسمه حساس والحر مع الحفاض باستمرار بيعمله حساسيه. انا كما ن بدأت معاه من كام يوم بقعده اول ما يصحي من النوم. ربنا يهديه ويتعلم عشان لما انزل مصر في شهر 7 مايتعبنيش(اصلي عايشه بره مصر)

أم عمر

نورتى الموضوع

بس عايزة نصيحتى بأمانة

اوعى تفكرى تبدأى قبل ما يكمل ابنك سنة و8 شهور على الاقل ممكن سنة ونصف ويكون بدرى كمان

هتقوليلى فلانة بتقولى والتانية بتقولى صدقينى محدش هيتعب غيرك مهما كان

بالنسبة لى انا يدوب بادئة مع ابنى وهو سنة 8 شهور واستجاب بشكل حلو لفهم العملية نفسها اما للتعليم مش اوى وللعلم انا جوزى طبيب اطفال وهو اللى مكنش مفضل اننا نبدأ التعليم بدرى

عايزة اقولك ان الاطفال مبتحكموش فى البراز قبل سنة و8 شهور ومش بيكون تحكم تام كمان

واخت جوزى بدأت مع ابنها من وهو 4 شهور كمان وعارفه معيا فى نفس المرحلة يعنى مرة يقول و10 لاء

مش باحبطك والله بس مش عايزكى تتعذبى وتعذبى ابنك على الفاضى

اصبرى علية شوية

والقرار ليكى طبعا

[مدام وائل]

ربنا يكرمك يارب

كملى افكارك ونصايحك بجرب وبأذن الله خير

بس غالبا بيطلع البيبى برا البوتى بس حاسة ان بودى بيحاول انة ميخرجش بس غصب عنة

المهم بعد اول مرة الصبح كونة يروح بيكون صعب ولو راح نادر لما يعمل

فينك يا باشمهندسة

اختفيتى عننا لية؟؟

[مدام وائل]

بالنسبة بقا ليومياتى

والله محبطة اوى

بنقدر نقول ان الصبح الحمد لله بيعمل اول ما يصحى على البوتى وكذلك بعد العصر بدأت فعلا معاه انى افطرة وهو على البوتى وهو اصلا فطارة تافهه بكل المقايس يعنى نصف بيضة مسلوقة فى احسن الحالات بس الحمد لله بيعمل

وبعدها بحسبلة تقريبا كل ساعة بدخلة الحمام لان هو مش بيشرب اى سوائل وان مرة فلتت ومعملش فى البوتى يبقى انسى طول اليوم خلاص ميرضاش يعمل

بدأ يرفض يقعد على البوتى وعايز التواليت نفسة بأذن الله هاجيبلة القاعده الصيغيرة بتاعه الاطفال ونشوف

لو عمل كاكا فى وسط اليوم بتكون فى البامبرز مش حاسة خالص انه بدأ يحكم فيها بس بدأ يعرف انه غلط وبأفضل اقولة زعلانة منك واحرمة من الكمبيوتر او لعبة وان كان مبيفرش معاه لكن محاولات

لما بعمل باعملة فرح وشاطر وفليم

بس بجد نفسيتى انا زفت جدااااااااااااااااااااااا

وخايفة علاقتى بية تتأثر من كثر ما بازعق فية احيانا

يالا قولننا عملتوا اية؟؟

[umaesha]

اهلا يا مدام وائل انا ام عائشة عندها سنةو نصف هتمهم بعد بكرة وان شاء الله عندها تطعيم بكرة وانا خايفة جدا من السخونية بعد التطيعيم وكتيير قلولى ان التطعيم ده بيكون صعب شوية ادعليى و انا اول مرة اقرا موضوعك و ان عارفة اد ايه الماعملة مع الولد اصعب من البنت اختى عندها ابنها مغلبها شوية بس عنده سنتين ونصف رنا معاكى ان ابتديت اعلم عائشة من ست شههور على البراز فقط و خصوصا بعد الاكل بشربها ماء كتيير ثم اول ملاقيها وجهها احمر اعرف على طول انها لبتدت تعمل اجرى اجيب القصرية بس اليومين دول ابتديت اقعدها كل ساعة تعمل بول والحمدلله هناك استجابة لكن بابها الله يسمحه زعقلى وقلى سيبيها تتدلع شوية بس انا مسمعتش الكلام ومازلت مصرا مادام البنت مستجيبة و بالنسبة للولد ابنة عمى عندها ولدين وهى طبيبة اطفال لكن متقاعد و قلتليى الموضوع اسبوعين حبس و يتشال البمبرز خالص لان الولد لما يلبسه تانى بينسى وكده نبتدى من جديد مش معنى حبس الولد لانه مسسستحيل لكن طول مه برة انتى تكونى على نفس المواعيد معليش انا ام لاول مرة وده كل اللى اعرفه وانا كمان ناوية ابدا بجد بعد التطعيم ادعولى ربنا يعديه على خير انا خايفة جدا انا من حلوان **** معليش طولت عليكى

[seren_serenty]

شكرا ليكي مدام وائل انا درست اصول تربية الطفل فالكليه اربع سنين وكان ربنا عاملي مفاجأه اخلص الثانوية العامه وماما تحمل في اخويا وانا اللي اربيه فكنت عاملاه حقل تجارب بقي
انما مشكلتي الحقيقيه اني مش باكل خالص وبفضل احاس الجوع بسبب الغثيان اللي بحس بيه لما باكل وقرفانه من كل حاجه ومن اي حاجه ومش طايقة الدنيا وكل ماسال حد يقولي ده طببيعي
طب ماشي طبيعي بس اتغلب عليه ازاي

[مدام وائل]

شكرا ليكي مدام وائل انا درست اصول تربية الطفل فالكليه اربع سنين وكان ربنا عاملي مفاجأه اخلص الثانوية العامه وماما تحمل في اخويا وانا اللي اربيه فكنت عاملاه حقل تجارب بقي
انما مشكلتي الحقيقيه اني مش باكل خالص وبفضل احاس الجوع بسبب الغثيان اللي بحس بيه لما باكل وقرفانه من كل حاجه ومن اي حاجه ومش طايقة الدنيا وكل ماسال حد يقولي ده طببيعي
طب ماشي طبيعي بس اتغلب عليه ازاي

لا يا حبيبتى طبيعى اوى فى الشهور دى لما تخلصى الثالث هتبقى تماما بأذن الله

بس ممكن تخدى مخلل هيقلل الاحساس دا شوية

[مدام وائل]

اهلا يا مدام وائل انا ام عائشة عندها سنةو نصف هتمهم بعد بكرة وان شاء الله عندها تطعيم بكرة وانا خايفة جدا من السخونية بعد التطيعيم وكتيير قلولى ان التطعيم ده بيكون صعب شوية ادعليى و انا اول مرة اقرا موضوعك و ان عارفة اد ايه الماعملة مع الولد اصعب من البنت اختى عندها ابنها مغلبها شوية بس عنده سنتين ونصف رنا معاكى ان ابتديت اعلم عائشة من ست شههور على البراز فقط و خصوصا بعد الاكل بشربها ماء كتيير ثم اول ملاقيها وجهها احمر اعرف على طول انها لبتدت تعمل اجرى اجيب القصرية بس اليومين دول ابتديت اقعدها كل ساعة تعمل بول والحمدلله هناك استجابة لكن بابها الله يسمحه زعقلى وقلى سيبيها تتدلع شوية بس انا مسمعتش الكلام ومازلت مصرا مادام البنت مستجيبة و بالنسبة للولد ابنة عمى عندها ولدين وهى طبيبة اطفال لكن متقاعد و قلتليى الموضوع اسبوعين حبس و يتشال البمبرز خالص لان الولد لما يلبسه تانى بينسى وكده نبتدى من جديد مش معنى حبس الولد لانه مسسستحيل لكن طول مه برة انتى تكونى على نفس المواعيد معليش انا ام لاول مرة وده كل اللى اعرفه وانا كمان ناوية ابدا بجد بعد التطعيم ادعولى ربنا يعديه على خير انا خايفة جدا انا من حلوان **** معليش طولت عليكى

متخفيش هو فعلا تطعيم السنة ونصف صعب شوية انا برضو بودى اخدها اسبوع بعدها سخونية وتعب بس باباه دكتور اطفال برضو كان بيقولى عادى

بالنسبة للحمام استنى عليها شوية يا بنتى مستعجلة على التعب ووجع القلب لية بس؟؟؟

ربنا معاكى وطمنينا على عائشة

[romancya]

الله ينور عليكى حتة موضوع عايزة علية بووووووووووووووووسة
انا عندى نفس المصيبة عندها سنة و9 شهور البلوة دى بس للامانة ساعات بتعمل وساعات بنت الناااااااااااااااااس الطيبيييييييييين تقعد اكتر من ربع او تلت ساعة واقومها واقول خلاص مش هتعمل القيييها عملت انا الصراحة مفترية عليها اوى اوى اوىتقدروا تقولوا علية (ام عشماااوى)
بس والله بحاول مكنش (عشماوى ) وانشاءالله انتوتصبرووونى عليها شوية لانها بتصعب علية واالله
على العموم انا ساعات بلبسها البامبرز واتبعها برضة فى البوتى وساعات تانية تكون لابسة اندر قطن وفوقية بلاستيك

يلا رغيت على قلبكم كتييييييييييير هبقى اتبعكم

[مدام وائل]

الله ينور عليكى حتة موضوع عايزة علية بووووووووووووووووسة
انا عندى نفس المصيبة عندها سنة و9 شهور البلوة دى بس للامانة ساعات بتعمل وساعات بنت الناااااااااااااااااس الطيبيييييييييين تقعد اكتر من ربع او تلت ساعة واقومها واقول خلاص مش هتعمل القيييها عملت انا الصراحة مفترية عليها اوى اوى اوىتقدروا تقولوا علية (ام عشماااوى)
بس والله بحاول مكنش (عشماوى ) وانشاءالله انتوتصبرووونى عليها شوية لانها بتصعب علية واالله
على العموم انا ساعات بلبسها البامبرز واتبعها برضة فى البوتى وساعات تانية تكون لابسة اندر قطن وفوقية بلاستيك

يلا رغيت على قلبكم كتييييييييييير هبقى اتبعكم

انتى اللى تستهلى بوسة

نورتيى الموضوع

لا يا بنتى اصبرى عليها

وحاولى تكونى طيبة معاها الموضوع محتاج صبر كثير او ىى

يالا اكتبى بتعلميها اذاى

ونتبادل الخبرات

[samasemo]

هاى نورتى يامدام وائل معلش اتاخرنا عليكم بس كنا بنفطم الاولاد والموضوع طول والاولاد تعبونا قوى وكمان واحد فيهم جاله امساك وذهبنا بيه لدكتورة والحمدلله بقوا احسن وحنواصل الجهاد

[samasemo]

ويا رومنسية كلنا الظاهر طلعنا عشماوى مع اولادنا وبيبقوا صعبنين علينا بس نعمل ايه الواحدة فينا تبقى اى حاجة مزعلها ويطلع على الاولاد ربنا يهدينا جميعا

[أم مريم]

اهلاً بيكوا كلكوا
انا لفت نظرى الموضوع ده اكتر من مرة بس مكانش من اهتماماتى
لانى قالولى لازم تعودى بنتك على الحمام من ساعة ما تتعود تقعد
وكنت بقعدها اول ما تصحى من النوم و هى عندها 5 شهور او سته كده وكانت تقعد بالساعة وممكن متعملش بس ساعات كانت تعمل بس بعد فترة طويله و جت فترة كنت بلبسها القطن و البلاستيك و ازعقلها جامد لما توسخ الارض و بعدين عرفت من دكاترة ومن اصحابى ان الطفل يبقى مستعد انه يتعود من سن سنتين فبطلت
هى دلوقتى عندها سنه و4 شهور بس عارفه يعنى ايه التوتا ( اللى هى القصريه يعنى ) و حطاها قدامها علطول و ساعات تجيبهالى و عايزه تقعد عليها بقعدها و شويه و تقوم و متعملش حاجه
بس النهاردة دخلت و قريت الموضوع و كلامكوا الجميل ده و قلت أبدأ اجرب معاها تانى من دلوقتى و قمت قعدتها علطول طبعاً معملتش بس بعد ما قومتها لقيتها عايزه تعمل كاكا قلتلها استنى نعمل فى التوتا فجاتلى جرى و هى مبسوطة عشان تعمل فى التوتا و قعدتها و الحمد لله لحقتها و عملت فيها
وعملت زى الكتاب ما قال ( اصلى فتحته وقريته علطول دلوقتى) عرفتها ان الارف ده نرميه فى الحمام و خصوصاً انها كمان عارفة ان الحمام ده اللى بنعمل فيه بيبى و عارفه السيفون و خليتها هى اللى تضربه مع مساعدة منى طبعاً
و هى بقت فرحانه قوى و بعدها بشويه قالتلى توتا تانى قلتلها هاتيها و راحت جابتها و قعدتها عليها بس قامت علطول

معلش طولت عليكوا بس ايه رأيكوا بقى فى اللى حصل ده

[romancya]

ربنا يصبرنى على البت دية جننتنى خلااااص
ساعات تبقى كويسة وتعمل وساعات لا واللى مكتفنى انى بشتغل مش قعدلها
علطووووووول مش عارفها اتابعها باستمرار يعنى بحاول يوم الاجازة اكتر اللى مش بلبسها باقى الايام لصراحة ساعات مبقدرش مع انكم لو تعرفوا شغلتى اية هتقولولى بتدلعى بس والله غصب عنى انا بشتغل فى حضانة وباخدها معايا وممكن اوى وسهل انى اخلى الدادااات تقعدها وتقلعها وفعلا عملت دة بس لما بلاقيها بتعكها وهما طبا يتعكة وتنظيفها وعملته المنيلة بحس انى خجلانة هما ناقصيين كمان بنت الميس مش كفاية البلاوى اللى عندهم بس بحاول والله ربنا يصبرنى ادعوووووووووولى

[مدام وائل]

ربنا يصبرنى على البت دية جننتنى خلااااص
ساعات تبقى كويسة وتعمل وساعات لا واللى مكتفنى انى بشتغل مش قعدلها
علطووووووول مش عارفها اتابعها باستمرار يعنى بحاول يوم الاجازة اكتر اللى مش بلبسها باقى الايام لصراحة ساعات مبقدرش مع انكم لو تعرفوا شغلتى اية هتقولولى بتدلعى بس والله غصب عنى انا بشتغل فى حضانة وباخدها معايا وممكن اوى وسهل انى اخلى الدادااات تقعدها وتقلعها وفعلا عملت دة بس لما بلاقيها بتعكها وهما طبا يتعكة وتنظيفها وعملته المنيلة بحس انى خجلانة هما ناقصيين كمان بنت الميس مش كفاية البلاوى اللى عندهم بس بحاول والله ربنا يصبرنى ادعوووووووووولى

الله المستعان

والله عايزة اقولكم كلكم الدعاء ليهم بيقرف كثير اوى اوى وبيسهل فى التعليم

بس صحيح ممكن تعليمها تعمل تعمل فى الحضانة عادى ومقلتناش سنها اد اية

على فكرة انا حاولت اراسلك على الخاص بس لقيتك قفلاة فمعلهش هاسألك هنا


محتاجة اعرف حاجة منك بعد ما عرفت من ردك انك مدرسة حضانة

امتى بتبدأوا مع الولاد التعليم من سن كام يعنى واية اول موضوع بتعلموه للولد

محتارة ومش عارفه ابدأ منين

وعلى فكرة عندى وسائل تعليمية وكل حاجة بس مش عارفه اية البداية لو ممكن تساعدينى وجزاكى الله كل خير


مستنية ردك الكريم

[مدام وائل]

اهلاً بيكوا كلكوا
انا لفت نظرى الموضوع ده اكتر من مرة بس مكانش من اهتماماتى
لانى قالولى لازم تعودى بنتك على الحمام من ساعة ما تتعود تقعد
وكنت بقعدها اول ما تصحى من النوم و هى عندها 5 شهور او سته كده وكانت تقعد بالساعة وممكن متعملش بس ساعات كانت تعمل بس بعد فترة طويله و جت فترة كنت بلبسها القطن و البلاستيك و ازعقلها جامد لما توسخ الارض و بعدين عرفت من دكاترة ومن اصحابى ان الطفل يبقى مستعد انه يتعود من سن سنتين فبطلت
هى دلوقتى عندها سنه و4 شهور بس عارفه يعنى ايه التوتا ( اللى هى القصريه يعنى ) و حطاها قدامها علطول و ساعات تجيبهالى و عايزه تقعد عليها بقعدها و شويه و تقوم و متعملش حاجه
بس النهاردة دخلت و قريت الموضوع و كلامكوا الجميل ده و قلت أبدأ اجرب معاها تانى من دلوقتى و قمت قعدتها علطول طبعاً معملتش بس بعد ما قومتها لقيتها عايزه تعمل كاكا قلتلها استنى نعمل فى التوتا فجاتلى جرى و هى مبسوطة عشان تعمل فى التوتا و قعدتها و الحمد لله لحقتها و عملت فيها
وعملت زى الكتاب ما قال ( اصلى فتحته وقريته علطول دلوقتى) عرفتها ان الارف ده نرميه فى الحمام و خصوصاً انها كمان عارفة ان الحمام ده اللى بنعمل فيه بيبى و عارفه السيفون و خليتها هى اللى تضربه مع مساعدة منى طبعاً
و هى بقت فرحانه قوى و بعدها بشويه قالتلى توتا تانى قلتلها هاتيها و راحت جابتها و قعدتها عليها بس قامت علطول

معلش طولت عليكوا بس ايه رأيكوا بقى فى اللى حصل ده

ربنا ممعاكى يا ام مريم

تمام اللى عمليتة استمرى وربنا يسهل علينا كلنا

ولو انها لسة صغيرة كنت صبترى عليها شوية بس ان شاء الله خير