[el-fatoka-shoka]

هييييييييييي
ازيكم يافتوكات
وحشتونى
انهاردة بقى هانقعد نتكلم مع بعض شوية عن جهاز الشمع

wax depilatory

هوا جهاز لطييييييف خالص وبجد والله وعن تجربه شخصيه بينضف جدا اكتر من السويت العديه كمان
وهوا عبارة عن 3 قطع
1-قطعه الشمع وهيا بتبقى محطوطه فغطا بلاستيك واعلاة رول ودى صورته وصورة الرول اللي بقولكولم عليه ومتخافوش هوا الشمع لونه اخضر لانه بنكهة النعناع وهوا متوفر ب3 نكهات انا جربت منهم 2 هما زى بعض فكل حاجه باختلاف اللون والريحة


2- الجهاز نفسه وهاقول طريقه استعماله ودى صورة ليه

وهوا ليه فتحه من فوق بعد ماتشيلي الغطا ودى صورتها

والفتحه دى بيتحط فيها الشمع اللي قلنا عليه فوق كدا

3-تالت قطعه هى القاعدة اللي بيتثبت عليها الجهاز وانا مجبتهاش عشان شايفه ان ملهاش لزمة
4-المناديل اللي بتشيلي بيها ودى صورتها

طريقه استعماله

اولا بتحطى الشمع فالجهاز زى الصورة وبتدخليه للاخر
وبعدين تحطى الفيشه فالكهربا وتستنى لغايه مالشمع يسيح وانتى طبعا بتقدرى تعرفي الشمع ساح ولالا ممكن ترفعى الرول وتشوفيه لسا صلب ولابقى سائل بس طبعا مش سايل زى الميه لا انا اقصد بقى عامل زى الكراميل كدا

وكدا الشمع جهز
بتفردى بالرول الشمع على المكان اللى انتى عاوزاه فاتجاه نمو الشعر والرول مشيه مرة واحده يعنى متعيديش عليه زى الصورة دى

وبعدين تفردى المنديل على الشمع اللى انتى حطيتيه وتضغطى عليه جامد 4 ثوانى كدا

وبعدين تشدى جامد زى الصورة دى

ملحطوظة لازم تسيبي حته من المنديل اللي انتى هاتمسكى وتشدى منها
الشمع ياجماعه زى مااخدنا فالكميا مادة عضوية اورجانيك يعنى
بمعنى انك لو نسيتى حته شمع على جسمك هاتفضل ملزقه ومبتتشالش بالميه العاديه لازم لها مركبات عضويه زيها اللي بتتفاعل معاها زى الجاز عشان كدا بعد ماتخلصي الشمع لازم تدهنى عالمكان اللى انتى عملتيه بيبي اويل وانا بستخدم جونسون ودى صورته وعلى فكرة اول مرة اعمل فيها بالشمع كنت نسيت اجيبه دهنت جسمى بجاااااااااااااااااز
وريحتى كانت بشعه وكان ناقصنى عود كبريت واتنطط زى دا
كدا احنا خلصنا الموضوع بس عشان نكون قلنا كل اللي لينا واللى علينا فدى مميزات وعيوب الجهاز بكل امانه
انتوا اخواتى واللى مش هارضاه لنفسي مش هرضاه لحد

المميزات

سهل الاستخدام
بيشيل الشعر الخفيف جدا والصغير جدا اللى السويت مبتعرفش تشيله وبينضف مكانه ودا عن تجربه والله شلت الشعر الصغير اوى اللي مابين بطنى وصدرى
اسرع 5 مرات من السويت
دا طبعا بالاضافه لمميزات السويت العاديه وبيقولو ان هوا بيبطء نمو الشعر

العيوب

غالى بالنسبه لو قارنتيه بالسويت يعنى مثلا الشمع ب15 جنيه هى ممكن تعمل جسمك كله بس بالمقارنه السويت ارخص
والمناديل لازم تشتريها ولازم تشترى زيت او اعملى زى مانا عملت اول مرة وحطى جاز بس اوعى تدخلى المطبخ
تانى عيب لو اتغابيتى وانتى بتشدى المنديل هايزرق زى السويت بالظبط
بس والله لغايه دلوقتى ملقيتلهوش عيوب تانيه
بس خلاص انا تعبت
اللى عنده اى استفسار انا تحت امركو
متنسوش
1-تدعولى
2-التقييم
3-الردود للي يعجبو الموضوع
ياجماعه الصور كلها من رفعى الخاص ودا جهازى اللي عاوزة تاخد منها ياريت تستاذن الاول
سلااااااااااااااااااام

[cloud of truth]

حلووووووووووووو
بس الحاجة بكم ونتتجاب من اين

[roia]

موضوع جامد يا شيماء

فعلا الواكس حلو اوى اوى اوى وبيريح جامد بس عيبه بالنسبة لى انى مش بلاقى الشمع فى مكان قريب
يعنى لازم انزل روكسى عشان اجيبه هو والمناديل وكمان مش بعرف اعمل بيه الابط ولاالمنطقة خالص

غيركدة هو اختراع حلو موت

انا اول ماجبته كنت فاكرة انى ممكن اعمل ناصحة واشيل الرول واحط سويت مكان الشمع واسيحها بس طبعا ماعرفتش

شكرا على الموضوع يا قمرة

[el-fatoka-shoka]

حلووووووووووووو
بس الحاجة بكم ونتتجاب من اين

بصي ياستى انا شايفه ان انتى من القاهرة
الجهاز ب 130 جنيه من غير القاعده بيتباع فسمير وليم فروكسي ب150
اما الشمع فانا ملقيتش لغايه دلوقتى مكان ارخص من سمير ب15 جنيه
المناديل عنده ب27 جنيه بس مشعارفه كام منديل
انا بجيبها 150 منديل ب15 جنيه
متنسيش التقييم

[el-fatoka-shoka]

موضوع جامد يا شيماء

فعلا الواكس حلو اوى اوى اوى وبيريح جامد بس عيبه بالنسبة لى انى مش بلاقى الشمع فى مكان قريب
يعنى لازم انزل روكسى عشان اجيبه هو والمناديل وكمان مش بعرف اعمل بيه الابط ولاالمنطقة خالص

غيركدة هو اختراع حلو موت

انا اول ماجبته كنت فاكرة انى ممكن اعمل ناصحة واشيل الرول واحط سويت مكان الشمع واسيحها بس طبعا ماعرفتش

شكرا على الموضوع يا قمرة

هههههههههههههههههههههه
انتى عارفه ان انا كمان لغايه دلوقتى بحاول احط السويت مكان الشمع بس كل ماكسر مكان الرول
مبعرفش اركبه تانى
نورتنينى ياقمر ومتنسيش
التقييم

[poky]

والله ياشوشو سبقتيني

كنت لسه هبعتلك اخليكي تعملى الموضوع ده

بجد ربنا يكرمك ومجهود كبير منك تشكري عليه ياقمر

انا طبعا هقيمه لانه مفيد جدا وممتاااااااااااااااااااز

وبجد بجد هدعيلك ياااااااااااااااااااارب تخلصي من كل الشعر اللي في جسمك

ايه رأيك في الدعوة دي

[اذكرى الله]

جميل والله بس فى نقطه
الاشكال عموما فى موضوع ازاله الشعر الالم او النضافه.. يعنى السويت بتوجع وبتنضف لكن براون مش بتوجع ومش بتنضف كده يعنى
فالسويت ماشى حالها بس بتوجع
يا ترى الجهاز ده ايه احواله مع الالم بقه؟ كمان جربتيه عالمنطقه الحساسه كامله ولا ايه؟؟؟

[el-fatoka-shoka]

والله ياشوشو سبقتيني

كنت لسه هبعتلك اخليكي تعملى الموضوع ده

بجد ربنا يكرمك ومجهود كبير منك تشكري عليه ياقمر

انا طبعا هقيمه لانه مفيد جدا وممتاااااااااااااااااااز

وبجد بجد هدعيلك ياااااااااااااااااااارب تخلصي من كل الشعر اللي في جسمك

ايه رأيك في الدعوة دي

يااااااااااااااااااااااااااااااارب اقبل منها يارب
نورتينى ياقمر
يارب تكون الصور واضحه
ولو جبتيه تعرفي تستعمليه

[واقع الأيام]

ما شاء الله
موضوع فووووووووووووووووووق الرائع يا شيمو ما شاء الله
أنا كان نفسي في حاجة غير السويت والمكنة
بس تكون بفاعلية السويت
لأني بلزق نفسي ومبعرفش أعمله
والمكنة بتطلع الشعر وحش أوي

بس شكله جااااااااااامد فعلا ما شاء الله
أنا خلاص قررت أجيبه بإذن الله

بس قوليلي فين الأماكن بقى اللي بتقولي عليها ممكن نجيب منها المناديل والشمع لما يخلصوا ؟
بس تحديدا الله يكرمك

وبجد تسلمي وجزاكِ الله خيرا ..

وعايزة برضو أقول يا جماعة
إن في في مول فتكات واحدة اسمها بسنت بتبيع الجهاز وبتقول انها بتبيعه بسعر رخيص
انا لسه طالبة منها التفاصيل
لما اشتريه منها واجربه بإذن الله هقولكوا .



جزاااااااااااااااااااااااكِ الله كل خير يا شيمو ..
ولكِ طبعا التقييم والتصويت إن شاء الله ..

تقبلي مروري ..

أختك:
(واقع الأيام)
شوشو

[el-fatoka-shoka]

جميل والله بس فى نقطه
الاشكال عموما فى موضوع ازاله الشعر الالم او النضافه.. يعنى السويت بتوجع وبتنضف لكن براون مش بتوجع ومش بتنضف كده يعنى
فالسويت ماشى حالها بس بتوجع
يا ترى الجهاز ده ايه احواله مع الالم بقه؟ كمان جربتيه عالمنطقه الحساسه كامله ولا ايه؟؟؟

بصي ياقمر هو الوجع بجد واعملى سيرش فكل المواضيع اللي بتتكلم عليه اقل من السويت بكتير
وبينضف جدا وبالنسبه لبراون دى بتموتنى بتوجع موووووت
اما بالنسبه للمنطقه الحساسه فانا جبت كريم مخدر بحطه لمده 3 ساعات عليها
وبعدين بعمل بحس بالم خفيف اوى