[coca]

إتفقت كافه القوي الوطنية في مصر عليأن يكون يوم 6 إبريل يوم إضراب عام في مصريوم 6 إبريل خليك قاعد في البيت أو شاركنا فى الميادين العامةأوعي تنـــــــــزل لكن شاركنا ماتروحشي الشغل ماتروحشي الجامعه ماتروحشي المدرسةماتفتحشي المحل ماتفتحشي الصيدليه ماتروحشي القسم ماتروحشي المعسكر عايزين مرتبات تعيشنا عايزين نشتغل عايزين تعليم لأولدنا عايزين مواصلات أدمية عايزين مستشفيات تعالجنا عايزين دواء لأطفالن اعايزين قضاء منصف عايزين أمن وأمان عايزين حرية وكرامه عايزين شقق للعرسانمش عايزين رفع أسعار مش عايزين محسوبيه مش عايزين ظباط بلطجية مش عايزين تعذيب في الإقسام مش عايزين أتاوات مش عايزين فساد مش عايزين رشاوي مش عايزين إعتقالات مش عايزين تلفيق قضايا قول لأصاحبك مايروحوش الشغل همه كمان وخليهم يدخلوا الإضراب) حزب العمل المصري- حركة كفاية - الإخوان المسلمين - حزب الكرامه - حزب الوسط - حركة موظفي الضرائب العقاريه - عمال غزل المحلة - حركة إداريي وعمال القطاع التعليمي - نقابةالمحامين - حركة أستاذه الجامعات(

6أبريـــــــــــــــــلأضراب عام في مصر سلمي أبعت رسايل لخمسة من أصحابكولو كل واحد بعت لخمسةفي ظرف يومين البلد كلهاحتعرف بالموبايل بالأرضي بالأيميلاتأ و حتي رسايل عالشات في قنوات التليفزيون أنسخوا رسالتنا وأبعتوها تعليق على كل المقالات ألي بتقروها بيكوا وبينا البلد دي حتتغير أنشاء الله

المسيحين مع المسلمين لصالح مصر

يالا يامحمد يالا يامينا مصر مش هتتغير إلا بإيــــدينـــــــا
منقول

اذا اعجبك الموضوع و اردت نشره في المنتديات الاخرى فاستخدمي هذا الرابط:
اضراب واعتصام في جميع انحاء مصر
http://forums.fatakat.com/thread11627

[coca]

اية انتوا فين يا فتكاوات انا عايزة ناس متحمسة للموضوع دة ..........

[د/لولي]

انا اول مره اسمع عن موضوع الاضراب دا

[coca]

ازاى اول مرة تسمعى عنة دة كل مواقع النت بتتكلم عنة اصل الصراحة الحاجة بقيت مولعة نار و الواحد مش عارف حيعمل اية بعد كدة انا اعرف ناس معشهم 100 جنية انا مش عارفة الناس دى حتعمل اية بعد كدة و فى كمان اقل من كدة لازم يكون فى رد فعل من المصرين كلهم لازم يكون فى اعتراض علشان الاسعار فى الطالع جامد اوى و الواحد مش حيعرف يعيش بعد كدة و طبعا حتزيد الجرائم سمعتى عن الناس الى اتخنقوا فى فرن العيش و ضربوا بعض علشان العيش بتاع الفرن الى مش عرفين ناكلة شوفى بقى اية الى حيحصل بعد كدة ربنا يستر علينا و على جميع المسلمين و المسيحين .........

[توته1]

يا كرييييييييييييييييييم يا رب

[hala_2007]

يعني اول يوم ترجعي فية تعملي فينا كذبة ابريل

[coca]

http://harakamasria.org/node/10096
http://www.el3amal.net/news/news.php?i=16792
http://www.omraneya.net/node/38339
http://www.paldf.net/forum/showthread.php?t=233115
http://dvd4arab.com/showthread.php?t=848277
http://www.haridy.com/ib/showthread.php?t=93389
http://egyworkers.blogspot.com/2008/03/6.html
دي شوية مواقع بتتكلم عن الموضوع الموضوع جدا يا ناس احنا لازم كمان يكون لينا دور لازم نشارك بالي نقدر علية علي الاقل تبليغ الناس بالخبر ولوقدرنا نشارك اكتر يكون احسن دي بلدنا ودول اهلنا والي هما فية احنا كمان فية بالعكس دحنا يا ستات حاسين بالمشكلة اكتر ولا الاسعار عندكم كويسة ؟؟؟؟؟؟؟؟؟؟؟؟؟؟؟؟؟؟؟

[coca]

http://www.masrawy.com/News/Egypt/Ec...a.aspx?ref=rss

[eltourky]

مش عارفه اقولك ايه ياكوكا
بس صدقيني ولا منه فايده
ويوم 7 ابريل هتشوفي بنفسك

[حبيبة اسرف]

لا يا جماعه اكيد فيه فايده والعيار اللي مش بيصيب بيدوش ...يعني اكيد فيه نتيجه لأن لكل فعل رد فعل مساوي له في القوه مضاد في الاتجاه.....ومصر اتحررت بحاجات زي كده .....وحاجات كتير اتغيرت برده بنفس الاسلوب وما اخذ بالقوه لا يسترد الا بالقوه مش بالسلبيه....وان مصبتش المره دي تبقي المره الجايه........وانا مع الموضوع ده وبأيده بشده جدااااااااااااااااااااااااااااااا...
وشكرا يا قمر والله انا فكرت في الموضوع ده بس مكنتش عارفه اعمله ازاي.....
يارب يجيب نتيجه............ِ

[حنان الشريف]

اول مرة اسمع عنه منك وما افتكرش هيجيب فايدة لان :
( ان الله لا يغير ما بقوم حتى يغيروا ما بانفسهم)
نربي عيالنا صح وصدقيني حالنا هيتعدل لوحده

[مورة]

انا مش عاوزة اتكلم في السياسة
بس الحرمية الكبارفي البلدعلي قلبهم
ارتفاع الاسعار زي العسل ومش احنا يا غلابة
اللي ممكن نغير دة وحميها حرميها

[nehal hassan]

أولا بشكرك يا cocaإنك كتبتى عن الموضوع ده ولا زم يكون لينا دور إيجابى فى المجتمع بلاش نكون سلبيين كل واحد يقول أنا مالى ماليش دعوة دى بلدنا مش هنسيب الدنيا تولع وإحنا مش قادرين نعيش غير بالعافية كل يوم الاسعار بتزيد وبجنون لازم يكون فيه حد لمشكلة ارتفاع الأسعار دى

[coca]

شكرا ليكم كلكم
بس احنا لازم يكون لينا دور مهما كان صغير اكيد حيكون لية تاثير
الجبل ما هو الا حبات رمل تجمعت فلو اتحركنا جماعات صغيرة لكن كان هدفنا واحد اكيد اكيد حنكون اقوي وساعتها صوتنا حيوصل ويخوف كل الحرمية الي بيسرقونا وبيسرقوا حلمنا في مستقبل افضل
بلاش سلبية وبلاش نقول وانا مالي وبلاش نقول حنعمل اية اما انتي يا اختي يا ام التلت بنات وهو الي انا كتباة دة مش فكرة للتغير للافضل ان الله مع العبد ان سعي للخير فالتسعي معنا ودة هو الي حيضمن لبنتك انها تتعلم صح وتاكل صح وتعيش بامان اما السكوت فشوفي وصلنا لاية ؟؟؟؟؟؟؟؟؟؟؟؟؟؟
لازم نصرخ في كل الحرمية كفاية كفاية كفاية ؟؟؟؟؟؟؟؟؟؟؟؟؟؟؟؟؟

[coca]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[coca]

بجد انا حزينة انكم مش مهتمين بموضوع زى دة مش عارفة اقول اية !!!!!!!!!!!!!!!!!!!!!!!!!!!!!!!!!!!!!!!!!!!!!!!