تنبيهات هامة:
اولا) اذا وصلتك اي رسالة خاصة من عضوة تعرض عليك الانضمام لمنتدى اخر فارسلي رسالة خاصة فيها اسم العضوة الى احدى المشرفات لايقاف سرقة العضوات، ايضا اذا وصلتك اي رسالة خاصة من عضوة تعرض عليك بضائع للبيع فارسليها الى احدى المشرفات.
ثانيا) تجاهلي اي موضوع يتكلم عن شحن الجوال ببلاش او وجود ثغرة في موبينيل او فودافون او اتصالات حيث انها تسرق رصيدك!
ثالثا) الرجاء عدم اضافة مواضيع عن الجرائم او الصور المفزعة او صور فيها نساء متبرجات او اغاني او انتقاص من قدر اي شخص.
لا انا مقلتش ان اللي عندها المرض ده بتشعر بالأورجازم علي العكس دي هيكون عندها ضعف في عضلات الحوض الرافعه وممكن قوي متكونش عارفه يعني ايه اورجازم انت فهمتي غلط يا جنات
بالعكس دي الحامل لازم تعمله من الشهر الرابع ولحد بعد الولاده لأن العضله ديه مسئوله عن خروج رأس الجنين فعندما تكون قويه تكون الولاده اسرع واسهل وتقلل من احتماليه حدوث تمزقات لانها تؤدي الي مرور الرأس بسهوله اما فائدتها لما بعد الولاده فهو لاعادة تقويتها لان الحمل والولاده تضعفها كما قلت سابقا بالموضوع بالاضافه الي ان هذا التمرين يساعد علي التأم الجرح للتي ولدت طبيعي
ابدئي التمرين بالتدريج في الاول يعني مثلا حمس مرات بعد كل صلاه علي شان ماتنسيش يعني كده 25 مره وافضلي اتدرجي لحد ماتوصلي الي 100 او 150 مره في اليوم بس بالتدريج يعني كل اسبوع تزودي من5 الي 10 مرات
ممكن تزيدي الوقت اللي بتمسكي فيه نفسك بمعني النهارده مسكتي نفسك وعديتي لحد 10 بكره لحد 15 وهكذا
ولازم تنوعي في التمرين بمعني ان تعملي التمرين ورا بعض بسرعه وكمان تعمليه ببطء زي ما شرحتلك في الخطوه السابقه تمسكي نفسك وتعدي بالتدريج زي ماقلنا
بالنسبه للتحسن ياخد وقت اد ايه طبعا علي حسب الحاله في حاله ممكن شهر حاله ممكن3 اشهر والتمرين لازم يتعمل للوقايه او العلاج لكن بدون اجهاد او بدون ان تقسي علي نفسك لان هذه العضله سريعة الاجهاد
السلام عليكم ورحمه الله وبركاته
انا هرصد عدة مشاكل اكاد اكون متأكده ان كل واحده فينا مرت علي الاقل بواحده منها بيتسرب منك بول, مش بتلحقي نفسك قبل ما توصلي للحمام , بتحسي بتقل من تحت, مش بتوصلي لدرجة الذروة أو الشبق أو لذة الاحساس بالعلاقه الجنسيه . بتقولو اه طب ياتري ايه اسبب؟؟؟؟؟؟؟؟؟؟؟؟؟؟؟؟؟؟؟؟؟
السبب ضعف في عضله مهمه جدا أو مجموعه عضليه أسمها عضلات الحوض الرافعه (pelvic floor muscles
طيب ودي ايه اللي بيضعفها؟ يوة مش فيه حمل وولاده تقل بيفضل علي الحوض 9 شهور وبيبي بيعدي من خللها وحزق وخياطه وسعات بتحصل تمزقات من الولاده
طب إزاي نقويها؟ علشان نعرف نقويها إزاي لازم الاول نعرف وظيفتها هي بتعمل لنا ايه
هي اللي بتخلينا نتحكم في التبول والتبرز لأنها بتحوط فتحه البول والشرج بألياف عضليه
هي اللي بتحرك رأس البيبي وهو خارج من امه لحظة الولاده
كمان هي شيله فوقها كل الاعضاء المهمه اللي في الحوض(المثانه, الرحم, المستقيم)
احنا بقي هنقويها إزاي؟
1-هتنامى علي ظهرك ورجلك مثنيه والركبتين بعاد عن بعض وهتحاولى تمسكي نفسك جامد من مكان فتحة البول كأنك عاوزه تتبولي ومفيش حمام
خدي بالك لاتضمي افخاذك لو عملتي التمرين صح هتحسي ان الجزء السفلي من بطنك بينزل لتحت
2-الخطوه التانيه هتمسكي نفسك من مكان فتحة الشرج كأنك بتقاومي خروج ريح
3-الخطو ه الثالثة هتعملي الاتنين مع بعض هتمسكي نفسكمن مكان فتحة الشرج ثم فتحة البول
خدي بالك كل ما تعملي انقباض في العضلة استني شويه وبعدين ريحي ده هيخليها اقوي
انا مستنيه اي استفسار وتحت امركم أطمأنو يا جماعه ده مجال تخصصي انا مدرس مساعد بكلية العلاج الطبيعي قسم نساء وتوليد.
والسلامو عليكم ورحمة الله وبركاته
حقيقى موضوع مفيد وشيق واتمنى منك المزيد وخصوصا تمارين مفيده لنا جميعا
اشكرك
MEEROO 
