[يورو2010]

بصو ياقمرات يارب كل اللى تساعدنى ربنا يسعدها باذن الله الموضوع وما فيه انى اشتريت فستان خطوبتى من مالبى وكان واسع شوية وسبته فى المحل عشان يتظبط وطبعا الاحداث اللى مرت علينا واللى كلكو عارفينها خلت المحل لغاية دلوقتى مافتحش وانا مشعارفة اعمل ايه كل اما اتصل بالمحل ماحدش يرد علية اللى يعرف اى حد شغال فى المحل ده او ساكن جنبه ياريت يرد يطمنى معاد الخطوبة قرب ومشعارفة اتصرف ازاى

[بياض الفل]

لا حول ولا قوة الابالله يارب حد يفيدك

[lolo bosy]

مانتى اكيد مش هتعملى الخطوبه فى لبش ده استنى شويه خلال الايام دى هيكون فتح هو بس عشان المظاهرات ولكن الايام دى كل محلات هتفتح

[يورو2010]

ماهو الفستان لسة عايز بادى وطرح للشعر وانا مشعارفة اشترى الحاجات ده من غير الفستان وكمان الخطوبة فى البيت يعنى مش مرتبطة بحجز قاعة واحنا مشعايزين من اولها ناجل الميعاد وكمان مشعارفة افرح بالفستان اللى اشتريته

[لذيذة كريزى]

طب حاولى حد ممكن يروح يشوف المحل الىل جنبه اكيد معاه تليفون له ومبروك عليكى الفستان والخطوبة

[يورو2010]

طب حاولى حد ممكن يروح يشوف المحل الىل جنبه اكيد معاه تليفون له ومبروك عليكى الفستان والخطوبة

الله يبارك فيكى انا فعلا عملت كدة وقالو هايفتح النهاردة وعمالة اتصل بيهم بالتليفون وماحدش فتح عشان كدة هاطق وقلت افضفض معاكم احسن ماتجنن

[baby_forever]

انا كنت شارية فستان لخطوبتى اسود فى فضى لو عاوزاه فالظروف دى والله ادهولك تحضرى بيه خطوبتك ببلاش ياقمر وربنا يوفقك يارب انتى برضو زى اختى

[baby_forever]

وانا من رايى تاجلى الخطوبة لحد حظر التجول مايخلص عشان كدة الناس مش هتعرف تجيلك

[كتكوته 88]

الف مبروك يا قمر ربنا يتملك علي خير باذن الله
ويارب الفتوكات يساعدوكي

[سرسوره الفتوكه]

ربنا يتمم لك ع خير يا قمر
ومعلش ممكن تاجليها شويه
لغايه ما الاحوال تتصلح