[nefertety]

عاوزة اقولك يا ام سيكا ان المكنة وحشة جدا جدا لانها اولا مبتشيلش الشعر من جزورة ثانيا بتسمر ثالثا هي بتقل الشعر جدا

[امانى محمد]

بصراحه جميله انا مقدرش استغنه عنها ابدا وانظف من السويت انا جايبه براون الموف وبعمل كل انتهاء الدوره كل شهر وطلع الشعر الصغير قوى وبعمل الاماكن الحساسه بيها كمان جميييييييييييييييله جدااااااااااااااااااااااااااا انصك تجبيها

[امانى محمد]

نسيت اقولك انا جبتها 35 دينار يعنى 700 جنيه مصرى

[egyyy]

انا عايزة اعرف الاماكن الى موجودة فيها بجد ياريت الى يعرف موجوده فين الاصلية يقولى

[ام سراج]

ازيك يا egyyy
بالنسبه للمكنه البراون الاصليهBRAUN تلاقيها في توكيل براون في مدينه نصر
او عند التميمي في وسط البلد"شارع شريف" او العجيل او شارع عبد العزيز العتبه
بس خدي بالك الاصلي منها الماني وممكن فرنساوي اقري المكتوب ع المكنه نفسها مش ع العلبه..التمن عند التميمي 540جنيه بس الكلام ده من حوالي 9شهور وده تمن النوع اللي اسمه طقم العروسه..اللي هوه 5 قطع

[سيدة العطارة]

انصحك بشراءماكنة فلبس اي نوع افضلتستعمل حتى للاماكن الحساسة

[سيدة العطارة]

انصحك بشراءماكنة فلبس اي نوع افضل تستعمل حتى للاماكن الحساسة

[noOona]

فعلا هايله
بس انا بعمل سويت الاول بسرعه عشان السويت بحس انه بيفتح البشره شويه وبيشيل الجلد الميت
وبعد كده بعمل كل حته فى جسمى بسيلكابيل عشان تشيل الشعر الصغير بس بجد بتنجز فى الوقت كتييييييييييييييير

[القطه]

بصى يا حبيبتى كل كلام البنات مظبوط فعلا
انا واظبت على استعمالها اكتر من اربع سنوات
وهى مازالت عندى وفعلا بتشيل الشعر من الجذور
وبيطلع بعد 20 او 25 يوم انا كنت اعمل بيها كل شهر
لجسمى كل وكانت حلوه بس اللى خلانى ابطل استخدمها
انها بتشيل الشعر لكن مش بتشيل طبقه الجلد الميت اللى فى المكان
يعنى مش يتفتح المكان
لكن السويت مجرد فردها على اى مكان بالجسم بتطلع معاها طبقه الجلد
الميت الخارجيه ومهما استخدمتى مقشرات او سنفره من اغلى الانواع
لا تعطيكى نفس البياض او النعومه بتاعه السويت
انا لاقيت الاجزاء اللى كنت استخدم فيها المكنه البراون بقت سمراء
وتحسيها دايما عرقانه
سألت متخصصه فى سنتر تجميل كبير
قالتلى انتى مش بتعملى سويت ليه
حكيتلها انها مؤلمه وانى بعمل بالمكنه البراون قالتلى هى جميله
بس مش بتزيل طبقه الجلد الميته
والخلايا الميته دى هى اللى دايما تعمل عرق ورائحه غير مستحبه
خصوصا فى الاماكن الحساسه سمعت كلامها وبدأت اعود نفسى عليها
وبطلت المكنه الا لو مستعجله ومش عارفه اظبط السويت
ولو انى دلوقتى بشتريها جاهزه
وانتى ممكن زى ما ذكروا الاخوات تستعملى الكريم المخدر
وتعملى السويت عادى انا بنت اختى من ساعه ماتجوزت بستخدم المخدر ده
بقالها 3 سنوات وبتعمل سويت عادى
تمنى اكون افادتك واشكرك عالموضوع

[أم الصبيان]

ازيكوا يا جماعة...
من الواضح ان كل واحدة بتذكر تجربتها الشخصية..اذا لا يوجد شبه اجماع مؤكد فى أي موضوع..وهذا هو المفيد فى المنتديات المحترمة جميعهن..لابأس فى الاختلاف ان تم بطريقة راقية..
رأيي الشخصي..ان تلك الماكينة لابأس بها اطلاقا..وخصوصا لو تم استخدامها لضيق الوقت..أو لوجود أطفال والجو الحار وبعدين تسيح الحلاوة....معروف تلك الأمور..بس أخطر عيب فيها,انها مش بتشيل تلك الطبقة الميتة..ومن ثم ساعات الشعربيقرر فجأة انه بيتزنق تحت الجلد..وبيعمل نقطة شعر سودا..وبعد كام يوم بيطلع..ولذلك أفضل أن يتم الأمرالأول بالحلاوة عادى..وبعدين نكمل بالماكينة..

[shimaa fathy]

بصى يا قمر انا عندى اخر موديل هديه العروسه هى جميله جدا بس انا مش بعمل بيها المناطق الحساسه لانها بتكون مؤلمه انا بعد ما بعمل بيها رجلى او ايدى بمرر السويت عليهم عشان الجلد الميت او السمار وساعات بدعك باليمون المنطقه اللى بعملها وبيبيض زى السويت وبينعم جدا وكمان بيأخر وقت طلوع الشعر عن تجربتى انا

[egyyy]

ميرسى اوى يا ام سراج على الرد والمساعدة
وان شاء الله لما اجبها هقولكوا رأى

[اطياف]

ماحبيتها جربتها بتشيل الشعراكيد بس ما بتنعم الجلد مثل الحلاوة
يعني بتنفع اذا كنت مستعجلة وبس

[sandod]

بسأل عن براون سلك بيل العروسه حلوه و الأحدث منها احلي حد جربها يا تره بتشيل الشعر زي السويت و اه و ليها عيوبها

[رودينا اسلام محمد احمد]

انا عندى براون (هدية العروس) من سنة جاتلى هدية من السعودية بس ايه تحفة بتشيل الشعر الصغير اللى مبتقدرش السويت تشيلة وتضترى تستنى لما الشعر يطول شوية عشان تشيليه والشعربيقعدكتير على مايطلع

[اخت فى الله_LM]

بصراحه انامجربتش الماكينه خالص
يمكن لانى لسه صغيرة عندى 19 سنه
بس بستخدم السويت
لكن للاسف مش بتشيل برده كل الشعر
بيبقى الشعر الصغير
بس ميزه السويت انها بتفتح البشره والمسام
وبتحسى ان بشرتك فتحت
وسمعت ان الماكينه بتسمرالجلد وبتطلع الشعر اتقل مش عرفه
ده صح ولا لا
ممكن حد يجاوبنى
وموضوع جميل ومفيد
ميرسى ياقمر

[bebsa]

انا عندى ماركه فيليبس من دبى لونها لبنى حلوووووووووووة بس مؤلمه وخصوصا الاماكن الحساسه بس فكرة المخدر الموضعى دى هايله بس لازم تكون اصليه عشان تعيش معاكى هيه هتكون غاليه شويه بس الغالى تمنه فيه

[ام عبدالله2007]

البراون دى اختراع هاييييييييييييل وماقدرش استغنى عنه ..بس على فكره كل ماتعملى بيها على فترات قريبه يطلع الشعر بسرعه
بس فعلا لازم كل ست تكون عندها المكينه دى

[nona dala3]

دي هايله جدا جدا
انا برايي احسن من السويت
السويت بتشيل الشعر الكبير دي بتشيل الشعرايه الصغيره الي مش بتتشال بلسويت وبياخد وقت على ما يطلع علشان دي بتشيل الشعره من الجزور
هتريحك انشاء الله

[tafy80]

غريبة مع انها مش عاجباني خالص بتطلع الشعر كأنه محلوق تخين وخشن وبيطلع في ظرف اسبوع وبتخلى مسام البشرة واسعة كأن الجلد منقط
وعى فكرة سمعت الكلام ده من ناس كتير