[ام عبودي و ديدو]

((**حوار بين اب وابنه في زمننا **))

الأب : يا ولد
الابن (و بكل براءة) : نعم

الأب: نعمة لما ترفسك
الابن:ليه ايه اللى عملته؟
الأب: عملك اسود ومهبب
الابن :هو انا قلت حاجه؟
الأب:لا كان ناقص تقول كمان.. أوقف عدل يا حيوان
الابن : حاضر
الأم: يحضروا على قبرك.. لما أبوك يتكلم إنت تخرس
الابن: أخرس؟؟
الأب: أيوة خرسة تخرسك ان شاءالله
الابن: ماشي
الأم: مشش فى ركبك
الابن : ايه مشش دى؟
الأب: أما إنك قليل الادب وبترد على امك كمان؟
الابن: انا رديت على إمي؟ ياما ماتقوليله حاجة
الأم: ...أخرس ياض
الابن (( غلب على امره و سكت))
الأب: أما جيل قليل حيا صحيح...بتكلم ومبتردش عليا اتخرست ليه كتك خرسة تخرسك
الابن:يعنى اقول لو اتكلمت بتشوفوا كلامى غلط
الأب: ليه ياض شايفنا عُومى ولا شايفنى أحول ومش بشوف؟
الابن: لا اله الا الله
الأم : الله ياخدك ويريحنا منك.. يا ريتني خلفت ابن الجيران و لا خلفتك
الأب: انا مش عارف الواد ده طالع لمين.. لا وشايف نفسك راجل اوى؟
الابن:طيب يعنى اعمل ايه عشان تشوفنى راجل؟
الأب: إن شالله ما تطيب.. اخرس
الابن: يا ااااااااااااااااااااارربي خلاص ممكن أمشى؟ انتم نادتونى ليه أصلا؟
الأم: آه صحيح انت ليه ناديت على الواد؟
الأب:تصدقى .... نسيت.. مش عارف... خلص امشى غور كتك الارف

اذا اعجبك الموضوع و اردت نشره في المنتديات الاخرى فاستخدمي هذا الرابط:
ادي الاباء ولا بلاش !!!!!!!!!!!!
http://forums.fatakat.com/thread1199

[ام مهند]

[hala_2007]

يا دي العيب

[rosygirl]

حلو اوى يا ام عبدو بجد مت على نفسى من الضحك تسلم ايدك

[ام عبودي و ديدو]

شكرا لكم جميعا ايتها الاخوات الفاضلات

[lolo 2008]

ههههههههههههههههههههههههههههههههه
ميرسى يا قمر

[rawan432]

[noooody]

ده الواد زمانه انتحر ياحرام صعبان عليا اوى

[مهندسة ماجدة محمود]