[يلا بقي]

عايزة طريقة عمل صنية البطاطس باللحمة المفرومة في الفرن اللي بتبقي بالبطاطس المهروسة

[ام ملك وحودة وبودى]

بطاطس عادية يعنى متقطعة ترنشات ,, ولا البطاطس المتقورة ومحشية لحمة مفرومة وضحيلى تقصدى اية.,

[ام ملك وحودة وبودى]

اة البطاطس المهروسة طب استنى هكتبلك الطريقة

[أم عتريسه]

بتسلقي البطاطس مع ملح وفلفل وكمون لغايه ماتستوي بعدين تقشريها وتهرسيها ..

هتعصجي اللحمه بالطريقة المعتاده بعدين تنشليها في طبق لوحدها واتركي السائل المتبقي منها في الحلة زي ماهو ..

هتاخذي البطاطس المهروسه تقلبيها في السائل الناتج عن اللحم المتعصج + ملعقتين حليب + شويه زبده سايحه او سمن .. وهتظبطي الملح والفلفل والتوابل .. ممكن برضه تعمليها بطريقة تانيه انك تسيحي السمن الاول وتضيفي له فص او اثنين ثوم مهروس وتكملي عادي بنفس الطريقة ..

هتجيبي صينية فرن وتدهنيها شوية سمن وترشيها كويس بالبقسماط المطحون .. هتقسمي البطاطس المهروسه قسمين تفردي القسم الاول في قاع الصينية المدهونة بعدين تحطي طبقة العصاج بعدين بقية البطاطس ..

هتساوي الوجه وترشي عليه كمية مناسبة من البقسماط المطحون وتوزعي ملعقة سمنة او زبده على الوجه ..

هتدخليها الفرن لما تتحمر شويه بعدين تقطعيها زي المكرونة بالبشاميل كده وتقدميها .. وبالهنا والشفا ..

[ماما نشوى]

ان شاء الله حد يفيدك يا قمر وبالف هنا وشفا

[koky2007]

ايوه حلوه اوى يا ريت نعرف الطريقه صح

[المشمهندسة]

اسمها بطاطس بورية

بطاطس حجم متوسط
2 ملعقة كبيرة زبد
1 ملعقة صغيرة ملح
¼ ملعقة صغيرة فلفل أبيض مطحون
3 ملعقة كبيرة زبادي او ربع كوب لبن
قليل من جوزة الطيب مطحون
ثوم مهروس ( فصين )
لحم مفروم معصج ( لحم مفروم و ملعقه زيت و بصل مفروم و بقدونس -ملح -بهار ابيض )



تُسلق البطاطس في كمية كافية من الماء البارد على نار متوسطة وتترك حتى تنضج تماماً.
-تُقشر البطاطس ثم تهرس ويفضل أن تهرس عن طريق الفرك بشوكة أو بمصفاة يدوية ولا ينصح بهرسها باستخدام الخلاط الكهربائي حتى لا تصبح مطاطية.
-إذا كانت البطاطس ما زالت ساخنة يضاف إليها باقي المحتويات وتخلط جيداً. أما إذا لم تكن ساخنة، فيسخن الزبد ويضاف إلى البطاطس وتقلب جيداً ثم تضاف إليها باقي المحتويات.

فى بايركس ضعى البطاطس المهروسه و ضعى اللحم المفروم ثم قومى بوضع كميه اخرى من البطاطس مره اخرى

** عندما تنتهى رشى قليل من الجبن على الوجه قبل دخولها الفرن او قومى بضرب بيضه على الوجه و قليل من البقسماط المطحون
تدخل الفرن لمده ربع ساعه 350 درجه

- تقدم دافئة

[baskotaa]

بصى هتسلقى البطاطس وبعدين تهرسيها مع شوية لبن وملح وفلفل اسمر وتوم مفروم وسمنة لو عايزة
وبعدين تجهزى العصاج وهو شوية سمنة على النار وعليهم بصل وتقلبية شوية وبعدين تحطى عليها توم وفلفل اخضر وتقلبى وبعدين تنزلى عليهم باللحمة المفرومة وتقلبى وبعدين لما لونها يتغير تحطى الملح والفلفل الاسمر وبهارات وبعدين معلقة صلصة كبيرة
هتجيبى صنية وتحطى نص كمية البطاطس فيها وعليها تحطى اللحمة المفرومة وبعدين باقى البطاطس تحطيها تالت طبقة او ممكن تحطيها فى كيس التزيين وتحطيها عليها عشكل وردات
وتدخليها الفرن

[lolo kinzy]

بتعملى العصاج العادى وتحطى عليه شويه قرفه وزنجبيل قليل وملح وفلفل
تسلقى البطاطس وتهرسيها مع شويه لبن وقطعه زبده وملح فقط حتى لا تسود البطاطس من الفلفل الاسود كفايه اللى على العصاج وتضعى ربع ملعقه بيكنج بودر علشان تبقى هايشه
تدهنى صينيه حسب الكميه بالزبده وتضعى نصف البطاطس وتضعى العصاج ثم النصف الاخر من البطاطس تضعى معه بيضه واحده وتضعيه على العصاج وعلى الفرن وبالهنا والشفا

[ام ملك وحودة وبودى]

المكونات:

بطاطس
لحمة مفرومة
بيضةونصف او بيضتين حسب كمية البطاطس
بقسماط ناعم
سمنة

طريقة التحضير:

- نسلق البطاطس الكمية التى تكفى لعمل صينية موجودة عندك
- نهرس البطاطس ونضع عليها بيضتين مخفوقين
- نجهز العصاج المكون من اللحمة المفرومة والبصل
- ندهن صينية بقليل من السمن ثم نرش البقسماط الناعم فوق السمن ثم نضع نصف كمية البطاطس المهروسةونضغط عليها من الجوانب
- نضع العصاج فوق البطاطس ثم نضع نصف الكميةالثانية ونضغط عيها بحيث تغطى العصاج تماما نرش البقسماط مرة اخرى فوق البطاطس
- تدخل فرن ساخن الى ان يحمر وجهها وبالهنا والشفا