[samasemo]

هاى يافتوكات :
انتم عارفين طبعا الفضول اللى بيصيب الزوجة منا لما جوزها يسرح امام الكمبيوتر وتترسم على وجه ابتسامة خبيثة متعرفيش معناها ايه وده بيستلزم استخدام الحيلة عشان تعرفى ايه اللى بيحصل من وراكى وده اللى حصل معانا وقدرنا نلزق لهم لغاية ما اكتشفنا السر ودلوقتى جه وقت تكتشفوا معانا الرجالة بيبعتوا لبعض ايه
اقرا و ركز

ازاى تعكنن على مراتك

الصبح وانت رايح على شغلك وهى نايمة تعمد اسقاط اى شيئ اوخبط الباب بصوت عالى علشان تصحيها هى كمان 00 اشمعنى انت ؟ ولو حاولت ترجع تنام تانى قول لها مادام صحيتى حضري الفطار بقى

اصحى يوم الجمعة بهمة ونشاط وجهز الافطار لزوجتك بس متنساش انك تستخدم15 طبق واكبر كمية من الملاعق والشوك و 5 حلل من اللى عندكم فى المطبخ و10 كوبيات لاعداد طبق بيض وسندوتش جبنة

طبعا يراعى ترك اثار سمنة على الارض مع ترك التلاجة مفتوحة وقشرالبيض فى الحوض

فى عيد ميلادها زين لها تورتة عيد ميلادها بخمسين شمعة ولو سألتك لية خمسين رغم ان عندها15

سنة بس ؟ اتحجج بضعف الاضاءة فى البيت وانت بتبص على النجفة اللى عندكم اللى فيها 30لمبة مع ابتسامة صفراء خفيفة

لو عملت ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات يرعى التجول وانت مستمتع بأكل الجاتوة امامها

متنساش رأيك فى طبيخها لو عاملة لحمة قول لها حلو اوووى الفراخ دى ولو طبخه بامية 00 جميلة اوى الملوخية دى حطة عليها اية يا حبيبتى ؟؟ ولو عملة كيكة قالها انا بحب اشرب شاى مع البسكويت الحلو دة

لو طلبت منك تنشر الهدوم قالها حاضر مع ابتسامة حانية وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها نص هدومها اللى كانت مغسولة مع فردتين شراب من بتوعك علشان متبقاش مقصودة منك

لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية

لو كانت مشغولة فى نظافة البيت او مع الاولاد وطلبت منك تغسل كوبتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوباية من الاتنين وهى مكسورة واسألها فى براءة ارمى دى فين ؟؟

وانت قاعد تتفرج على التلفزيون وهى طالع عينها فى تنظيف البيت وبعد ما تخلص معلش ممكن كوبية مية علشان ضهرى بيوجعنى

طبعا احنا جايين نهدى النفوس

أكيد انتم فاهمين

[ام بسنت]

مشكوررررره

[omyaser]

مشكوره حبيبتي
بس هاد الكلام ما بيمشيش عندي
وحياتك ممشيتوا على النظام الوروبي

[ام عمر المصرية]

مشكورة على الموضوع زى العسل

[samasemo]

مرسى على مروركم

[عاشقة سوسو4]

ششششششششششششششكرا

[هبة فؤاد محمد]

حلو قوى ودمة خفيف

[أمولة]

حلو احيانا بتصير معي بس مابسكت بعمله طنه ورنه بالبيت 0000000
سلمت يداك

[عبير بدري]

شكرا لك حقيقى دة بيحصل

[Hanan Fouad]

دة واحد زهقان من مراتة جامد
شكرا على موضوعك

[preatywoman]

على حكاية الزوج المتفتهم ده مفيش منه

[sara_al111i]

ههههههههههههههههههههه
موضوع رائع
مشكوره

[rokaya]

الموضوع حلو أوي شكرا أنا ضحكت كتير

[m.moon]

ايه العسل ده على فكرة العكس اللى حاصل دلوقتى قاعدة اضحك وجوزى بيسألنى فى ايه بس مش هخليه يقراها طبعا

[دنيا الخير]

نعم ظربتو على وتر حساس 0000000000

[rehab]

ده أنا لو جوزي عمل معايا كده كنت حدفته ورا الغسيل
مع العلم أنه عمره ماعمل معايا حاجة غير السلطة

[ام سما وبودى]

صحيح انا قراتها قبل كده عند زوجى فى اللايميل

[monee_2020]

شكرا لك يا جميل والله لما بيحبوا يعكننوا بيعكننوا صح

[radwa mohamed]

دا انا اقتله لو عمل كده هههههههههههههههههههههه

[lol5]

هههههههههههه

تسلمي يا عسل