[أم بتول]

.أزيكم متستغربوش من العنوان انا هاحكيلكو عن تجربتي
انا ليا 3شهور ازور كل المنتديات ابحث فيها عن الاصلاح في الحياه الزوجية
كيف تدلعين زوجك
كيف تقضين ليلة رومانسية
كيف تجعلين زوجك زى الخاتم في صباعك ......إلخ.إلخ.إلخ
ناهيك عن الوصفات الدينية .كوني له عبدة....وهكذا
مش هاطول عليكوا
جربت كل شيء شمع وورود والحياه بمبي و كلام حلو ودلع ولبس وبرفانات .كل شى
مافيش فايدة
زهقت. يتعدل ساعة وينقلب باقي اليوم .الصمت هزالحيطان. يقول شرا او يصمت
يقول ماتعودتش اقول كلام حلو اتعودت يقلولى الستات الكلام الحلو أصلو دكتورنسا
وبعد كل مجهودى عشان ارضيه ومش عاجب الاقى سلايفى بيعاملوا ازواجهم اسوأ معاملة بس بينولوا الرضا السامى .ازواجهم مش عارفين يعملواإيه ولا إيه عشان يرضوهم. خسارة تعبي
الظاهر إنهم مابيجوش إلا بالعين الحمرا
إيه رايكم لو أعمل زيهم وأجرب يمكن يتعدل الحال
سلام.

[omyaser]

لا ام بتول حبيبتي
انا مصدقه كلامك بس مش معقول ما جاب نتيجه
شوفي الرجال بدك تكوني حريصه وانت بتتعاملي معهم
بدهم امراءه ذكيه
انا في اشيا كتير طبقتها من نصائح الفتكاوات ما كنت متخيله
بحياتي انها تتغير والحمد لله كتير فرقت معي
في بالمنتدى مواضيع كتير مفيده بخصوص معاملة الازواج اعمليلك جوله عليهم
في مواضيع ام بسنت بخصوص معاملة الازواج انا كتير استفدت منها مع احترامي لجميع حبيباتي الفتكاوات ومواضيعهم الحلوه ما بنكر انهم فادوني
ديري بالك تعملي متل سلافاتك مو بصالحك
وتاكدي رح ييجي يوم ويطفح الكيل مع ازواجهم وينفجروا فيهم
انت صرت فتوكه يعني واحده منا وامرك كتير بهمنا ما بنرضالك اياها
انت انضمي معنا وحطي ايدك بايدنا ورح تنتصري ان شاء الله

[preatywoman]

سوري يعني اغلب زوجات د
كاترة النسا بيكون لديهم فتور في المعامله مع زوجاتهم وذلك نتيجة ارفهم من كتر التعامل مع الستات بس انتي متيئسيش ابدا خليكي على اهتمام بنفسك ودلعك لانه برده بيشوف ستات كتير يعني لو اهملتي نفسك ممكن يبص كده ولا كده
وربنا يهديهولك يار ب وفعلا عليكي بنصائح ام بسنت

[samasemo]

لا ياأم بتول مش لازمن تيأسى وتواصلى الاهتمام بزوجك هو دلوقتى مش مقدر لكن حيجى يوم ويقدر وبعدين اجرك عند ربنا كبير
الراجل مبيحبش يصرح امام مراته انها كويسة ولكن اكيد لما بيتكلم عليكى مع الاخرين بيشكر فيكى

[أم بتول]

شكرا على اهتمامكم وهاحاول مرة تانية واجرب نصيحة ام بسنت ويارب يكون فيه الفايدة وينصلح حال كل الرجال