[samasemo]

هاى ياأحلى فتوكات:
احنا نوين نفطم الاولاد وعايزين نعرف تجاربكم يلا كل فتوكة تقولنا عاملت ايه مع اولادها

اذا اعجبك الموضوع و اردت نشره في المنتديات الاخرى فاستخدمي هذا الرابط:
كل ام فتوكة تدخل تشارك
http://forums.fatakat.com/thread12311

[أم مريم]

حلو قوى الموضوع ده
انا لسه مش هفطم بنتى دلوقتى بس هستنى الردود عشان استفيد لما اجى افطمها
ياللا افيدونا

[nona79]

شوفي يا ستي
انا رضعت ابني لحد ما وصل سنتين وكانو يقولولي ده حيتعبك عشان كبر وهو
يرضع بس انا بديت اقلل مرات الرضاعة بشوية لحدلما فطمته
فضل اول يومين يبكي شويه في الليل عشان متعود ينام وهو يرضع
بس مع الوقت نسي
بس اهم حاجة لما تفطميه اوعي ترجعي ترضعيه عشان كده حيتعبك اكتر
معليش استحملي اول اسبوع بعدين حينسي
ربي معاكم

[أم الطيب]

بعد اولادي الاتنين أهم حاجة انك تفطمي بالليل قبل النهار يعني تمنعي الرضاعة تماما بالليل.. يعني آخر رضعة ياخدها تكون الساعة 12 بالليل واول رضعة صباحا الساعة 6.. لان اكتر حاجة بتتعب في الفطام هو الليل بيفضل صاحي ومش عارف ينام.. والكلام ده قالهولي دكتور اطفال ربنا يكرمه وريحني كتيييييييييييييييييييييييير، لأنك بالنهار بتحاولي تشغليه بأي لعب جديدة أو حتى خروج لكن بالليل..........
ربنا يعينك يا قمر ويقويك على اليومين دول

[ام بسنت]

لماجيت افطم بنتى الاولى بصراحه ودتتها عند ماما هى قريبه منى بس عشان بنتى متشوفنيش وكانت بتحضر لها باليل اللبن وبسكوت او اى حاجه دافيه بس اليومين الاولنين بيتعبوا جامد وكمان صدرى وجعنى جامد لحد مانشف كان تقل قوى والحمدلله

[samasemo]

شكرا يانوناوام الطيب وام بسنت جزاكم الله كل خير
مستنين باقى الفتوكات يلا احنا وام مريم

[ريري]

اهم شىء انك تقللى الرضعات يوم بعد يوم وزى ما قالت ام الطيب ضرورى عدم الرضاعه بالليل ،ولازم الطفل ياكل بالنهار كويس (يعنى اربع اوخمس وجبات صغيره)علشان ما يصحاش من الجوع،واخر حاجه انك تأخرى ميعاد نومه علشان ينام ما يصحاش الا تانى يوم
والاهم انك تتحلى بالصبرررررررررررررررررر

[eltourky]

بصي انا فطمت مريم وهي عندها سنه وشهر
لاني كنت حامل ف هداية
وصدري مجمدش خااااااااااالص ولا كاني كنت برضع طبعا ده لاني كنت حامل
انا بصراحه مفطمتهاش زيكم كده
انا استعملت معاها حاجه اسمها(صبر ومر) بدهن منه ع الحلمه حته صغننه خااااااالص
اول بقي ماترضع تقرف قوي بس مش مضر
ومعدتش ترضي
مرة اومرتين بتكرهه خالص
بس بتبقي حزينه وتبصله وتعيط نفسها تاخده لكن مبترضاش ابدا لان طعمه
بيقبي وحش
طول الليل بقي خلي جنبك حاجه تاكليها بيها وكمان ميه كتيررررررررر
وربنا يعينك اليومين دول صعبين قوي

[samasemo]

شكر جزيلا لكم يا ريرى و التركى على نصيحكم دعواتكم معانا

[rehab]

ربنا معاكم
أنا عملت زي التركي بس أنا مادهنتش الصبر نفسه لأن صعب جداااااااااااااااااااا وممكن الطفل يرجع من طعمه أنا عن نفسي حطيت المر في شويه مياه وبعدها بنص ساعة حطيت شويه من المياه علي صدري وفعلا أول ما داقة قرف جدااااااااااااااااا
بس ماترميش المياه عشان لو حاول يارضع تاني تحطي منه تاني
وبالنسبه للصدر في حبوب بتنشف الصدر في يوم واحد أنا للأسف ما جربتهاش لأني ماكنتش أعرف أنها بتبقي في أول يوم فطام وأنا كنت هجيبها تالت يوم والدصيدلي قالي مش هينفع
وربنا معاكو
هو باردوا بالنسبه للنوم بالليل أول يومين حاول تخرجوهم بالليل هيناموا في الشارع حتي ممكن بابهم يقف بيهم علي باب العمارة

[samasemo]

جزاكى الله كل خير يارحاب ودعواتك معانا
بعدين فين باقى الفتوكات ؟