[دلوعه مومو]

السلام عليكم


ازيكم يا فتوكات يا قمرات


انا كذا حد سألنى بعمل ازاى رسمه الايلينر من بدايه العين بشكل مثلث(بوزه يعنى)

وانا النهارده جيبالكم خطوات ازاى برسمها ويارب تستفيدوا منها

ومتنسوش لو الموضوع عجبكم تقيموا ها


وبردو اى سوال انا تحت امركم ومحسوبكوا عجوه فالخدمه دايما

يلا نبدء الخطوات مع الشرح


اول حاجه خالص هنجيب الايلينر الى هنرسم بيه او ممكن ترسموا بالكحل الاول نفس الخطوات بعدين ترجعوا تمشوا عليه بالايلينر عشان الى لسه ايدهم بيجلها الرعاش وهى بترسم وبترسم عنيها فن تجريدى


دا شكل العين قبل الرسمه






وبعدين بالايلينر هنرسم خط فوق بالشكل دا وهنمده لادام شويه من عند مدمع العين زى ما فالصوره
ومن نهايه العين بردو

شايفين ازاى يابنات والخط يكون نازل لتحت شويه يعنى بصوا ركزوا اوى فالحته دى واعملوها بالراحه احنا ورانا حاجه
ومش هتاخد دقيقه اكيد






بعدين من تحت العين هنرسم من الخط الى طلعناه دا زى مثلث زى ما فالصوره كدا





وهنفضل نزود الخط كدا حته حته زى ما فالصوره كدا





لحد ما نرسم الخط الى تحت العين كله وطبعا نعرض زى ما احنا عاوزين او نرفع كل واحده والى تحبه بقا ويبقا بالشكل دا







كدا خلصنا الايلينر نيجى بقا للكحل نملا كل الفراغات دى بالكحل (هنحط الكحل فالعين يعنى) ويبقا بالشكل دا










وبس وكدا خلصنا ودا شكل العين باللنزز والحاجب وكله والماسكرا






انا لقيت ان كلمه فتكات اتكتبت عالرسمه فعملتلكم الصوره دى




ويارب اكون عرفت اشرح وتكونوا استفدوا

ملحوظه::انا بريئه من اى واحده تعمله فى شى يغصب ربنا او تعمله لغير زوجها



يا بنات خدوا بالكم

انكم ترسموا الايلينر الاول قبل الكحل لان فى بنات بترسم الكحل وبعدين ترسم الايلينر كدا مش هيديكى منظر ان عنيكى مرسومه
بالعكس هتحسى ان لسه فى فراغات
انما لما ترسمى الايلينر الاول وبعدين تحطى الكحل هتقدرى تملى كل الفراغات وعنيكى هتكون كلها مرسومه ومتكحله مش كأن الايلينر فى وادى والكحل فوادى



ويارب تكونوا استفدوا ولو عجبكم موضوعى وشرحى ياريت تقيموا لانى تعبت فيه اوى
وسلام

[hasnaa noaa]

تحففففففففففففففففة تسلمى يا قمر

[مرمر روح مامي]

تسلمي ياقمر بس للاسف الصور مفتحتش عندي سؤالين معلش انهي احسن الوز بودر ولا الكومباكت بودر واشتريت مسكرة من نكتار فيها جزء ابيض وجزء اسود عايزة اعرف الابيض لاية ومرسي ليكي

[بوبا العسل]

جمييييييييييييل اووووووووووووووووى

[ام يوسف الغالى]

براااااااااااااااااااااااااااااااافو

[صاحبة الرؤيا]

جزاكى الله خير

[جنتى رضا ربى]

تسلم ايك
جميييييييل

[كارمن اسبانيا]

جميله اوى يااقمر مااشاء الله بس مشكلتى انى عبيطه اوى وايدى بتترعش ههههههههه

[دودو انور]

تسلمي يا قمر

[دلوعة قلب حبيبي]

تسلمي يا قمر