|
الحل السحري "البرماننت" وتوابعه
السلام عليكم ورحمة الله وبركاته
عزيزتي
لا تحزني اذا كان شعرك مموج او خشن وتتسرعي وتلجأي الي الحل السحري الذي يسمي "البرماننت" اي فرد الشعر بالكريمات او عند الكوافير
هل تعلمين لماذا؟ لان من مواده الاساسية "ماءالنار " تصوري؟
حدث هذا معي شخصيا واحببت قبل زواجي ان انعم بشعر ناعم كالحرير ولجأت لكوافير مشهور متخصص في فرد الشعر فقط "طبعا كل المصريات عارفينه"
وسالتهم عن مواده قالو لي انها طبيعية ولا تضر وصدقت لاني افضل استعمال المواد الطبيعية للبشرة والشعر وطبعا المحل" موت" لو عرفتي تحطي رجلك!
هما شهرين اثنين وابتدي شعري يموج ويضعف وطبعا عملته تاني . المرة دي باة كان تالف جدا وتساقط بشكل رهيب ومشبك مش باعرف اسرحه ومقصف ومموج اكثر من الاول
وابتديت رحلة اني اعالج شعري واجرب كل حاجة ولا فائدة وكل كوافيرة تقول لي منابت شعرك طالعة محروقة وعلي كدة 4 سنين لغاية دلوقتي ما زالت منابت شعري تطلع محروقة
وسالنا كوافير كبير ومخضرم هو اللي قال لنا علي موضوع مية النار دي لان طبيعة الشعراية تطلع مموجة زي ما خلقها ربنا سبحانه وتعالي
احنا بأة بنغير طبيعتها فلازم تموتي البصيلات اللي بتغذيها علشان تطلع مموجة وتقدري تتحكمي فيها بعد كدة بالفرد عكس الطبيعة
والكلام ده قاله محمد الصغير علي دريم مع امينة شلباية بس ما ذكرش مية النار ودايما امينة تحذر من فرد الشعر
هذه تجربتي الشخصية مع البرماننت وما زلت اعاني منها للان مع ان الحل بسيط وسهل جدا"شوية هوا سخن" سيشوار او حتي مكوة وما تبوظيش شعرك
او اذا كنت مضطرة استعملي مواد الفرد الطبيعية وهي غالية جدا اضعاف اضعاف الفرد العادي
وايضا لمعلومتك ليست طبيعية مائة بالمائة فيها برضه نسبة من الكيماويات ولكن اخف ضررا بكثير
ارجو الا اكون اطلت عليكم ولكني اردت ان انقل اليكم تجربتي كما حدث بالضبط لكي تستفيدوا منها
|
تفاصيل لقاء عيد ميلاد فتكات في الموضوع ده:
