[_MammLkt el7ozn_]

سلام عليكم


ازيكم ياقمرات عاملين ايه

وحشتوووووووووووني طبعا انتو خلاص عرفتوني عمري ما بنزل وصفة الا لو كانت من تجاربي الشخصية




طبعا كتير مننا بيعاني من مشكلة مؤرقة وهي حبوب المؤخرةويتكون مضايقة من منظرها وملمس المؤخرة اوي
وناس كتير بتحاول تعالجها وبترجع تاني

ومحدش عارف اسبابها وعلي فكرة انا كمان كانت عندي وكانت تعباني نفسيا اوي لانها مكانتش بتمشي مهما عملت قولت اتكل علي الله واروح لاهل العلم وروحت لدكتورة جلدية والحمد الله عالجتها ومرجعتش تاني


طيب تعالو اقولكم علي الكلام القالتهولي الدكتورة وطبعا انا بحثت كتير وجبتلكم كل المفيد


شكلها

ياما بارزة وبتكون حمرا

ياما جواها سائل ابيض

ياما سودة




اسبابها

عدم ارتداء اندر قطن وده يعتبر اول واهم الاسباب

عدم التنشيف وترك المكان مبلول

الجلوس علي كراسي جلد لفترات طويلة

الجلوس بالبانيو وملئه بالمياه

وجود بكتريا وعدم علاجها


طريقة العلاج ودي تنقسم لجزئين

الجزء الاول : العلاج الموضعي

الجزء الثاني : تحزيرات وممنوعات


نبدا بقي




الجزء الاول




هنشتري اتنين مرهم

المرهم الاول واسمه ميوبيراكس mupirax

وده هندهنه يوميا صباحا

وثمنه من 10 الي 12 جنيه حسب الصيدلية


وادي صورته

المرهم الثاني واسمه تيراميسين teraamyseen

وده هندهنه يوميا مساءا


وثمنه خمسه جنيه في كل الصيدليات

ودي صورته



هتستعملو المرهمين دول خلو بالكم مراهم مش كريم

لمدة شهر وعلي فكرة هتلاحظة النتيجة من تالت يوم استعمال بس استمرو عشان مش ترجع تاني


عارفين هتلاقو ايه

هتلاقوالحبوب دي بتموت والمؤخرة نااااااااااااعمة اووووووي

بس اوعو بعد ما الشهر يخلص تدمنو النعومة وتكملو

الجزء الثاني
من العلاج الممنوعات

1-اياكم من الاندر الصيني او البوليستر او ابو التلاتة بعشرة ده وهو ده اهم سبب لكل ده

لازم يكون الاندر قطن (متعملوش زيي لما كنت بحب التلاتة بعشرة عشان عليه رسمة دبدوب وميكيسيبنا من الشكل)


البوليستر والاياف الصناعيه بتتفاعل مع الجسم وتعمل الحساسية دي وعلي فكرة هي برده البتسبب السمار بين الفخذين


2- بعد اي حمام سوري للازم ننشف المؤخرةبفوطة قطنواشعف الايمان لو مفيش فوطة هاتي ياستي قطن ونشفي


3- بلاش ملئ البانيو والجلوس به واذا تم الامر يجب وضع مطهر ديتول في الماء والتنشيف جيدا ببمؤخرة بعد كل شاور

4- عدم الجلوس علي مقاعد الجلد فترات طويلة ولكل واحدة بتسوق يجماعه لو الكرسي بتاع عربيتها جلد يفضل تحط حادة فوقيه

5-عدم الهرش في الحبوب

ودي ياجماعه كانت تجربتي مع الحبوب والحمد الله شيلتها


عاوزة منكم حاجتين لو مفهاش تعب

تدعولي ربنا يرزقني بالزوج الصالح

تقيمو موضوعي عشان انا تعبت فيه وعاوزة اكبر كم من الاعضاء تستفاد منه

ولو واحدة مقيمتش هنطلها من الشاشةواجري وراها واجيبها تقيم


واستنو مني قريبا برنامج مكثف لعلاج كافة مشاكل الجسم

[AMOOL]

لا اله الا الله

[yoya81]

جزاكى الله خيرا وربنا يرزقك بالزوج الصالح

[Berri Cheri]

أنا أول واحده هرد وأقيمك ممتاز
طيب لو الحبوب عاملة زى اثار كده ولماراحت سابت بقع سودة وشبة حفر
اعمل فيها اية ؟؟؟؟؟؟؟؟
ومنتظرة باقى مواضيعك

[ام احمد قمر]

معلومات مفيدة جزاكى الله خير بس مش تراميسين دة مرهم للعيون ولا انا غلطانة

[المتقيه لله]

تقييم ممتاز

اسعدك الله

[علبوزه]

مشكووووووووووووووووووووووووورة

[منة24]

ربنا يرزقك بالزوج الصالح ويفرح قلبك عن قريب

[بناتي نور عيني]

الف شكر ليكي يا جميل واهو نجرب برضه

[_MammLkt el7ozn_]

جزاكى الله خيرا وربنا يرزقك بالزوج الصالح

ربنا يخليكي