[أم لوجى و ملك]

علي فكره دي اول مشاركه ليه وانا سعيده جدا من فكره اللعبه وانتو عسسيل جدددددددددددددا
بتتمني ايه وبتسعي لتحقيقه

مرحبا بك يا قمر
بتمنى اربى اولادى تربيه صحيحه وتكون مبنيه على الدين والفرق بين الحلال والحرام وبسعى انى اشوف اولادى افراد صالحين يا رب يعيننى على تربيتهم وتنشئتهم تنشئه صالحه

[أم لوجى و ملك]

أنتي باره بوالديكي

طبعا بفضل الله انا باره بوالدى وهما راضيين عنى ودائما بيدعولى

[mrmorty]

انتي فين يا ام لوجي وملك ولا انتي كده وقت اعترافيك انتهي علي العموم عرفوني مين علي كرسي الاعتراف

[hala_2007]

حبيبتي ام لوجي منورة
زرتي القاهرة قبل كدة واية الفرق بينها وبين المنصورة

[mrmorty]

ام لوجي وملك بمأنك لسه منوره الكورسي وانتي اصلا المنتدي منور بيكي علي طول
فانا مش هساليك سوءال بس هاطلب منيك توصفي شكليك عشان نعرفيك اكتر ولا اه رائيك

[roro soso]

يا الله يا أم لوجي وملك رحت فين ثاني السؤال بينتظرك؟

[yaso]

سؤالى اتجوزتى جوزك عن حب ولا زواج صالونات؟

[أم لوجى و ملك]

حبيبتي ام لوجي منورة
زرتي القاهرة قبل كدة واية الفرق بينها وبين المنصورة

حبيبتى هاله دا نورك يا قمر
طبعا زرت القاهره كتييييييييييييييييييير جدا لان أعمامى وعماتى يسكنون فيها ووالدى هو الوحيد الذى يسكن فى المنصوره لان والدتى اصلا من المنصوره
وطبعا الفرق بين القاهره والمنصوره كبير لان القاهره اكبر والمجالات فيها اوسع بالنسبه للشراء او مجالات العمل او الاماكن اللى تقدرى تتفسحى فيها
وان كنت احب المنصوره بسبب ان جميع اصدقائى وأقارب والدتى فيها . سؤالى انا
انت ما زرتيش المنصوره قبل كده؟

[أم لوجى و ملك]

ام لوجي وملك بمأنك لسه منوره الكورسي وانتي اصلا المنتدي منور بيكي علي طول
فانا مش هساليك سوءال بس هاطلب منيك توصفي شكليك عشان نعرفيك اكتر ولا اه رائيك

العزيزه mrmorty
المنتدى منور بيكى يا جميله
وشكرا لزوقك ورقتك
بس أعتقد ان مفيش حد يقدر يوصف نفسه
وبعدين ما ينفعش أوصف نفسى على الانترنت ولا ايه رأيك
اسألى اى سؤال تانى وانا هجاوبك علطول

[أم لوجى و ملك]

يا الله يا أم لوجي وملك رحت فين ثاني السؤال بينتظرك؟

العزيزه roro soso
أنا موجوده يا قمر بس يوم الجمعه ما بقعدش على النت بقضى اليوم خارج المنزل
ايه هو السؤال اسألى يا جميل وأنا هجاوب علطول

[أم لوجى و ملك]

سؤالى اتجوزتى جوزك عن حب ولا زواج صالونات؟

مرحبا بك يا قمر
أنا تزوجت زواج صالونات بس حبيت زوجى جدا جدا فى فترة الخطوبه التى استمرت 9 شهور قبل الزواج وفى خلال هذه الفتره تعرفت عليه واحببته جدا جدا وهو ايضا احبنى جدا وانا الان متزوجه منذ 4سنوات والحمد لله زواجى ناجح جدا والحب بينى وبين زوجى يزداد يوما بعد يوم

[توته1]

ربنا يسعدك ويهنيكي يا أم لوجي

[ام بسنت]

على فكره انتى نفس سنين جوازى ونفس سنى انا وكمان عندك بنتين الفرق انك ليسانس لغه انجليزيه وانا لغه عربيه
احب اسالك انت تفضلين عمل المراءه ام تقعد فى البيت؟

[أم لوجى و ملك]

ربنا يسعدك وينيكي يا أم لوجي

ربنا يخليكى يا توته يا قمر
أنا موجوده حبيبتى بس أنا يوم الجمعه بكون بره البيت عشان كده لا أدخل المنتدى
شكرا لسؤالك عنى

[أم لوجى و ملك]

على فكره انتى نفس سنين جوازى ونفس سنى انا وكمان عندك بنتين الفرق انك ليسانس لغه انجليزيه وانا لغه عربيه
احب اسالك انت تفضلين عمل المراءه ام تقعد فى البيت؟

أولا يا أم بسنت أحب أقولك انه من دواعى سرورى انى اكون فى نفس سنك ونفس ظروفك .
طبعا أفضل ان المراه تقعد فى البيت عشان تقدر تراعى زوجها واولادها لان المراه العامله اكيد مش بتقدر تقوم بكل واجباتها تجاه زوجها واولادها وبيكون فيه مجهود زائد عليها.

[om adam]

أزيك يا أم لوجى .باين عليكى شخصيه جميله ومهذبه.وأنا بتفق معاكى جدا فى موضوع عدم عمل المرأه لان عملها يؤثر بالسلب على بيتها وهو أحسن للمرأه التفرغ لبيتها وزوجهاوأولادها.أحب أسئلك وتجوبينى بموضعيه ..
كام مره حسيتى أنك مش قادره تواجهى بعض المشاكل الزوجيه ولاقيتى نفسك لوحدك مع زوجك ولا أحد يساندك وقالوا لكى هذه حياتك الخاصه وحلوا مشاكلكم بنفسكم ؟
وهل تحبى ان يتدخل أحد ؟

[mrmorty]

اه فعلا عندك حق بس واضح انك انسانه جميله شكلآ وشخصيه

سوئالي لو في فرصه عمل في الخارج لزوجك بس مش ينفع تسافري معاه كبدايه لطبيعه الشغل توافقي يسافر ويسيبك علي انتظار لاقرب فرصه يأخذك فيها معاه

[أم لوجى و ملك]

أزيك يا أم لوجى .باين عليكى شخصيه جميله ومهذبه.وأنا بتفق معاكى جدا فى موضوع عدم عمل المرأه لان عملها يؤثر بالسلب على بيتها وهو أحسن للمرأه التفرغ لبيتها وزوجهاوأولادها.أحب أسئلك وتجوبينى بموضعيه ..
كام مره حسيتى أنك مش قادره تواجهى بعض المشاكل الزوجيه ولاقيتى نفسك لوحدك مع زوجك ولا أحد يساندك وقالوا لكى هذه حياتك الخاصه وحلوا مشاكلكم بنفسكم ؟
وهل تحبى ان يتدخل أحد ؟

أهلا بك يا أم ادم العزيزه
فى البدايه أحب أشكرك على زوقك ورقتك وأحب أقولك انت الأحسن يا قمر
هى مره واحده بس عند بداية زواجى كانت فى مشكله مع زوجى بسبب والدته وانا من نفسى لم أحاول أن أشرك احد من أهلى فى المشكله ولم يعلم احد عن المشكله من اهلى وده لان تدخلهم هيزود المشكله مش هيحلها ومن اليوم ده وزوجى بيحترم الموضوع ده جدا وفعلا اتفقنا على عدم اشراك احد من اهله او من اهلى فى اى مشكله خاصه بنا وده سر نجاح زواجنا لان التدخل بيعقد المسائل اكتر مش بيحلها.

[أم لوجى و ملك]

اه فعلا عندك حق بس واضح انك انسانه جميله شكلآ وشخصيه

سوئالي لو في فرصه عمل في الخارج لزوجك بس مش ينفع تسافري معاه كبدايه لطبيعه الشغل توافقي يسافر ويسيبك علي انتظار لاقرب فرصه يأخذك فيها معاه

mrmortyالجميله
شكرا يا قمر على كلامك الجميل
وفعلا الموضوع ده اتعرض على زوجى وكان هيسيبنا انا والاولاد لمدة سنه او اتنين بس انا رفضت
اولا :لان دخلنا والحمد لله مناسب جدا
ثانيا : لان الحياه من غير زوجى اعتقد انها ستكون مستحيله والله دى مش شعارات.
ملحوظه:لو كان العائد سيكون مجزى وفى وظيفه مناسبه لمؤهلات زوجى ممكن على الا تزيد مدة بعده عنا عن سنه واحده فى الحاله دى ممكن نعيد النظر

[ام شوكت]

حبيبتى ام لوجى وملك
شخصيتك حلوه وصراحتك احلى
هل تفضلين ان يكون عندك شغاله بالبيت