كرسي الاعتراف

hana · #**161** 26-12-2007

منوره حبيبتى
انت عندك كام طفل ؟ واسميهم ؟ واعمارهم ؟
انت عايشه فين فى مصر ؟
ما هى امنيتك ؟

om adam · #**162** 26-12-2007

أمنياتى وأحلامى هى أنى أربى ابنى على الدين ويبقى ان شاء الله ولد صالح يا رب ونفسى أنه يبقى داعيه اسلامى ؛وعن أمنياتى العامة أن ربنا ينصر دين الأسلام فى كل مكان ويحفظنا جميعا

أما عن التفائل والتشائم فأنامتفائلة الحمد لله وعندى حسن ظن دائما

om adam · #**163** 26-12-2007

امتى بحس أنى وحيدة مع أنى وسط أسرتى ؟؟
بحس بكده لما بفتكر أنى بعيد عن أهلى لأنى متجوزه بعيد عنهم بمسافة حوالى ساعتين سفر بس هعمل أيه هكذا هى الحياه يا لولو

om adam · #**164** 26-12-2007

انت عندك كام طفل ؟ واسميهم ؟ واعمارهم ؟
انت عايشه فين فى مصر ؟
ما هى امنيتك ..
أنا عندى أدم بس وعنده سنه وثلاث شهور وأنا عايشه فى القاهره وأمنيتى زى ماقولت سابقا أنى أربى ابنى تربيه صالحه

ام الاء · #**165** 26-12-2007

وحشتينا يا ام ادم بلاش تغيبى عنا تانى مفهوم
السؤال هل تعملى ؟ كيف تقضى يومك وطبعا متحكيش عن يوم الخميس ولا الجمعه ؟

hala_2007 · #**166** 27-12-2007

لما زوجك بيثور بيكون رد فعلك اية

om adam · #**167** 28-12-2007

السؤال هل تعملى ؟ كيف تقضى يومك وطبعا متحكيش عن يوم الخميس ولا الجمعه
أنا لا أعمل وأقضى يومى بين البيت وأدم ومبحبش الخروج فقليل جدا أنى أخرج ويوم الخميس والجمعه عندى عادى زى باقى الأيام يا أم ألاء يعنى ماعنديش حاجات محدده أعملها كل أسبوع وأنا عامة ما أقدرشى أرتبط بمواعيد لأنى كسوله وكمان أدم زودنى كسل أنا نفسى أعمل حاجه مفيده وأستفيد من دراستى بس المهم ده لا يؤثر على بيتى وجوزى وابنى

om adam · #**168** 28-12-2007

لما زوجك بيثور بيكون رد فعلك اية..
أنا زوجى قليل جدا أن يثور واذا ثار فى مره ده بيكون بسبب عصبيتى أنا بس هو عنده أسلوب أخر غير النرفزه والعصبيه وهو الهدوء الهدوء فتخيلى بقى يا لولو ..