[ام عمر المصرية]

عندى فضول 0 ليه مش عارفة 0 اعرف كل فتوكة بتنظف البيت
بنفسها ولا بتجيب خادمة تساعدها و انا ابدا بنفسى
انا بحب اعمل جميع شغل البيت بنفسى لانى بحب التنظيف ونوع من الرياضة
وتحريك الجسم يلا مستنية تردوا عليه ؛؛؛

[preatywoman]

لا انا بنضف بيتي بنفسي وحتى لما بكون هعمل تنضيف جامد برده لوحدي
مش بحب حد يعمل معايا حاجه بس في الاخر بقه ببقى عايزه ادخل اي مستشفى للاستجمام هههههههههههه تسلمي على الموضوع

[أم مريم]

انا عن نفسى بنضفه بنفسى مدخلش واحدة غيرى فى البيت ابداً
جبت بس واحده تنضفه و انا بوضب الشقة قبل الجواز بس و مرة واحده فى الاخر خالص

[Hanan Fouad]

انا كمان بنضفة لوحدى لان بحس اللى بتدخل البيت مش بتنضف كويس ولازم تكسر يا تبوظ حاجة والحمد للة بشهادة الجميع ست بيت شاطرة

[ام بسنت]

انا كمان بنضف لوحدى ومحدش حيخاف على حاجتك غيرك
مشكوره

[ام عمر المصرية]

شكرا بريتى على مرورك والاعتماد على الله ثم انفسنا افضل طبعا

[ام عمر المصرية]

وشكرا ام امريم على مرورك وانا كنت اجيب واحدة تنظف وانا حامل فقط
وكانت شاطرة وتعلمت منها حاجات كتير بس صعب تلاقى حد عنده ذمة

[ام عمر المصرية]

فعلا حنان ما فيش حد من الخادمات بتنظف كويس زى ست البيت
عايزه تخلص وتشوف اكل عيشها هنا وهناك وشكرا لمرورك

[ام عمر المصرية]

شكرا ام بسنت على مرورك وصح محدش يخاف على البيت الا صاحبته

[ام سعيد]

واْنا بنظف بيتى بنفسى لاْنى جربت الشغالة مش بتنظف بذمة اْوى لازم تعيدى وراها

[شوشو2005]

كلامكم كلكم جميل بس عايزة اسئلكم بصراحة لو الظروف المادية مسعداكم هتجيبو خدامة ولا لاء
معظم الستات فى مصر بتشتغل وتيجى هلكانا وبرضة بتعمل شغل البيت اما بتيجى من الوظيفة لييييييييييييييييييييييييييييية
وما حدش بيرحم لا الزوج و لا الاولاد

[a_raafat]

مفيش احلى من انك تنظفى بيتك بنفسك وبعد ما تخلصى تشوفى البيت ببيبرق من النظافه واهم حاجه وانت بتعملى كل ده تحتسبى عملك عند ربنا
اما بالنسبه لسؤالك ياشوشو عن نفسى لو الظروف الماديه كويسه برده مش هجيب خدامه مش بخل انما انا اعرف ناس عندهم خادمه وهى اللى بتعمل كل حاجه لحد ما الاولاد اتعودوا عليها ولما يسافروا او يخرجوا لازم تكون معاهم لان الاولاد بيحبوها
وبعد كده تكون الام ملهاش لزمه ، انا عمرى ماهجيب خدامه وهفضل اخدم جوزى وولادى لاخر لحظه فى عمرى ان شاء الله

[ام عمر المصرية]

مشكورة ام سعيد لمرورك
مشكورة شوشو لمرورك انا عن نفسى لااحب اجيب خادمة حتى لو الظروف مساعدة
ومشكورة a raafat لمرورك وحقيقى مافيش احلى من ان الواحدة تنظف بنفسها
وكله ثواب واجر كبير عند ربنا بشرط الاحتساب معك حق
وشكرا لكم جميعا لتفاعلكم مع الموضوع

[هبة فؤاد محمد]

انا بحب انظف البيت بنفسى بس اكون لوحدى من غير اولاد بس كل فترة بجيب شغالة تعمل الحاجات اللى مش بقدر عليها زى فك النجف

[المؤمنة]

انا نفسى انظف البيت بنفسىمن غير شغالة لما بعمل ده لوحدى احيانا ابنى بيضايقنى والحاجة الى تتعمل فى ربع ساعة بتاخد منى وقت طويل علشان كدة بجيب شغاله انا عارفة ا ن ده عاوز عزم اكثر منى ادعولى وشكرا على هذا الموضوع الجميل

[أم لوجى و ملك]

انا كنت بجيب شغاله تساعدنى بس هى مشيت من نفسها
وبعدين مفيش حد كويس عشان كده انا حاليا بعمل كل شىء بنفسى

[nehad]

أنا كنت بحب أعمل كل شئ بمفسي في البيت
بس بسبب ظروفي دلوقتي بجيب شغالة كل أسبوعين تنضف البيت

[heba saad]

انا كمان بعمل شغل البت بنفسي
بس مش بحب حد يكون معاية من اخواتى ولا ماما وبابا عشان اقدر انضف بزمة
بس بصراااااااااااحة لو في مجال انى اجيب شغالة هجيييييييييييب شغاااااااااالة

[ام عمر المصرية]

شكرا لكم حبايبى
هبة فؤاد
المؤمنة
ام لوجى وملك
نهاد ويارب تقومى بالسلامة وترجعى تنظفى بنفسك
هبة سعد
ومشكورين جدا على مروركم

[ريري]

انا كمان باجيب حد ينضف كل اسبوعين وانا كل يوم بامر على الشقه وباعمل كتيييير
بس وجود حد يشيل الشقه من وقت لاخر ضرورى جداااااا
لانها بتغسل الشبابيك وممكن تغسل السجاد وتطلع على السلم لتنظيف سيراميك الحمام والمطبخ.....فى حاجات كتيره لا استطيع انجازها فى وجود تلات اطفال..!