[فرحه]

انا كمان بنضف البيت بنفسى ولا احب حد غريب
يعملى حاجه ده اضمن وبعدها صحيح بكون عايزة اسعاف ههههههههه
بس بحس براحه نفسيه جدا

[ام عمر المصرية]

مشكورين حبيباتى على مروركم
ريرى لو اطفالك صغيرين فعلا شغل البيت بيبقى صعب جدا
فرحة وانا كمان بحس براحة نفسية كبيرة برغم التعب

[hala_2007]

صراحة بنظف لوحدي بس هو غسيل السجاد هو اللي بجيب حد عشان يغسلة لاني صراحة مبقدرش اعملة بنفسي اما الباقي فلوحدي

[eltourky]

انا طبعا كله لوحدي
الشغاله مش بس ممكن متعملش بضمير
كمان فيه شغالات بيتحسروا ع حالهم طول ماهم بيشتغلوا
ونظراتهم مبتريحش
طب و ع ايه
ربنا يعطينا الصحه

[مدام ديدى]

انا بقه دوبت من موضوع الشغالات كل ماجيب واحده اقعد اعيد وراها
والاخر اعمل انا وهى تتفرج على اصلى انا مش بيعجبنى شغلهم
بس لما بيجوا بيشجعونى ههههههههههههههههههههه طب والله بتكلم بجد
وبعد مااجيب واحده بندم واقول طب ليه معملتش لواحدى بس باالى مده
بنضف لواحدى علشان بصراحه زهقت كل اجيب واحده واقعد اعمل وراها
اخذت قرار انظف بنفسى بس انا عندى اولاد مش بنات مطلعين عينى ومش ملاحقه عليهم ادعولى

[ام عمر المصرية]

شكرا حبيباتى على ردودكم
هالة هو غسيل السجاد متعب فعلا علشان كده بغسله مرة فى السنة فى الصيف
التوركى معاك حق كلهم بيدخلو البيوت يحسدوا ويقروا ويتحسروا على حالهم
مدام ديدى الله يعينك ويقويك على الاولاد تربيتهم متعبة وربنا يخليهم

[ناننو]

انا بقى بصراحه ماليش في التنضيف وبجيب شغاله يوميه وأخر شغاله عندي اكتشفت انها """ مش ها تصدقوا """ طلعت ليسانس حقوق وقالتلي ان شغل البيوت اكسبلها من اي شغل تاني ومن ساعه ما عرفت وانا مش عارفه اتعامل معاها ازاي ... كمان اكتشفت ان الست اللي بتعملي سوييت كانت مدرسه كمياء ومعاها بكارليوس تربيه وسابت التدريس لنفس السبب ... طب والله دا يبقي اسمه كلام؟؟؟

[ام عمر المصرية]

مشكورة ناننو على مرورك ماهى الحاجة وقلة الفلوس تخلى الواحد يقبل باى شغل و
كده اكسبلهم بكتييييييير عامليهم عادى وباحترام والله مش عارفة اقولك ايه ؟

[أم ايثار]

انا بنظف بنفسى والتنظيف الجامد بيكون معايا ماما وشكرا على الموضوع

[مرام]

وليه مفيش احلى من شغل الروح للروح
انا عنى مستحيل حد ينظفلى البيت غيرى حتى ولو اختى ذوقى انا احلى
بس بحاجة واحدة التسريحة بسراحة بحب غيرى يعملها علشان انا عندى ماكياج كتير بحب غيرى يعملها علشان تفتح نفسى انى افضل واقفة قدامها

[همسة قلب]

مفيش احسن من شغل البيت بس لما تكون الغزالة رايقة

[ام عمر المصرية]

شكرا حبيباتى
ام ايثار مرام رحاب
على مروركم الغالى

[نسرين احمد عوض]

انا كمان بنظف بيتى بنفسى بالرغم من انى بشتغل وعندى 3 بنات صغيرين واخدين وقتى كله لكن بعد مبخلص طلبات الاولاد بقوم على البيت يوميا وممكن انام 3 الفجربس بكون خلصت كل اللى ورايا من طبيخ ل غسيل ل ترتيب الاوض ل عمل الحمام وتشطيب المطبخ و كنس الشقة كلها وتطبيق الغسيل وكل يومين تنظيف الثلاجة ويوم الجمعة والسبت الاجازة بطلع فرش السراير كله فى الشمس طول النهاروبصراحة بجيب واحدة تنظف معايا على المناسبات الكبيرة فقط زى العيد الصغير والكبير ورمضان ودخول فصل الشتاء وعلى المدارس علشان بقلب البيت وبعمل ادق التفاصيل فلازم حد يساعدنى لانى مبقدرش اصد لوحدى

[ام عمر المصرية]

مشكورة نسرين على مرورك وربنا يعينك ويقويك

[ام عبودي و ديدو]

الاول كنت اجازة و بانضف بنفسي لكن مع الشغل و الاولاد و المدرسة
مش باقدر بصراحة و لازم اجيب حد ينضف و الحمد لله في منتهي النضافة و الامانة بتعمل زي بيتها بالضبط و انا ما باقفش معاه و لا براجع وراها

[ايمان فريد]

وانا بعمل شغل البيت بنفسى

[ام عمر المصرية]

مشكورة ام عبودى
ومشكورة ايمان
شكرا لمروركم ونورتونى

[ام ميداء]

انا الحمد لله22 سنة جواز مدخلتش شغالة بيتى
الموضوع مش ماديات -انا بكون سعيدة وانا باخدم بيتى
وولادى

[ام عمر المصرية]

برافو عليكى ام ميداء ده نفس تفكيرى والله الحكاية
مش مسالة مادة ولكن حب خدمة الاولاد والزوج
وربنا يخليكى ويحفظك لهم

[goaerea]

بصو بقى انا اخدت موعظة من تاس كتييييييييييييييير امهات اصحابى و امى ز الناس الكبيرة قبل ما اتزوج انى اوفر صحتى للكبر علشان لما اهلك نفسى فى شبابى كلة بيعةد على الكير الست بتبقى خربانة و مبتقدرش تعمل اى حاجة فى حياتها و شغل البيت عمرة ما كان رياضة ابدا و احفظى صحتك علشان نفسك و ولادك و زوجك و حياتك الى جاية و اشترى نفسك انا بنضف الحاجات الخفيفة بس و التنضيف الجامد لازم واحدة تيجى تساعدنى مش تعمل الحاجة و انا انا اعدة لا لازم علشان متعملش الحاجة و ارجع اقلها عيدى