[ام عمر المصرية]

كل الشكر على مشاركتكم اخواتى
ام احمد ايهاب وانا كمان باشترى كل طلبات البيت وربنا يعيننا وكلنا خدامين فى
بيوتنا ح نعمل ايه
شيماء رمضان والله كانك بتتكلمى عنى انا كمان ماما عودتنى على شغل البيت من صغرى لانها كانت موظفة فكنت انا واختى نساعدها فى شغل البيت وكنت برضه
اقول يا بخت اللى مدلعين لكن لما كبرت حمدت ربنا
ريتا ميشيل دمك زى العسل انتى وجوزك وربنا يديك الصحة وانتى اللى تخدميه
ومشكورين جدا نورتونى

[محبة الخير11]

انااحب انظف بيتي بنفسي واستمتع كمان لكن من اربع سنين استقدمت شغالة .(قالوا ايه اللي اجبرك على المر قلت اللي امر منه)

[سحر88]

أنا بحب أعمل كل حاجة بايدى

[سولي]

أنا بصراحه عندى شغاله بتيجى كل يوم لأن البيت كبير على وماأقدرش أخلصه كله فى يوم واحد بس بصراحه أنا بأشتغل معها وبأتعب جدا بس بأضمن أن البيت يكون نظيف على طول لكن كله الا الأكل انا أعمله بنفسى.

[m_maha]

انا بقى ادعولى بقالى اسبوع بنظف فى البيت لوحدى والبيت كبير وشغله كتير غسلة البطاطين والستائر وكسوة الانترية والصالون والسجاد والمفارش والموكيت والورد والبوكيهات ومفيش حتة فى البيت لما نظفتها وبقيلى الحمامات والصالة والمطبخ والمنور ومش عارفة انام من التعب .........وجعت دماغك

[شكران]

الواحد بصراحه بيلاقي متعه وسعاده وهو بينضف شقته بنفسه . بس ف ظروف الحمل باجيب واحده وبافضل واقفه علي إيدها لانها من نفسها مش هاتعمل اللي الواحد عاوزه ......وربنا يدينا كلنا الصحه والنشاط ونعمل كل حاجتنا وحاجه بيتنا بنفسنا

[ام عمر المصرية]

مشكورين على مروركم ونورتوا الموضوع
محبة الخير معلش ظروف الحياة بتحكم والله يعينك
سحر 88 وانا كمان
سولى معك حق كله الا الاكل
مها لا ابدا حبيبتى ربنا يعينك وانا كمان هاعمل التنظيفة الكبيرة دى بعد الامتحانات
شكران امين يارب يدينا كلنا الصحة
مشكورين حبيباتى

[بسملة]

انا بحب اعمل شغل البيت بنفسي حتي وانا حامل

[ام عمر المصرية]

مشكورة بسملة على مشاركتك وربنا يعينك ويقويكى

[ام الاولاد]

انا كمان بنظف لوحدى ولكن بحس انى محتاجة حد يساعدنى لانى عندى ثلاث اطفال عمرهم اقل من 5 سنوات

[لولينا]

انا بنظف بيتى بنفسى لان ما حدش هيحافظ على حاجتك ادك

[ام عمر المصرية]

مشكورين على مشاركتكم
ام الاولاد
لولينا

[n.e.h.e.a]

طبعاً كل واحدة لازم تنضف بيتها بنفسها
لأن الشغالات مش بتخاف على الحاجة زى ست البيت
وكتيييييييييير قوى من ستات البيوت اللى بتجيب شغالة
بتضطر بعدها تعيد تانى التنظيف وراها
بس ممكن لو الظروف المادية تسمح بإنك تجيبى واحدة تنضفلك البيت
تعتمدى عليها تشيل الحاجات التقيلة عليكى وتساعدك فى تحريك الاثاث
وتكونى معاها خطوة بخطوة فى التنضيف علشان اى تقصيير توجهيها على طول
بس الاحسن طبعاً أخدم بيتى بنفسى
دة بيبقى ليه طعم تانى حتى بعد التعب الكبير بتحسى بارتياح لما تلاقى بيتك نضيف وإنك عملتى كل دة لوحدك من غير مساعدة
وبيزيد ثقتك بنفسك وقدراتك وحب زوجك واولادك
وتقديرهم للمجهود الكبير اللى بتعمليه علشان كدة لازم تعودى اولادك وجوزك إنهم يساعدوكى فى شغل البيت علشان يحسوا إن البيت مش بيبقى نضيف بسهولة وطبعاً هيحافظوا على نضافتوا لما يعرفوا هو اد إيه متعب

[ام عمر المصرية]

كل الشكر على مرورك ونورتينىn.e.h.e.a

[um_tareq]

مرحباااااااااا أم عمر

أنا بنضف بيتي بنفسي

بصراحة مو محبة بالشغل بالبيت... مجبر أخاك لا بطل

بصراحة شغل البيت و لأني موظفة بياخد وقتي كله - نوادر ما يضل عندي وقت حتى أعمل أشياء أنا بحبها و نادرا ما أطلع من البيت

و أنا زوجي متفقين لما الله يفرجها علينا شوي راح أجيب خدامة من اندونيسيا أو ماليزيا
بتعب معهم أول شهرين -و بعدين برتاااااااااااااااااح

و بفضى لحالي و لزوجي و لأبني و لموقع فتكااااااااااااااااات

[ام عمر المصرية]

مشكورة ام طارق على مشاركتك وربنا يعينك على العمل وشغل البيت

[shitos_lovely]

انا عن نفسي في البيت الفتره دي انا واختي اللي بنظف الشقه
وبصراحه اختي هي اللي عامله اكتر
ومرسي على الموضوع ده

[ام عمر المصرية]

شكرا يا قمر على مشاركتك

[كادبورى 81]

انا بنظف بيتى بنفسى وبيبقى احساس جميل قوى لما تخلصى وتشوفى النتيجة بنفسك وبعدين تاخدى دش وتعملى شاى وتقعدى تشربية قدام فتكات يا سلااااااااااااااااااام

[وردة الامل]

انابنظف البيت بنفسي لاني مش واثقة في اي خادمة انها تنظف كويس