[يويو%]

السلام عليكم ورحمه الله وبركاته

ازيكوا يا احلى فتوكات ؟؟
ان شاء الله يكون الجميع بالف خير وصحه
متطلعوش غير لما تدعولى وتقيموا وتقولولى رايكوا لانى تعبت فى التصوير وتصغيير الصور ورفعها والكتابه
حبيت اوريكوا ادوات الميك اب بتاعتى اللى بستخدمها لما اعمل ميك اب
بالاضافه انى هوريكوا لوك بمبي فى ازرق

يللا نبدا بسم الله,,,,
________________________________

دة كونسيلر من اورفيلم حلو بس مش بستخدمه ((محدش يسالنى عن سعرة لانى فاقدة الذاكرة))




ودة كريم اساس بردو نفس الكلام فاقداها .....الذاكرة



ودة ايلينر....



ودة ايلاينر ابيض جمييييييييييل اوى::



ودة ايلاينر اسود من 4 xl رائع ثابت جدا::



ودى ماسكارا سوداء جميله::


ودى ماسكارا زرقاء بردو حلوة ومميزة فى العين::



ودول من اليمين ايشادو ذهبي فاتح جدا بستخدمه كاضاءة تحت الحاجب او كتثبيت للايشادو +قلم بونجور اسود+الايلاينر+الماسكارا


ودول الازرق دة لونين فضى واسود والتانى بنى لتحديد الشفايف::



ودى فرشي المتواضعه من اليمين (فرشاة تمشيط الحواجب+الفرشاة المشطوفه لرسم الايشادو لخط الرموش السفلى (انا اللى قصيتها كدة)+فرشاة عاديه بخفف بيها من حدة الالوان+فرشاة البلاشر...



ودى رموش صناعيه حلوة ب 20 جنيه::



نيجى للبلاشرات معنديش غير 2 بصراحه دة الاول::

كلمه راااااااااااائع قليله عليه بجد روووعه بيدي للخد لمعه لممثلين فيه 4 الوان دة وهو مقفول::



ودة وهو مفتوح::



ودة بلاشر الكور حلو بردو ((بحب البلاشرات تكون بمبي بحيث انها بتبين الخد محمر طبيعى الحمرة الطبيعيه لخدود الفتاة الخجوله))




نيجي بقى للارواج والملمعات......

دول الاتنين رااائعين ولونهم بينك بس فى واحد اغمق من واحد ابو غطا كحلى اغمق من التانى وانا بحب ابو غطا رصاصى بصراحه راااااااائع زى اللى بتحطه (سمر) بتاعه العشق الممنوع::



دول ملمعات من اليمين( اورانج +بينك رائع+بمبي جاى على فضى مش بحبه)



دول بقى الارواج معظمهم من السعوزديه وغوامق واحمرات ونبيتيات مع انى والله مش بحب الروج غير يكون بيدى حمرة طبيعيه يعنى اقل من خفيف بس هبله وبردو بشترى
من اليمين
((ابو غطا اسود دة بمبي+اللى وراة اللى بغطا اخضر بنى محمر+اللى جمبه اخوة اللى بغطا اخضر بتنجانى جميل+اللى تحتيه احمريكا+ابو غطا كحلى دة ملمع غير اللى قبل كدة دة فوشيا غامق+اللى تحت رجله موف+واللى جمبيه اللى نايم ملمع موف فاتح+اللى جمبيه اللى غطاة مرمى جمبيه ولونه ابيض دة لونه نبيتى غامق جدا))



ودول الوانهم على ايديا (( دى ايديا على فكرة مش ودنى))


تابعوووووووووووووووونى لسه

[يويو%]

ها نكمل بسم الله

دى بقى الايشادوها ااااااااااااااااااات ((هات ايه طيب وانا اديلك على طول؟؟؟؟))

دى علبه ايشادو مش عارفه كم لون انتوا عدوا مكسله بجد اعدبهم بس الوانها رائعه هى كريمي::



دى بردو عليه ايشادو فى الوان كتير اختى اتبرعتلى بيها قريب عشان مش بتستخدمها فادتهالى وانا كمان مش بستخدمها لانى مبحبش علب الايشادو اللى فيها الوان كتيرة بحس ان تفكيرى وتركيزى بيتشتت ::


دى بقى حبيبه قلب تيته ((للى هى انا))
معروفه طبعا الوانها ثابته كريمي ب 10 جنيه والوانها حلوة خصوصا الاسود::


دى عليه صغيرة ايشادو مات ((الله يرحمه بقى))



وهى مفتوحه:


ايشادو كريمي لمعته حلوة بستخدمه كاضاءة لعظمه احاجب:


علبه ايشادو اخضر غامق جميله فيها لمعه ذهبيه لذيدة ب 5 جنيه::




ايشادو بردو مات الله يرحمه مفيهوش لمعه اخضر فاتح وبنفسجى وازرق فاتح
دة لوس ايشادو سايب


دى علبه ايشادو الوانها ترابيه رائعه بردو مات تبفع للميك اب الصباحى::



وهى مفتوحه احلى حاجه الاسفنجات بتاعتها تحسيهم بينطوا لورا::



دى ايشادورهات من اليمين((بمبي+ازرق+فزدقى عامل زى الروج))



الوانهم على الايد::



دى بقى جليترات للعين على هيئه ارواج جميله من اليمين((ذهبي فظيييييييييييييييع رائع جد +احمر+بنفسجى+اخضر))
دول بقى للزوج فقط للهشك بشك والغلبان اللى لونه بيج دة ايلاينر


على الايد



من اليمين((بلاشر+ايلاينر فيه برونز ازرق+ماسكارا جميله جدا بجد))



ايشادوهات معروفه اللى فيها جليتر دى العلبه الصغننه ب 10 جنيه:



دى نفسها بس الكبيرة فى المناسبات صراحه بتدى ضى جميييييييييييييل

دى فيها 0 لون ب 23 جنيه::



استنوووونى يتبع اخر مرة.................

[يويو%]

هانت يافتوكاتى واللوك جاى.....

دى بقى المونكيرات مبحطش منها ابدا غير فى اوقات الفراااااغ وانتوا فاهمين هىهىهىهى

من اليمين((ابيض فيه لمعه فضى+احمر+نبيتى غامق+بمبي على بنفسجى كدة حلو+فضى)



ودة على الايد محدش يترق عارفه انهم مازعرين::



وكريماتى::



واخيييييييييييييييييرا اللوك
الوانه بقى ايه؟؟؟
بمبي فى زاويه العين الداخليه وفى طرفها الازرق ومن فوقيه بمبي غامق وجمبيه ذهبي غامق::











ودة فى ضوء الشمس::



بس عارفه انه موضوع طويل وممل بس يارب يكون خفيف هليكوا وغلس وجميل وكدة يعنى

اى استفسار انا هنا
تحياتى يويو

[هفضل احلم لحد لما الحلم يتحقق]

مجهود رائع بس انتى دماااااااااااااااااااااااااااااااااااااااااااغ

[sosoolove46]

كمليييييييييييييييييييييييييييييييي

[عطر الجنه الفواح]

معاكي يلا

[اميره حبيبى]

حلوين ياقمرايه
تعالوا يافتوكات دردشوا معنا http://forums.fatakat.com/showthread...1#post29591399

[ww_kk]

ربنا يسعدك

[نور الشمس 20]

كملى ياموزة
انتى شغلك حلو اوى اصلا وانا متبعاكى

[توووووتة]

حلوووووووووووووين اووى يااحبيبتى