البشرة اهم شئ للبنات

ساسووو · #1 1-4-2008

هاى يابنات ازيكم انا ساسووو وعندى وصفات للبشرة جميلة وانا مجرباها و فعلا بتجيب نتيجة زى مثلا مسك الخميرة هاتى خميرة من اة فرن بتاعة العيش الفينو وحطى عليها حبة لبن وقلبى كويس لحد ما تسيح وبعدين حطيها على بشرتك و خليها لغاية ما تقشر لوحدها وابداى افركى فيها ونزليها و بماء دافئ اغسلى وشك و بعدها امسحى وشك بماء ورد وهتحسى بالنتيجة _____ ولو عايزين وصفة كمان دية وصفة هايلة صفار بيضة واحدة وملعقة صغيرة من زيت الزيتون و 5 نقاط من عصير الليمون واخلطيهم كلهك وادهنى وشك بيهم وشوفوا الفرق وقولولى انا جربتها طبعا ولو عاوزين حاجة اسئلوا انا خبيرة فى الحاجات دية وكمان فى لبس جميل

أمولة · #2 1-4-2008

سلمت يداك 000

ام بسنت · #3 1-4-2008

مشكوره تسلمى

a_raafat · #4 1-4-2008

جزاك الله خيرا

مرمريكا · #5 1-4-2008

ميرسى ياجميل

roia · #6 1-4-2008

ميرسى ياساسو على الوصفات الحلوة زيك وانا فعلا مجربة ماسك الخميرة وحلو اوى
تسلم ايدك

ساسووو · #7 1-4-2008

مرسى جدا يا بنات على الكلام الجميل دة وعندى وصفات للبشرة تانى جميلة جربى هاتى قطنة و بلليها باللبن بس مش كتير حبة صغيرين جدا و مشيها على وشك ياريت لو معلقة واحدة بس لبن لانى حرام طبعا الللبن يتعمل بية كدا و ممكن مسك البيض طبعا هتقولة اف اية دة دة رحتة وحشة انا عارفة بعد ما تعملية هاتى ماء ورد و امسحى بيها وشك خلى بالكم يا بنات مفيش داعى تروحى لكوافير الوصفات الطبيعية احسن كتير

ساسووو · #8 1-4-2008

انا ليا طلب بس يا بنات متنسوش تدعولى ربنا يوفك بينى انا ومحمد على فكرة انا اسمى سالى ويتم الخطوبة على خير نفسى يا بنات بجد و لو تمت انشاء الله هقولكم القصة كلها من بدايتها بس ادعولى بجد

roia · #9 2-4-2008

ربنا يوفق بينك وبينه يارب ويتمم الخطوبة بخير وتكونوا من نصيب بعض ويكون ليكم خير فى بعض

ريحان · #10 3-4-2008

مرسى على الوصفات الهايلة انا عندى مشكلة فى حبوب موجودة فى ظهرى ممكن تساعدينى بجد المشكلة مضيقانى جدا ويارب نفرح معاكى بالخطوبة قريبا واتمنى ان نكون اصدقاء مع حبى ليكى ياقمرررررررررررررررر ابتسامات

ساسووو · #11 4-4-2008

ازيك يا ريحان بصى جربى انك تستعملى صابونة طبية و ياريت تستبعدى الليفة شوية لحد ما تروح الحبوب دية واى صابون فى مواد كاوية وجربى الخميرة بس عدة مرات وانشاء الله هتجيب نتيجة هايلة وانتى وبتنشفى ظهرك بلاش بفوطة خشنة خليها بفوطة نعمة عشان راس الحباية متتشلش لانها لو اتشالت هتسيب علامة وتحياتى لكم

ساسووو · #12 4-4-2008

وعندى ليكم مسك تانى بدل الخميرة لتبيض البشرة لانى فى ناس ممكن تقولك لا الخميرة لا المهم هو دة 3 معلاق دقيق وكمية مناسبة للدقيق من اللبن و ملعقة اوكسجين صغيرة وعصير ليمونة واحدة بس وتسبية لمدة 20دقيقة وتغسلية بالماء الدافئ بس البشرة الحساسة بلاش المسك دة