[شيرين سامي]

ارجوكم ساعدوني عندي طفل عمره سنتين ونصف وفاقد شهيته تماما ماذا افعل ارجوكم . هل من نصيحة فانا ليست لدي خبرة بتربية الاطفال . ساعدوني ارجوكم

[مرمريكا]

شيرين فى اطفال كتير من النوع دة
انتى جربتى معاه كل انواع الاكل ولا اية
غعلى العموم فى فاتح للشهية للاطفال دة امن جدا ومتخفيش منه
لو بردة معملش نتيجة يبقى لازم يروح للدكتور هو حيعرف يكتبله عى فاتح للشهية او يقولك تعملى معاه اية
يارب اكون افدتك

[شيرين سامي]

ممكن تكتبي لي اسم فاتح الشهية

[رونا]

إنتى جربتى معاه كل الطرق ؟؟

أنا بنتى كانت كده

وبعد كده بقيت أقطع ليها الفواكه قطع صغيره فى طبق وأحطها على السفره

وبدأت بالتدريج تروح وتيجى عليه وتاكل

الطفل فى السن ده مش بيحب حد يجبره ياكل.. صدقينى الطريقه دى بتجيب نتيجه حتى لو أكل حاجه بسيطه

والفواكه فيها فوائد كتير وفاتح للشهيه طبيعى

زكمان حاجه إكتشفت بنتى لما أعملها أكل لوحدها مش بتاكل .. لكن لما نقعدها معانا على السفره بلاقيها بتاكل وبتتشجع

وإنتى متخلهوش ياكل شوكولاته وحلويات مصنعه لأنها بتقلل شهية الطفل للأ


و أفضل حل بعد كده لو جربتى معاه كل الطرق

فاتح للشهيه

بس الأفضل يا أختى تروحى لدكتور ويكتبهولك

وياريت مش يتعود عليه

وإن شاء الله ياكل كويس ويبقى أحسن

[ريري]

ماتخافيش الظاهره ديه موجوده عند اولادنا كلهم فى هذا السن
وانا لما مريت بهذه المرحله مع ابنى ..اول دكتور قال لى اعملى طبق الاكل وكل ما يعدى عليكى اكليه ...والتانى قال لى هو عنده اخوات ؟ قلت له لأ ..قال لى هاتى له اخوات وهو هاياكل معاهم ويبقى زى الفل...بجد حصل مش باهزر

[ALZAHRAA]

اولا حقوللك عدة نصائح اولا احضرى اطباق ذات الوان ورسمات وكده وضعى فيها كميات قليله من اكل بيحبه واحضرى لعب ودبديب واخلقى جو من المرح وحاولى تمثلى انك تاكلى احد الدباديب واعملى تصقيف جامد لكل معلقه وحاولى تجبيله مفاجئه بعد الاكل تديهالو وهكذا وجربى وقوللى رايك

[rehab]

بصي في فاتح شهيه أنا جبته لأبني وكان كويس هو أسمه تريزوركس
جربيه أن شاء الله نفسه تتفتح للأكل
وأعمليله الأكل اللي هو بيحبه ده أهم حاجة

[أم لوجى و ملك]

اديله فاتح للشهيه اسمه تريزوريكس فورت

[Hanan Fouad]

واللة انا كنت كاتبة عن نفس مشكلتك ما تحاوليش تغصبية على الاكل وهو هيبقى كويس وكل اللى قالوة الاخوات صحيح وفاتح الشهية اللى قالتلك علية رحاب وام لوجى حلو
وفية كمان ميسجور بطعم اليوسفى حلو برضة وربنا يخليهولك

[eltourky]

هو فعلا اهم حاجه متاكليهوش لوحده
انا بنتي كانت كده وغلبتني كتيررررر
دلوقت لما اختها الصغيرة بدات اكلها معاها
نفسها اتفتحت للاكل وبعمل مسابقه لما خلصت قبل اختها
واعملي فواكه كتيرررررررر مشكله مفيده وهتفتح نفسه
كمان اعملي عصاير كتير وحلو قوي الجزر المسلوق واطحنيه ف عصير البرتقال
هيفتح نفسه احسن من فاتح الشهيه

[كنزة]

إذا كان طفلك بصحة جيدة، ولا يشكو من أي أعراض أخرى، فأتركيه فترة طويلة (أكثر من ساعتين) ولا تقدمي له أي شيء فهو حين يجوع سيأكل ولا تلحي عليه وأنصحك بعدم استعمال أية أدوية فالطفل إذا أراد الأكل فسيأكل راقبيه دون أن تحسسيه بذلك، أتركي له حرية اختيار طريقة الأكل، أو دعيه يشاركك في تحضير الطعام و اسأليه عن رأيه هل أعجبه الطعام أو لا، وما رأيك في المرة القادمة سنعد أكلة أخرى وأذكري له مكوناتها وأشكريها له وصفي له طعمها فهو سوف يطلب منك إعدادها وهكذا دعيه يجوع ثم حدثيه عن الطعام ودعيه يشاركك في إعداده وسوف ترين النتيجة فهذه طريقتي في تربية ابني وهي فعّالة جدا بالنسبة لي والله يعينك.

[أمولة]

والله الاخوات ماقصروا بالنصائح والله انا اولادي بقومهم عن الاكل االانهم نفسهم مفتوحه على الاكل 0000