[ساسووو]

هاى ما نتكلم على الحب حاسة انكم متجاهلين الموضوع دة اوى بس فى بنات كتير محتاجين نتكلم فية سواء كان عن جرح او حب او خيانة وانا تحت امركم فى اى سؤال او اى حاجة عاوزنها بس فعلا دة من الموضوعات المهمة جدا

[soso_100]

يلا نتكلم ونقول وانا كمان معاكى

[eltourky]

الحب احلي حاجه ف الدنيا
حب الله ورسوله
زوجك -اولادك-اسرتك-كل المسلمين
مفيش احلي من الحب ف الله
اما حب راجل وست مفيش احلي من الحب ال يكون ف اطار شرعي
ومفيش اصعب من غدر وخيانه ال تحبه

[نادو]

يابنتى احلى حاجة فى الدنيا الحب بس اما يكون مبنى على اساس صح ومش مبنى على كدب وغش وخداع هتحسى بحلاوتة

[ساسووو]

مرسى جدا لمشاركتكم معايا كلامكم صح بس فى ناس مشبنفهمهم فعلا ويبقى بيقولوا كلام حب كتير بس تقدرى تعرفى دة بيحبك ولا لا معلش يابنات لو بتكلم كدا بس بتكلم الواقع دلوقتى وانا اولهم اتخدعت فى انسان اة انا فعلا عرفت بنفسى انة كداب بس فى غيرى مش بيعرف وانا مقولتش انى الحب فى الله منتكلمش علية بس دة جوة قلوبنا كلنا انا بتكلم على الواقع هنفضل نقول حب فى الله مقولناش حاجة بس نشوف البنات التانية اللى محتاجين حد معاهم ولا نفضل نقول كدا لغاية ما واحدة ن البنات واحد سورى يعنى يلعب بيها ولا يضحك عليهاونيجى فالاخر ننصحها

[eltourky]

بصي هو احنا مش هنقدر نمسك قلوب البنات ونمنعها من الحب
دي مرحله اساسيه ف حياة كل مراهقه وبتندم عليه بعدين
لو كل بنت عرفت ان الحب له اساسيات مش هتغلط
لانها هتبرمج مشاعرها ع كده
بصي انا بقيت اقول لنفسي متحبيش غير ال هيكون خطيبك
مبقيتش اسيب مشاعري كده ع الفاضيه والمليانه
لان ال هتسيب نفسها تحب زميلها-جارها -000000
الشيطان هيسلها حاجات كتير محرمه
هيقولها مش عيب لو كلمتيه-ميهمش رساله واحده -طب مقابله دا انت بتحبيه
وهكذاااااااااااااااااااااا
لحد مايجي وقت الندم لا يطلع كداب وبيلعب بيها
يا يكون نيته سودا
بصي الحلال بين والحرام بين وبينهما امور متشبهات
هنقول الحب مش حرام وبعدين نعمل الحرام
وع فكرة الحرام بيبدا باول كلمه او نظره

[ساسووو]

انا معاكى فى كلامك بس مش كل البنات هنروح نقولهم كدا ومش كلهم بيقتنعوا بكدا انتى واحدة عارفة ربنا كويس فى بنات تانية مش متدينين زيك وعاوزين يحكوا او مساعدتنا لانهم معزورين بردوا الحب بيجى لوحدة مش لية وقت

[raghoda]

والله يا جماعه الحب ده احسن حاجه فى الوجود بس للى يقدره انا عن نفسىمخطوبه
و خطيبى كان صديقى فى الكليه و مخلصه بقالى سنتين و نصف يعنى ارتباط 6 سنين و نصف و لو اقولكم على المشاكل اللى كانت بتحصل بينا ايام الكليه و سبنا بعض كام مره و رجعنا لبعض الحمد لله انا كل قصدى من الكلام ده اقول لكم ان الحب الحقيقى بيدوم مهما حصل ...
انا ماما كانت معترضه علي الارتباط ايام الكليه كانت بتفكر انه لسه مش متحمل مسؤليه بس الحمد لله ربنا كارمنى بأنسان راجل بمعنى الكلمه و لما ماما اعديت معاه ايام الكليه ماما رجعت من بره قالتلى ربنا يباركلك فيه و دلوقتى بتعتبره زى ابنها و اكتر ....و كنت انا اللى صح مش البيت لان فى حاجات انا لمستها فيه عرفتنى انه اد المسئوليه كفايه انه كان بيشتغل ايام الكليه عشان ميمدش ايديه ل بابه مع انه حالته الماديه جيده جيدا جيدا..
انا كل كلامى ده عشان اقولكوا ان مش كل ارتباط الكليه وحش بس يكون للبنت نظره فى الانسان اللى حترتبط بيه و اهم حاجه متخبيش على مامتها (انا خطيبى طلب منى ان اقول لماما اول يوم قالى فيه انه عايز يرتبط بيه و ده خلاه يكبر فى نظرى)و انه مش بيتسلى ...
انا عارفه انى رغيت كتبر و وجعت دمغكو
نصيحتى لكل بنت اتمسكى بالانسان اللى بتحبيه مهما حصل لو هوه انسان كويس بجد لان محدش حيعرفه اكتر منك ....
اتمنى ان كل انسانه بتحب ترتبط بالانسان اللى بتحبه ان شاء الله

[شوشو فانى]

انا مع ساسووو و raghoda وربنا يسعد كل البنات ياااااااااارب
وان الحب لازم نتكلم عنه وبصراحة ولو فى اى مشكلة مع اى بنت فى المنتدى اكيد حتحكلنا عنها وكلنا حنحاول نساعدها ونقف بجانبها فى حل مشكلتها لان فى بنات يامة بيحتاجو حد يسمعهم ويكلهم فى اى امر خاص بيهم وللآسف مش بيلاقو الى يتكلمو معه ومنغير كسوف وشكرا ليكى يا ساسووو انك اقترحتى موضوع غايب عننا كلنا وربنا يبارك فى كل عضوات المنتدى لان بجد بحس انكم اصدقائى وكلنا ايد واحدة ومعلش طولت عليكم .

[ساسووو]

مرسى على اية يا شوشو دة فعلا موضوع مهم وعلى فكرة انا نفسى محتاجة مساعدة منكم ولو روحتى الترحيبات هتلاقينى كاتبة هناك قصتى كلها والعنوان قولولى اعمل اية فى موضوع زى دة

[نيللى]

على فكرة الموضوع حلو جدا انا كمان مخطوبة لزميل ليا فى الكلية كنا مع بعض من اول سنة ارتبطنا بس من خلال البيت على فكرة بنتخانق كتير وبنزعل كتير بس عمرنا ماسبنا بعض ودة اللى انا عايزة اقولة لاننا مقتنعين ببعض المهم ان حبكوا لبعض بيشفع لة ولك فى حاجات كتير احيانا الخناقات مش بيحلها غير الحب واسترجاع اللحظات الحلوة اللى بينكوا وربنا يوفق الجميع وكل واحد ياخد نصيبة واللى فى بالة ولا اية

[مدام ياسر]

انا مع شوشوفانى ونيللى وساسوو ورغودة لان حتى لو انتى كنتى مقتنعة من جواكى انك مش هتحبى غير خطيبك اللى يتقدملك ممكن واحد تقابليه وتكون مجرد صدفة غريبة شوية تقربك منه ومشاعرك تتعلق بيه وتلاقى نفسك بتحبيه ودة اللى حصل معايا انا اول مرة اشوف فيها جوزى كانت صدفة غريبة اوى زى الافلام واتقابلنا كتير بعدها وكانت بردة كل مرة صدفة وحبيته منغير ما اعرف حتى اسمه او ساكن فين وفى كل مرة كنت مش عاوزة امشى لان مش عارفة هقابله تانى وللا لاء لحد ما عرفت اننا جيران بصدفة تانية عن طريق بنت خالتى وبدأ يتكلم معايا وجالى البيت وارتبطنا سنتين قبل جوازنا عمرنا ماخرجنا فيها مع بعض بس كان بيجى يقعد معايا فى البيت او كنت بروح لاخته بعد ماهو عرفنى عليها واتجوزنا من 9 شهور والحمد لله فى مشاكل بس ربنا بيهدى والحب بيقربنا تانى لبعض .. اسفة اوى انى طولت عليكوا

[اشرقت]

الحب جميل جدا

بس زى ما قالت ام مريم وهداية لازم يكون فى اطار شرعى


لكن اى علاقة غير كده بين شاب وفتاه لازم الشيطان حيدخل فيها

واللى تحب ربنا فعلا ربنا حيختارلها شريك حياتها

لان كرامة البنت اغلى من انها تبدى مشاعرها وكلامها الجميل لاى مخلوق

لان البضاعة الغالية لا تلقى على الارصفة

شكرا على الموضوع اختى الكريمة

[preatywoman]

انا مع ام مريم واشرقت احنا بنقول الكلام ده مش عشان احنا متدينين وانتوا لاءه لااابدا ده نصيحه لكل بنت حتى لو حبت وده غصب عنها متديش فرصه للشيطان انه يدخل حياته ويزين لها المعاصي وربنا يهدي الجميع لما فيه الخير

[ساسووو]

ربنا يهدى سركم انتى وجوزك يا مدام ياسر

[شوشو فانى]

على فكرة يا جماعة احنا بنتكلم على البنات الى مش فهمة ان الحب لازم يبقى فى اطار شرعى علشان كده احنا وفقنا اننا نتكلم فى الموضوع للنصيحة وحل المشاكل قبل ما اى مشكلة تحصل لقدر الله هو ده اصدنا لان عضوات المنتدى غالين علينا اوى واسفة انى بتكلم بصفة الجماعة لو تسمحو لى يا ساسووو ويا مدام ياسر ويا نيللى وبا الى مافقين على الكلام فى الموضوع لانه بجد موضوع مهم جداااااااااااااااااااااا وانا اعرف بنات كتير جدددددددددددددددددا بتقع فى مشاكل من النوع ده وارجو ان باقى العضوات يشركونا بصدر رحب ذى ماعودونا على كده منهم واسفة على التطويل .

[ساسووو]

صح يا شوشو ولازم نتكلم كلنا عن كدا وياريت الموضوع ناس كتير تهتم بية احنا مش هندى درس للبنات بس هندردش مع بعض ونعرفها انى اية الصح واية الغلط وكل واحد بيدى راية والراى فى الاول والاخر راى البنت بس انا اقصد انى فى بنات كتير بتبقى محتاجة اصدقاء تتكلم معاهم ومينفعش انى اقعد كل كلامى معاها اقولها فى اطار شرعى او بلاش كدا او كدا او اى حاجة دة غلط وممكن البنت متكلمش معايا تانى بسبب كدا انى طريقة كلامى معاها كانى بديها درس لا لازم اتماشى معاها بنفس طريقة كلامها بس فالاخر اقنعها بالصح بس بطريقة مش تبين انى بدى ليها درس لا كانى واحدة صحبتها من زمان ولازم اديها الامان الاول ولا اية يا جماعة

[نوران الاسمر]

انا علي فكرة من الناس اللي بتخاف جدا من حاجة زي دي
لاني عارفة ان الشيطان اشطر الشطار وكنت دايما بنصح زملاتي انهم يبعدوا عن موضوع زي ده
ولكن المفاجاءة اني اتعرضت للموقف ده
ولكني طبعا بحاول مكالمهوش نهائيا الا لما يثبت حسن نيته
وكمان قولت لماما علي كل ما تعرضت له من كلام واشهد الله انه كان في قمه الاخلاق معي بس ادعولوا ربنا يقرب البعيد ويجنبنا وسوسه الشيطان
واحكي حكايتي كده وانا واثقة من نفسي قووووووولوه اميييييييييييييييييين

[مدام ديدى]

ااااااااااااااااامين ربنا يوفقك يانوران انا مع ام مريم وهدايه فى كل كلامها
وفى موضوع بالمنتدى عجبنى جدا
اسمه اجمل قصه حب فى النت دى اروع مثل على الذى يترك شىء من اجل الله
فيعوضه الله خير منه ياريت تقروا هذا الموضوع والله انا بكيت لما قراته
وفيه رومنسيه جميله شفوه وقولولى ايه رايكم وبعد ماتشفوه اكيد هتقدروا تكونوا راى جديد عن مفهوم الحب

[ساسووو]

مرسى جدا يا مدام ديدى ونوران على رايكم وفعلا انا قرات اروع قصة حب وفعلا تجنن انا دموعى نزلت لما قرتها وربنا يسعد كل البناتو الزوجات يارب امين