[دكتورة]

يا جماعة باختصار انا فرحى باذن الله فى الصيف اللى جى
بس انا مش مبسوطة خالص
خايفة اوى اوى اوى
اولا انا هعيش فى بيت عيلة وهناكل مع بعض
ده موضوع ضد رغبتى ومخوفنى اوى بس هاعمل ايه
وكمان خطيبى كنا عادى خالص وكويسين اول ما حسيت ان الميعاد قرب
بقيت اقول لنفسى افرضى انه وحش وعمل يصطنع انه كويس لغاية ما نتجوز
واتخيل انه هيعذبنى وهيعاملنى وحش
فافضل اعيط
انا تعبانة
حد يقولى هوا لما الفرح بيقرب الدنيا بتتغير ليه
وهل الاحاسيس دى حد حس بيها قبل ما يتجوز ولا انا اللى مزوداها ولاايه؟؟؟

[ام بسنت]

هو بس عشان انتى داخله على حياه جديده وطبعا عندك مؤثرات بتاثر عليكى او شوفتى حد وخايفه يحصلك كده تفاءلى ان شاء الله خير وطالما هو بيحبك خلاص كله حيبقى تمام ان شاء الله

[nehad]

دي كلها وساوس شيطان والله
عشان ينغص عليكي حياتك
لاتستمعي لة

[أم لوجى و ملك]

لا دى كلها اعراض وهميه ده بدل ما تفرحى وتفكرى فى الفرح والكوافير والجهاز
عيشى حياتك وانسى الاوهام دى خالص

[دكتورة]

ربنا يخليكو ليا يارب على سرعة اهتمامكم
وكلامكم اللى طمنى شوية
ربنا يبارك فيكوا يارب ويسعدكوا اللهم امين

[مرمريكا]

حبيبتى الخوف دة طبيعى
لان حياتك حتتغير
حتدخلى مرحلة تانية خالص وهى الجواز وانك تكونى مسؤلة عن اسرة
اقرى قران وصلى وادعى ربنا يجمع بينكو على خير ان شاء الله

[دكتورة]

ياااااااااااااااااااااااااااااااااارب
واشكرك على نصحتيك مرمريكا

[ايمى3]

بصى ياجميل متقلقيش قبل الجواز بتحسى بقلق خوف عادى زى ماام بسنت قالت وانا زيك حسة بخوف جدااااااااااااااا عشان جوازى قرب بردة (ربنا يتمملك على خير ياقمر تكونى فرحانة ان شاء اللة)

[دكتورة]

ربنا يخليكى يا ايمى وربنا يتمم لك بخير يارب ويسعدك
اللهم امين

[shimaamohamed]

بصى يادكتورة انا كنت زيك كدة مش كدة وبس زادت مشاكلى انا وخطيبى وخلفتناووصلت لاننا كنا هنسيب بعض بس متقلقيش هى الفترة دى كده وهتعدى ان شاء الله بس انتى ادعيله ربنا يهدهولك ويجعله زوج صالح ويهديلك اهله( الف مبروك مقدما و ربنا يوفقك).ام بسملة

[رانيه]

استخري واتوكلي علا الله بس استخيري واللي الله كاتبه حايصير

[preatywoman]

القلق شيء طبيعي بس بلاش نفترض الوحش ليه هيعملك وحش ليه متقوليش انك هتكوني اسعد زوجه في العالم وربنا يهنيكي وابقى اعزمينا عاى فرحك

[sara_al111i]

بصي متخافيش خالص
بس خدي بالك من موضوع بيت العيله لان اختي متجوزه ف بيت عيله وطالع عينها بس مستحمله علشان ولادها وغلطتها من الاول انها كانت طيبه انا مش بخوفك من الجواز انتي لازم تدخلي امال هتقعدي ف البيت من غير جواز مثلا لا بس حرصي من الاول واعملي لنفسك شخصيه باسلوب كويس
وبالنسبه لموضوع هو دي اوهام علشان انتي قربتي وخايفه ودي زي مابيقولو اخر فرصه ليكي ف لااختيار فالواحد بيحس برهبه وخوف انه اختار غلط بس طالما استخرتي ربنا اهم حاجه يبقي خلاص سيبيها عليه
وان شاء الله نصيبك كويس وخير باذن الله
فرفشي كده وعيشي حياتك واتمتعي بكل لحظات التجهيز للزفاف لانها علي الرغم من صعوبتها بس هي جميله عقبالي يارب وعقبال كل البنات
هنبقي نقرصك من ركبتك ابقي اعزمينا بقي

[ALZAHRAA]

اولا وقبل اى حاجه الف مبروك بصى بقى كل ده اوهام ومخاوف لا اساس لها وانا مرات بنفس الاحساس ده لمن الحمد الله انا متزوجه وعايشه مع اهل جوزى وحماتى بتحبنى جدا حاولى تكونى حبوبه عشان تجذبى الجميع وربنا معاكى ويجمع بنكم فى الخير

[Hanan Fouad]

يا بنتى الموضوع مافيهوش خوف ولا حاجة
كل دة عشان انتى دخلة دنيا جديدة عليكى يس خلى بالك من بيت العيلة لانة مش دايما ساعات بيحصل فية مشاكل
وربنا يسعدك ان شاء اللة

[دكتورة]

ربنا يخليكوا ويسعدكوا يارب زى ما طمنتونى
وان شاء الله كلكم معزومين
وعقبالك يارب يا سارة انتى وكل البنات
وياريت لو عندكوا اى نصيحة قولوهالى يمكن تفدنى فى التعامل مع اهله ومعاه

[rookaaa20]

بصى يا عسل اولا الف مبروك
ثانيااوعى تخافى علشان نفسيتك متتعبش وافرحى وشيلى كل الكلام ده من دماغك
وان كان على انك تعيشى فى بيت العائله ده مش مشكله لان معاملتك ليهم هى اللى هتفيدك ويحبوكى وبالتالى هو مش هيقدر يزعلك

[دكتورة]

شكرا على كلامك الحلو يا روقا
ربنا يروق بالك

[ام مهند]

انا ياحبوبه متزوجه مع اهل زوجي بس حياتي منفصله
يعني ليا شقه خاصه بي

والحمد لله مفيش مشاكل ولاحاجه اصلي دايما والله مبحبش حد يزعل مني وكنت عارفه ان اكيد اختلاف العادات والتربيه ممكن يعمل مشاكل ومحطتش في دماغي ان ده حرب مين اللي هيكسب فيها ابدا والحمد لله اي مشكله واي كلمه مش بتعجبني كنت بعديها واقول لنفسي دايما يعني هي هتلزق فيكي وبعدي اي حاجه وكل حاجه
انت لازم تعرفي ان كل شئ وارد ولكن انتي هتتعملي ازاي مع المشاكل ده

ده والله اللي لازم من الان تفكري فيها العقل ثم العقل
التفكير بهدوء وفوتي كل اللي يضايقك لو كنتي عاوزه تعيشي وحياتك تبقي هنيه

استعيني بقراءات في الدين وامهات المؤمنين والسلف الصالح والله قصص رووووووعه لزوجات بيبنوا بيوتهن ويحافظوا عليها

ابعدي كل الوساوس من دماغك وفكري انك هتبني بيت اساسه الحب والتفاهم وركيزته الايمان بالله والتقوي

ربنا يبارك لك في حياتك الجديده

ويسعد ايامك ويرزقك راحه البال والزوج الصالح اللي يخاف ربنا فيك

ادعي الدعوه ده

ربنا يسهل ليك

[may55]

الف مبروك هو عادي بس ربنا يستر من بيت العيلة بس الخوف طبيعي