[heba saad]

.مفاجاءة لتحضير شم النسيم بس ياريت تعجبكم
بما ان شم النسيم على الابواب جيبلكم مفاجاءة
بس ان شاء الله تعجبكم
وهى عبارة عن
طريقة عمل (( السردين المخلل))
وعليكى احضار الاتى :
1-برطمان محكم الغلق

2-شنطة تكون الوان مش سودة وميكون فيها اخرام يعنى تكون سليمة

3- ملح

4- شطة

5- واهم حاجة ((السردين))
الطريقة بقا
جيبي البرطمان ودخلى فية الشنطة بحيث انك لما تعبي السردين تعبيى في الشنطو وهى داخل البرطمان
وبعدين نجيب السردين ونرص راق سردين
وراق ملح وراق شطة
الى ان تنتهى من الرص
واربطى الشنطة جاااااااااااامد اوى
وافلى بقا البرطمان بالغطة بتاعة
بس وعلى شم النسيم يكون استوة


ملحوظة:
اوعى تفتحى علية قبل معادة
يعنى بالقليل اوى 25 يوم دة اذا كان السردين
حجمة كويس زى اللى بيتعمل صنية
يعنى كل ما حجم السردين كبر كل ما المدة بتاعت التخليل تطول
يا جماعة انا مش نقلة الموضوع دة من عندى
عشان انا بخلل السردين كدة وبيطلع جميل واحلى من بتاع برة
وقولت انزلة في الوقت المناسب عشان شم النسيم وعشان تلحقو تعملوة ويستوى
واى سوائل انا موجودة
بس هزعل اوى من اللى ها يدخل ومش هيعلق على الموضوع





ملحوظة:
اوعى تغسلي السردين ولا تنظفية
ولا حتة تجيبي علية مية
لو حبيتو تغسلو يبقا تغسلوة وتحطة في مصفة كذا ساعة عشان يصفي الماية اللى فية
يلا بقا ورونى الشطارة.

[مرمريكا]

ماااااااااشى يالهلوبة
انا كمان بعمله بنفس الطريقة وبيبقى تحفةةةةةةةة وانا بموووووووت فى السردين المملح
انتى بنت حلال فكرتينى انا كنت ناسية
عايزة الحق اشترى بكرة سردين عشان يلحق يبقى جاهزلى شم النسيم

[heba saad]

نسيت اقول لكم
لومش عاوزة تحطى شطة بلاش عادى يعنى بس الشطة بتديلو طعم حلو

[مرمريكا]

نسيت اقولك تسلم الايادى الحلوة ابعتيلى طبق بقى

[heba saad]

هههههههههههههههههه طب يلة يا مرمر بقا عشان يلحق يستوى

[جيهان عبدالله على ربع]

انتى برضو يا هوبة اللى بتعمليه ولا دى وصفة من عند ماما
وانا اللى باقول من ساعة ما دخلت وانا شمة ريحة سردين
اتارى الموضوع بتاعك عبأ المنتدىههههههههههههههههههه
مشكورة

[اسماء ام عمر]

بارك الله فيكي. فكره حلوه وسهله. خصوصا اني مش عايشه في مصر وحاجه شم النسيم نادره ومش زي بتاعت مصرطبعا . بس ممكن تقوليلي حجمه اد ايه لاني عمري ما اشتريته طازه والشطه مطحونه احسن ولا صحيحه؟

[yoyo]

تسلم ايدك بس انا مبحبش السردييييين خاااااااااالص ولا الفسييييييييييييخ

[heba saad]

لا يا اسما الشطة مطحونة
ولازم يكون طازج
وهو حجمة حسب ما انتى عاوزة
بس ممكن السردينا تبقا طولها حوالى 15 سم او اكتر شوية عادى
بس كل ما حجمة كبر كل ما المدة تطول يا اسما والحجم دة احسن في التخليل

[heba saad]

ماشي يا جيجي والله هى وصفة ماما
بس هى عملتة مرا ادامى وانا اللى بقيت اعملة بعد كدة على طول

[ام مهند]

تسلم ايديك ياقمره

انا بقا بموت في السردين والفسيح ياااااااااااااااااااي ومعاهم بصل اخضر وانااااااااااااام بعدها

هههههههههه

سلمت يداك

[sasoooooooooooooo]

اممممممممممم تسلم ايدك يا هوبه
والله شكله تحفه
بس المشكله فى الدايت
بس ولا يهمك هبوزة علشان خطرك وعلشان بمووووووووووت فيه
تسليمى يا قمر

[heba saad]

هههههههههههههههههههه مافيش مانع يا ساسووووووووووو
لخبطى بقا يوم شم النسيم

[preatywoman]

الله عليكي بموت في اي حاجه مملحه بس انا بسال ماما النهارده على السردين قالتلي مش لاقينوا في السوق داهيه ليكونوا هيصدروه ويسبونا

[heba saad]

ههههههههههههههههههههههههههههه
لا حلوة دى يا بريتى
بصي هو الكيلو 10 او 11 جنية
موجود عندنا في السوق

[زوزو الهلالي]

موضوع يفتح النفس تسلم أيدك ودي نفس طريقتي في تمليح السردين

[ناننو]

ايه الشطارة دي يا هبه 100 100 . بس نسبه الملح اد ايه الله يخليكي ... يعني كيلو السردين عليه اد ايه ملح مثلا ؟ كمان لو تعرفي طريقه الفسيخ يبقى تمام

[رانيه]

[IMG]http://[/IMG]

[مدام ديدى]

الله عليكى تسلم الايادى انا بموووووووووووووووووت فى الحاجات ديه
ولخبطت شكلى بس اعمل ايه مش بعرف اقاومها بس انا هغيظكم وعملت فسيخ اتفضلوا معانا

[Hanan Fouad]

تسلم ايديكى دى الريحة واصلة عندى
بس للاسف انا مبحبش الفسيخ ولا السردين
بالهنا والشفا على قلبك