[صااابره]

السلام عليكم يا احلي فتوكات

انا عملت عمليه تحديد نوع الجنين بعد ما ربنا رزقنا ببنتين و كان جوزي و اهله طبعا هيموتوا علي الولد فققرت اني اعمل العمليه و قلت لازم احكي لكم تجربتي بالتفصيل و علشان لو حد ناوي يعملها و عايز يسئل علي اي حاجه انا تحت امره دلوقتي و علي الخاص بعد كده

التحضيرات و العلاج بياخد حوالي شهر او اقل شويه و انا عملتها عند د اسماعيل ابو الفتوح اللي بيجي علي الحياه 2 في مستشفي مصر الدولي للخصوبه و اطفال الانابيب في الدقي و كان كل شئ تمام و انا الحمد لله ما كنش عندي اي مشاكل بس للاسف و الحمد لله طبعا علي كل شئ ما حصلش حمل بعد اسبوعين من ترجيع الاجنه رحت حللت تحليل رقمي و ما طلعش فيه حمل و هي تفاصيلها زي الحقن المجهري بالضبط بس الاختلاف الوحيد انه في المعمل بيميزوا الاجنه الذكور عن الاناث و بيرجعوا الاجنه الذكور فقط او علي حسب لو حد اناث بس اللي اعرفه ان كل الناس اللي بيعملوا العمليه دي بيكونوا زي حالاتي كده هههههههههههههههههههه

و العمليه طبعا تكلفتها عاليا غير الحقن المجهري العادي يعني احنا الصراحه دفعنا اللي ورانا و اللي قدامنا و في الاخر ما حصلش نصيب برضه لان في الاول و في الاخر كل شئ بيد ربنا يعني كل شئ كان تمام كان المفروض بس الاجنه تلتصق في بطانه الرحم بس كل شئ بيد الله فعلا يعني العمليه كلفت بالمستشفي 25 الف و العلاج و الحقن و كشوفات الكتور 6 الاف لان طبعا هو كشفه 250 في المره يعني الاجمالي 31 الف جنيه

انا قبل ما اعملها دورت كتير علي النت مالقيتش تجارب لحد خالص قلت لازم احكي لكم و انا قاعده زهقانه لوحدي لان جوزي فرحان جدا من ساعتها


امانه عليكوا تدعولي بالولد السليم المعافي الصالح

و يفرج همي و يهدي لي جوزي و اهله

[emyadam]

مش عارفة دة حلال والا حرام وتدخل فى ارادة ربنا وانتى عندك بنتين فقط . سيبيها لربنا . وربنا يعطيكى ما تتمنى

[الباحثه عن السعاده والحب]

ربنا يرزقك باللى نفسك فيه

[صااابره]

لا انا تاكدت ان الازهر افتي هو و مجمع البحوث انه حلال و سالت اكتر من شيخ كمان لكن يقال انه من الافضل انه يكون عند الواحد اكتر من بنت بس و احد سال الشيخ يعني لو عملتها من اول مره للخلف حرام قال له مش حرام لكن( يفضل )انه يكون انجب قبل كده لان زي ما شفتو في حالتي ما فيش اعتراض علي اراده ربنا لو مش رايد ما بيحصلش الحمل

[صااابره]

ايه يا جماعه الموضوع مش عاجبكوا و لا ايه ههههههه طب ادعوا لي في سركوا حتي

[صااابره]

يارب يا مسهل كل امر عسير يا رب ارزقني بالولد السليم المعافي الصالح

{اسْتَغْفِرُوا رَبَّكُمْ إِنَّهُ كَانَ غَفَّاراً * يُرْسِلِ السَّمَاءَ عَلَيْكُمْ مِدْرَاراً * وَيُمْدِدْكُمْ بِأَمْوَالٍ وَبَنِينَوَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً} [نوح :1012].

تقرا كل يوم

[صااابره]

انتو فين يا فتوكات
ناريمان2004, ‏طالبة رضا ربي, ‏myriam, ‏العاشقة لميزو

[العاشقة لميزو]

ربنا يهديلك جوزك وناسه ويجعلك من الصابرين

[eng_rania_2009]

ربنا يعوضك ان شاء الله وتحملي من غير حاجه

[صااابره]

ربنا يهديلك جوزك وناسه ويجعلك من الصابرين

و اياك يا حبيبتي شكرا لك