[بينكي بيرل]

السلام عليكم يا بنات. وحشتوني قوي. انا جيت بالكولكشن الجديد ربيع - صيف 2011 ويارب ينال اعجابكم باذن الله .معلش في كام نقطة اقروها الاول و اعتبروها خريطة الموضوع:

* معلش سامحوني بس الاسعار ثابتة لان انا مش مزودة ربحي فيها خالص وده عشان خاطركوا وطبعا زي مانتوا متعودين الحاجة كلها وارد دبي وتركيا.والمرة دي كمان الحاجات جايالي شحن عن طريق البر فمش قادرة اقولكم اتكلفت اد ايه بس كله يهون عشان خاطركم ولو لقيتم زيادة بسيطة في السعر هتعذروني.صح

* انا من القاهرة بس موخرا اتعلمت اشحن للمحافظات مع اني مكنتش بعمل كده بس انا تحت امركم جوه او بره القاهرة ان شاء الله

* القطع واحدة ومحدودة يعني اللي يعجبها حاجة بلاش تردد عشان على ماتقوليلي متاخر بتكون الحاجة خلصت وانا مقدرش على زعلكم.

* المواضيع القديمة لسه فيها حاجات كتير متاحة وممكن تليقوها على حاجات كتير من هنا انتم بقى وذوقكم الحلو

* الموضوع ده هوا اول جزء باذن الله عشان فيه جزء تاني في نص ابريل باذن الله فمعلش لو الصفحات كترت ولما اخلص حنبهكوا في اخرالموضوع اني خلصت .

ياللا بينا بقى:



الطقم (1):

فستان او تونيك شيفون ومبطن من جوه تحفة في اللبس طويل تحت الهانش بكتير خامته رائعة مقاس 14 بيلبس ميديم ولارج

بوليرو جراي فاتح مقاس اكس لارج بس هوا بيلبس لارج سعره 75 تقدري برضه تلبسي عليه بوليرو اسود بدل الجراي وكمان ممكن بدي كارينا تحت التونيك

بنطلون بلو بلاك غامق جدا مايل للاسود القصة بتاعته ستريت مش سكيني وبكمر استك من فوق مريح جدا وخامته رائعة ماركة ماكس مقاسه 14-16 يعني بيلبس 32-34

ايشارب اسود وهمي عليه جليتر خفيف اوي فضي وخامته قطيفة ناعمة شكله شيك جدا وينفع مناسبة كمان سعره 45

حلق فضي موضه جدا 20

شوز قطيفة ناعمة اوي بس مش شتوي اوي تنفع صيفي ومرسوم عليها فراشة فضي بستراس تجنن مقاسها 39 سعرها 70

شنطة وهمية مقاسها كبير وحلو عملية جدا ومليان جيوب من جوه ولونها من قريب يجنن جلد نضيف اوي وتقفيل حلو صيني مستوردة من دبي سعرها 120

حوريكو صورة للشنطة والشوز من قريب:




الطقم الثاني:



- توب قطعتين في قطعة طويل برضه على الجينز يغطي الهانش ممكن القطعة الحمراء تتساب مفتوحة او تتقفل بزراير هوا صيفي وخريف بس مش شتوي طبعا لانه خفيف وليه شريطة عريضة على الرقبة تتربط فيونكة مقاسه ميديم لارج وسعره 120

- جينز قصته بوت كت يعني الرجل نازلة على واسع شوية شكله وهمي في اللبس ماركة only المشهورة مقاسه 30-32 خامة ملهاش حللللل سعره 140
وللعلم ده بيتباع بره ب 250 جنيه لانه ماركة مشهورة جدا

- شنطة جلد تحفة وكبيرة جدا لونها احمر او بطيخي غامق كده شويه سعرها 120

- غويشة اكسسوار خرز سعرها 35

-الشوز اياها + الحلق اياه

صورة اقرب للتوب:



صورة اقرب للشنطة:




الطقم (3):



- ده بقى للناس الي بتحب الحاجة الكلاسيك شويه شميز كاروه ابيض في موف بكشكشة بسيطة عند الصدر وطويل يغطي الهانش مقاس 16 يعني لارج ماركة zync من splash خامته جميلة اوي سعره 135

- كارديجان او تونيك كت بنفسجي بيتربط بحبل من قدام شكله حلو قوي لما بيتلبس على الشميز وبيديله شياكة ممكن تلبسيه مع الشميز وممكن الشميز لوحده انتي وذوقك ده خامته قطن ناعم في نسبة ليكرا بيمط ومقاسه ميديم لارج ماركة exteremz من splash سعره 110

- شنطة جلد موف لونها يجنن وشكلها مختلف ومميز حجمها اقرب للكبير سعرها 120

- ايشارب يجنن وشكله غريب جدا هوا مستطيل عادي ومن تحت مثلث عليه وردة شكلة زي الكروشيه كده شويه سعره 50

- باليرينا مقاس 39 سعرها 60

- غويشه خرز هندي سعرها 30

شوفوا صورة من قريب للشميز مع الكارديجان على بعض:



صورة للشنطة من قريب:



الطقم (4):



- التوب كروازيه من ورا اطول من قدام وطويل من ورا بيغطي الهانش وبيتربط بحبال ملونه مقاسه ميديم لارج يتلبس تحتيه بدي كارينا بني سعره 90

- بنطلون بني بكمر استك مقاس 16 يعني 42-454 سعره 125

- ايشارب يجنن في خط فضي رفيع قماشته قريبة من الاورجانزا شويه بس انعم كتير ايطالي سعره 45

- غوايش هندي خرز

- شنطة خرز هندي اوكسيديه 50

الطقم (5):



- شميز كاجوال نص كم تقدري تلبسي تحتيه بدي كارينا موف او شميز ابيض او اي لون من اللي في الشميز ماركة ماكس مقاس 14 يعني يلبس ميديم او لارج كمان ممكن يتزم من ورا فيه حبلين كده طالعين وخامته ناعمة جدا سعره 90

- بنطلون جراي نفس البني اللي فوق بس اصغر منه نمرة مقاس 16 يعني 42-44 تقريبا ماركة ماكس ونفس سعر البني طبعا

- عقد ازرق احجار هندي سعره 30

- غويشة كور عريضه هما احجام كتير في بعض 6 غوايش في غويشة واحدة نفس لون العقد سعره 35

- ايشارب يجنن درجة هادية وناعمة اوييي وفيه حاجات اوكسيديه على اطرافه طويل وعريض وقطن بس خامته قيمة سعره 40

- بدي قطن موف غامق بكم بس انا مش فارداه معلش ممكن يتلبس تحت الشميز سعره 60

صورة وفكرة تانية للشميز معاه فيست جينز :



الفيست سعره 90

الطقم (6):



- فيست يجنن ومتتخضوش ده خامته قطن ناعم يعني خريفي وصيفي مقاس -14-16 يعني ميديم لارج وكمان ممكن اكس لارج طوله معقول جدا وشيك اوي في اللبس سعره 100

-شميز ابيض خامة ناعمة جدا وكم كلاسيك مقاس 44-46 سعره 90

- بنطلون جراي

- شنطة بيضا وهمية وستايلش جدا مقاسها متوسط بس واسعه جواها جلد نضيف جدا سعرها 110

- غويشه عريضه استك سعرها 25

صورة اقرب للطقم:



ودي صورة اقرب للشنطة:




الطقم (7):




- جاكيت بينك او سيمون غامق كاجوال خامته زي الجينز يجنن في اللبس مقاسه 42-44 وطوله كويس جدا سعره 135

- البنطاون الجينز اونلي

- توب ابيض تحت الجاكيت ماركةH& M خامتها ناعمة اوي مقاسها ميديم لارج سعرها 80

- ايشارب 45

اتفرجوا على صور اقرب ليهم









الطقم (8):



- توب لذيذجدا بكمر استك ومش عارفة اوصف بس هوا من الجنب مفتوح بطريقة معينة ومتخيط من الجنبين وا لونه بطيخي غامق في موف غامق اوي بتنجاني وبيتقفل بشرشوبتين من قدام ماركة ماكس سعره 90 ومقاس لارج وومكن اكس كمان

- جينز

- بدي بتنجاني قطن بكم

صورة اقرب للتوب



معلش سامحوني حكمل بكرة باذن الله لسه في حاجات كتير موووووووووووت ويارب الحاجة تعجبكم

[بنوتة كيوتة]

حلوووووووووووووين اوى
الشنط شيك مووووووووت
بالتوفيق يا قمر

[lemo lolo]

شييييييييييك
بالتوفيق

[*shahy*]

[Romyromyo]

ماشاء الله حاجتك حلوة اوى

[اليك اشكو]

شيك قوى ياقمر
ربنا يوفقك

[دلوعة قلب حبيبي]

بالتوفيييييييييييييييييييييييييييييق

[kokita.s]

تحفففففففة بجد منتظرين الباقي

[drkhokha]

حاجات جمييييله قوي وربنا يوفقك

[اوسا]