[فتفيت السكر]

اضراب عام فى كل مصر

إتفقت كافه القوي الوطنية في مصر علي أن يكون يوم 6 إبريل يوم إضراب عام في مصر
يوم 6 إبريل
خليك قاعد في البيت أو شاركنا فى الميادين العامة
أوعي تنـــــــــزل لكن شاركنا
ماتروحشي الشغل
ماتروحشي الجامعه
ماتروحشي المدرسة
ماتفتحشي المحل
ماتفتحشي الصيدليه
ماتروحشي القسم
ماتروحشي المعسكر
عايزين مرتبات تعيشنا
عايزين نشتغل
عايزين تعليم لأولادنا
عايزين مواصلات أدمية
عايزين مستشفيات تعالجنا
عايزين دواء لأطفالنا
عايزين قضاء منصف
عايزين أمن وأمان
عايزين حرية وكرامه
عايزين شقق للعرسان
مش عايزين رفع أسعار
مش عايزين محسوبيه
مش عايزين ظباط بلطجية
مش عايزين تعذيب في الإقسام
مش عايزين أتاوات
مش عايزين فساد
مش عايزين رشاوي
مش عايزين إعتقالات
مش عايزين تلفيق قضايا
قول لأصاحبك مايروحوش الشغل همه كمان وخليهم يدخلوا الإضراب
( حزب العمل المصري- حركة كفاية - الإخوان المسلمين - حزب الكرامه - حزب الوسط - حركة موظفي الضرائب العقاريه - عمال غزل المحلة - حركة إداريي وعمال القطاع التعليمي - نقابة المحامين - حركة أستاذه الجامعات)

6
أبريــــــــــــل
...
أضراب عام في مصر سلمي
أبعت رسايل لخمسة من أصحابك
ولو كل واحد بعت لخمسة
في ظرف يومين البلد كلها حتعرف
بالموبايل
بالأرضي
بالأيميلات
أو حتي رسايل عالشات في قنوات التليفزيون
أنسخوا رسالتنا وأبعتوها تعليق على كل المقالات ألي بتقروها
بيكوا وبينا البلد دي حتتغير إن شاء الله

[rookaaa20]

المشكلة بعد كل ده ان ممكن ميتغيرش حاجة
ويفضل الحال كما هو عليه

[عبير بدري]

ربنا يسهل و تكون بفيدة

[مونى88]

ياريت يحصل كده

[ريري]

يا جماعه حتى لو ما حصلش حاجه ..
المهم نكون ايجابييييين ونعبر عن اللى تاعبنا ،والا هانموت من الغيظ والكتمه..مش كده واللا ايييييييييييييييييييييييييييه؟؟؟؟؟؟؟؟؟

[ورده الحب الصافى]

ابقي قابلينى يا فتفت ومش هقولك فين علشان عارفه انك مش هتيجى
انامش متشائمه والله بس انتوا اللى مش عايزين تصدقوا ان البلد ........

[preatywoman]

يا جماعه هو 6 ولا 8 عندنا في دمياط نشرين ورق بانه 8 ابريل

[أم مريم]

لا 6 و لا 8 و لا 10 ده عشم ابليس فى الجنة

[nehad]

الحكومة حتقول بركة يا جامع
ريحونا و أقعدوا في البيت
و حيجيبوا كاميرات أنهم حلوا ازمة المرور
و بوكرة تشوفوا

[أم مريم]

ولو ان نفسى فعلاً نعمل حاجة و ياريت تجيب نتيجة يااااااااارب
انا هقول لجوزى و على الله يوافق يشارك
ياريت اى حاجة من اى نوع تحصل

[فتفيت السكر]

يا جماعة لية معظمكم متشائمين بس نحاول المرة دية والعيار اللى ميصبش يدوش بس نحاول
والمرة دية لو محصلش حاجة ممكن المرة الجاية يحصل ممكن حد يقولى هو لسة فى مرة تانية ممكن وتكون المرة التانية اكثر ايجابية ويبصوا لمطالبنا لو مبصوش المرة دية
ويكفى ان كل المصرين تجمعوا على موقف واحد ومطالب واحد
وعلى فكرة هو يوم 6 ابريل
ودة راي ومش عارفة راءيكم اية

[nehad]

أن شاء الله معاكي

[ورده الحب الصافى]

صح نسيت أقول لكم حاجه
يوم 6 الناس هتضرب عن العمل يوم 7 الناس هتنضرب فى .........
وكان الله بالسر عليم
ياستى ......

((((ياحيط دارينا .. دارينا ياحيط ))))

[samasemo]

يارب يبقى فى نتيجة على الاقل فى حكاية الاسعار اوشقق للشباب الغلبان اللى عايز يجوز

[سوكة الددة البيضة]

اصلا الحكومة جتتها نحست من كتر المظاهرات والأعتصامات الى بتتعمل فى الفترة الأخيرة....فالخوف لمتفرقش معاهم وماينوبنا غير ان برنامج القاهرة اليوم وبرنامج 90 دقيقة يشتغلو ذيادة شوية.

ولكن على العموم زوجى ناوى ميرحش الشغل حتى لو اليوم ده بالخصم.

مع انى للاسف الشديد حاسة باحباط شديد هو يعنى احنا كنا عملنا ايه فى الأنتخابات مثلا.......
فى مصر حكومة فس فس

[may55]

انا مع وردة

[مدام ديدى]

ياريت كل ده يجى بفايده والحكومه متعملش تعتيم عام عموما هما زمانهم محضرين حالهم وعارفين ايه اللى ممكن يتعمل بس فعلا المشكله مش فيهم المشكله ان مفيش شباب زى زمان بيصمد ويحاول وبيقولش اشمعنى انا هى جت على فعلا لو الكل يشارك وانشاله يقعدوا اسبوع مش يوم والله هتتحل بس مسن يقول ومين يسمع
شفت مره فى التليفزيون واخده واقفه عند مجلس الشعب وبتحتج على الغلاء
واقفه لوحدها وكل الرجاله ماشيين من جنبها بيتفرجوا عليها هههههههههههههههههههه
بزمتكم مش الحكومه لها حق تعمل فينا اكتر من كده ده احنا ضربنا الرقم القياسى فى الغلاء وانحفاض المرتبات ولاالشباب اللى زى الورد وقاعد من غير شغله ولامشغله

[ورده الحب الصافى]

هى دى مصر يا ديدى

[نادو]

والله كان غيرنا اشطرررررررررررررررر