[المشتاقه الى الجنه]

.عايزه حل انا فى السعوديه والصيف خلاص دخل والصراصير بداءت تدخلى من البلاعات بتاعت الحماامات وكمان من المنور وخصوصا انا سكنه فى الدور الارضى
وانا بجد بخاف مووووووووووووووووت من الصراصير الكبيره ممكن اشوف كلب او فار بس الا الصرصار ده بجد
عايزه حل ميدخلوش الشقه خالص.

[nehad]

في عجينة للصراصير
و ممكن تسدي البلاعات دايما
أنا كمان بخاف منهم موووووووووووت

[أم مريم]

عارفين ايه احدث موضه للتخلص من الصراصير







بيعملوها ماسكات للبشرة
والله بجد

[nehad]

طيب يا مشتاقة
أمسكيلك كام صرصور حلوين كدة من الي قلبك يحبوهم
و أبعتيهم لام مريم عشان تعمل الماسك

[eltourky]

هههههههههههههههههه
ايه العسل بتاعك ده
فعلا يامشتاقه فيه عجينه للصراصير بتتباع
حلوة قوي انا جربتها
لكن امنور بقي معرفش تعملي معاه ايه

[ام عمر المصرية]

الا الصراصير يانا يا الصرصار فى البيت وطبعا انا والموت للصرصار
بصى حاولى تشترى غطيان للبلاعات ما فيهاش خروم علشان الصراصير
ما تعديش منها وركبى سلك ضيق على شبابيك المنور والشقة كلها

[nehad]

لو يا جميل كل الحاجات دي منفعتش
ممكن تيجي شبشب مقاس 45 كبير كدة و أنت و شطارتك بقة

[ام سيكا]

بجد انا هقولك وصفة مجرباها
انت تجيبى بيروسول الاخضر و ترشى الشقة و كل مكان فيها وتسيبى لهم البيت اول يوم
وتكررى العملية
دى لمدة



سنتين
ههههههههههههههههههههههههههههههههه
لا بتكلم بجد تكررى العملية دى لمدة 3 ايام وبعد كدة مش هتلاقيلهم اى اثر فى الشقة
بس هتشوفى منظر يقشعر جسمك كلة لانك هتلاقيهم ميتين فى الارض فى منظر بشع
وبعد كدة اعملى لهم جنازة مشرفة تليق بمقامهم

[preatywoman]

عليكي والعجينه ولا رايحه ولا حاجه وبدوك اكتر من سنه

[nehad]

أية رايك ترمي عجينة في المنور
بس أوعي يهربوا من المنور و يتطلعوا عليكي

[ام مهند]

انا كمان في السعوديه
وبقالي سنتين في الشقه والله كانت فل مافيها النمل

ومن اول ماالدنيا حررت شوفت ولاول مره الصراصير

بتطلع من البالوعه

غطيها كويس عملت كده وبرضه مفيش فايده

وبعدين جوزي جابلي من الصيدليه عجينه وخرجت قلب المطبخ كله ونظفته ومكنش فيه حاجه علشان ايدي فيه اول باول وحطيت العجينه ده في الاركان

وبعد عمليه تنظيف دامت حوالي ثلاثه ايام مش عايزه ادخل الحاجه جوه وبعدين استسلمت ورجعت الحاجه بدؤا يطلعوا تاني من بعض الثقوب الموجوده في الحائط

والله تعبت واعصابي تعبت حد بقا يشوفلي حل مع المشتاقه

وجبت جاز من بره ناس قالولي عليه ومفيش فايده

زهقت

ماذا تفعل لو كنت مكاني

[فرحه]

يادى المصيبه حتى السعوديه فيها صراصير
يا رب قطر ميكونش فيها كله الا الصراصير
انا بخاف واقرف اوى منهم يع يع يع
بس العجينه حلوه جربيها بجد مش حتندمى

[ام بسنت]

اناسمعت عن خلطه بتجيبى حمض البوريك من الصيدليه وتحطى عليه معلقتين دقيق ومعلقتين لبن بودره ومعلقتين سكر وشوسه ميه للعجن وتعمليها كور وتحطيها بيقولوا انن حمض البوريك حاجه سامه الصراصير بتخاف منها وانا لقيت ناس كتير قوى بيقولوا انها كويسه

[مرام]

شكلهم يا جماعة عايزين يرحلونا من بيوتنا والله بس على مين انا على قول اللى قالوا ارش بريسول لمدة 3ايام

[المشتاقه الى الجنه]

شكرا يا جماعه ان شاء الله اجيب العجينه دى واحطها وحلوه موووووووووووت فكرت الشبشب الى مقاس 45 ده بس المشكله مين اصلا ممكن يموت صرصار
انا كل الى عندى كبيييييييييييير يع يع
عارفين انا اول ما عرفت انى مسافره السعوديه فرحت بس لانى هصيب الصرصار فى مصر
واول يوم ليه فى السعوديه لقيته مستنينى بيرحب بيا فى الحمام
هههههههههههههههههههههههههههههههههه

[nehad]

ماهي دي الصراصير العشرية يا بنتي
ماتهونش عليها العشرة برضة
و لايمكن عاملين جامعة الدول الصراصيرية

[ام لوجين]

يا نهار ابيض فكرتوني بالحبايب
انا في النمسا مش بنشوف الحشرات خالص الا في التليفزيون ده لو الصيف جه و احنا برة والبنات شافو دبانة بيصرخو بقولهم اومال لما تنزلو مصر و الذباب و الناموس طول الليل ربنا معاكم وبدعيلكم من كل قلبي تنتصرو على الاعداء

[المشتاقه الى الجنه]

هههههههههههههههههههههه انتى سكر يا نهاد ربنا يكرمك
ام لوجين بكره ولادك يرجعوا مصر ويعشروا الصراصير ويتعودوا

[ورده الحب الصافى]

هو انتوا متخيلن ان مصر فيها صراصير بس دى عائلات يا جماعه وعلى فكره لهم تقاليد مابيتجوزوش الا من بعض يعنى مثلا عندنا عايله فى الأسماعيليه اسمها عيلت المعلم مش ممكن تتجوز من عايلت الدسوقى اللى فى بورسعيد ههههههههه
وعلى العموم البوريك هااااااايل جربناها بقالنا سنتين ماشوفناش ولا خيال واحد فيهم تقريبن عملوا هجره جماعيه ههههههههه

[مهندسة ماجدة محمود]

على فكرة ماتخافيش من الصراصير الكبيرة لان التخلص منها سهل جدا ولو انت فى السعودية العجينة دى مش موجودة خالص وكمان صراصير السعودية مش واخدين عليها اسلم حل وهو متجرب هاتى عامل النظافة الى فى الشارع الى بيكون شايل انبوبة على ظهرة وطبعا زوجك هو الى يجيبه وتكون شايله حاجة المطبخ كله وخليه يرش الشقة بحالها ويكون يوم خميس وياريت تخرجى انت وهو والعيال تروحى مكة او المدينة تعملى عمرة وتدعلى لى