[ساسووو]

السلام عليكم انا ساسووو وحبيت انكم تعرفوا قصتى انا ومحمد مدام شاركتونى فيها بدعوتكم محمد هو شريك فى الاكاديمية اللى انا فيها وفى نفس الوقت موظف فيها عشان اى اكاديمية هية عبارة عن جمعية ومشاركيين فيها المهم بابا محمد مساعد وزير الداخلية ومينفعش انة يشارك فى حاجة باسمة المهم هو داخل باسهم فى الاكاديمية دية بس محمد فى نفس الوقت موظف فيها وانا طالبة فى الاكاديمية دية اول مرة روحت فيها الاكاديمية مكنتش اعرف حاجة هناك و هو قابل ماما كانت معايا المهم عرفناة وهو عرفنا واخد نمرة ماما عشان لو ماما عاوزة تعرف حاجة عن الاكاديمية المهم مرة والتانية والتالتة كان خلاص معاد دخولنا الاكاديمية وبدا اول ترم وكنت بروح بالباص كان دايما يقف برة المكتب بتاعة يستنى الباص بتاعى لما يوصل ويستنانى عشان يسلم عليا ويشوفنى انا مكنتش حطة حاجة فى بالى المهم فات يوم والتانى وبعدها لقيتة بيراقبنى اروح اقعد مع اصحابى فى اى حتة فى الاكاديمية القية ورايا ويحاول ينادينى من القاعدة لما يلقى معانا ولاد لغاية ما فات اول اسبوع وهو على الحال دة جية تانى اسبوع حاول يعرفنى على اخواتة وفعلا ودانى لاخواتة وقعد معاهم بس فى الاول مكنتش حباهم خالص وروحت قولت لماما مش عاوزة اقعد مع اخواتة تانى وماما قالتلة سيبها براحتها قالها انا خايف عليها من شباب وبنات الجامعة وعاوزها مع اخواتى اضمن المهم تانى يوم روحت وكان عادى روحت اليوم اللى بعدة وقفنى يتكلم معايا عادى وبعدين جية معاد الباص هو طلع معايا يوصلنى للباص وكانت اول مرة يعملها استغربت لية بيعمل كدا معنى معايا واحدة صحبتى واقفة معايا المهم فضل واقف صحبتى قالتلة اتفضل انت انا واقفة معاها قالها وانا مش واقف عشان ولا معاكى انا واقف مع سالى سكتت ومشيت المهم جية يوم فتحنى فى انة عاوز يرتبط وانا بصراحة كنت حاسة انى الدنيا طايرة بيا المهم روحت حكيت لماما كل حاجة وبعدها هو كلمنى على الموبايل و قالى انا عاوز اقابل بابا يااااااااااااااااااة كنت هموت من الفرحة وجية فعلا البيت بس بابا رفضة عشان بياخد 1000ج فى الشهر بابا قالى ازاى هتعيشى كدا ال1000ج دة انا بجبلك بية لبس لوحدك يبقى هو هيعيشك ازاى بية وبعدين عرفت من محمد انى هو عندة شركة استيراد وتصدير قطع غيار الكمبيوتر المهم انا بصراحة فضلت متمسكة بية للاخر وفضلنا فعلا مع بعض وكلم ماما بعدها وماما قالتلة هكلم باباها تانى وقالت لبابا تانى وبردوا رفض وانا كنت هموت ويوافق المهم زعلت اوى اوى وفضلت معاة بردوا وقولت لبابا وماما انا مش هاخد غيرة ومش عاوزة اتجوز خالص وطبعا بابا باصص انى اختى بيجلها عرسان واحد قاضى والتانى رئيس مباحث والتالت طيار المهم بابا منعنى انى اروح الاكاديمية عشان مشفهوش وماما منعتنى من الكلام معاة رغم انى خلانى كلهم وعمى وماما وجدو كانوا موفقين علية بس انا عرفت المشكلة اية متاخر انى بابا بيحبنى اوى وبغير اوى انى حد يخدنى منة وهو نفسة اللى قالى الكلام دة وعشان كدا عمل كدا وبعدين انا زعلت انى نفسة اشوفة او اكلمة بصراحة كنت خلاص مش قادرة استحمل معملة ماما واختى ليا عملوا حصار عليا اتكلم فى الموبايل بتكلمى مين ولو اخد الموبايل وطلعت فوق يطلعوا ورايا مع العلم انى الشقة بتاعتنا دورين المهم انزل مع اصحابى لا وتبقى شكة انى هشوفة طيب اروح عند خالو اقعد معاهم كام يوم بردوا لا مكنش قدامى اى حل غير انى سبت البيت و مشيت مع نفسى شوية كان نفسى امشى مع نفسى من غير ما حد يقولى بتعملى اية او يشك فيا وطبعا البيت اتقلب هنا ولانى كمان العمارة بتاعتنا وكلنا قرايب فيها المهم بعد ساعتين من مشيانى كلمت محمد وقولتلة تعالى خدنى كان خلانى كلموة وافتكروا انى انا معاة وقابلة ولقوا محمد واخواتة لوحدهم وقالهم والله لو كلمتنى انا هقولكم وفعلا لما قبلنى هدانى وقعدنى مع اخواتة فى العربية وقالى انا هكلم خلانك عشان حرام قولتلة لا قالى مينفعش وبعدين دول خلانك اللى بتحبيهم والقريبين ليكى وانا هبقى معاكى لو حد جية نحيتك هاخد العربية ونمشى كلنا وقوللهم اية اللى مضيقك وانا واقف معاكى وفعلا جبهم وروحنا عند خالو وقعدنا نتكلم وخالو مرديش يروحنى عندهم غير لما يخدوا موقف مع ماما وبابا وفعلا خدوا موقف معاهم وروحت لقيتهم كلهم موفقين على محمد حتى بابا بس المشكلة انى محمد مضايق انهم وفقوا لما عملت كدا موفقوش عشان محمد نفسةبس لقيت محمد بيكلمنى وبيقولى كلام حب وكانت مكلمة جميلة اوى بينى انا واخواتة وهو وتانى يوم اتصل بصى انتى حيلا طالبة عندى انتى فاهمة وهو فى الشارع وكلمنى على الموبايل قال كدا وبعدها اتصل بخواتة قالهم اتصلوا بسالى قوللها متبعتش اى مسج او ترن دلوقتى ولو حد اتصل بيها متقولش انها مرتبطة بيا بصراحة عرفت انة الموضوع فية بنات هو كمان قالى قبل كدا قالى انا لازم عليا الف عين وعين ومن بعد الحركة دية وهو قافل موبايلة المهم ماما كلمتة وقالتلة انى احنا موفقناش عشان كدا لا احنا وفقنا عشان سالى متمسكة بيك المهم كل واحد عاتب التانى وكانت ماما هتقفل معاة انى خلاص هو مش عاوزنى وقالتلة 1+1=2 افهم من كدا انك خلاص اقفل على الموضوع قالها استنى بس يا طنط مش كل حاجة افش قالها يعنى لو انا ابنك تقبلى علية اللى حصل من عمو قالتلة بص مش عشان سالى بنتى بس لما القى بنت بتحب ابنى كدا هقولة روحلها مرة و2و3 انت هية اللى تهمك فى الاخر مش تسبها لغيرك سكت ومردش قالتلة يعنى انت عاوز اية قالها عمو يكلمنى قالتلة وانت تقبلها على اخواتك انى باباك يكلم عريس اختك يقولها تعالى خد بنتى قالها لا قالتلة بس كدا قالتلة طيب كلم سالى عشان عملة تعيط الاول قالها طيب وكلمنى وعمال يقولى وحشتينى وبحبك وخلاص ياسالى عاوزة تسبينى هو دة وعدك ليا قولتلة لا بس غصب عنى صدقنى قالى خلاص وانا مش هسيبك فى اية بقى المهم وامبارح كنت بكلم اختة على النت بس ميك فدخل على اختة بتكلمى مين قالتلة سالى اخد الميك وقالى احترمى نفسك انا هطلع عينك على اللى بتعملية دة المهم وادانى اختة تانى وبعدها بنص ساعة كلمتة على موبايل اختة قالها مش فاضى تقولة بقولك كلمها قالها مش فاضى قفلت واتصلت بيها بعد شوية قالتلى معلش ياسالى اصلة هو بيلعب كورة على الكمبيوتر وهينزل يجبلنا حاجات ويطلع ابقى كلمية وكلمتة فعلا بس نام كدا خلص الموضوع بس مع العلم انة تقيل اوى ومش بيتصل بيا غير كل فين ومين وانا مضيقة من كدا ولما قولتلة قبل كدا قالى انتى مش مديانى فرصة واختة قالتلى امبارح اتقلى علية قولتلها محمد ممكن يفهم انى تقلى دة يعنى ببعد والمفروض انى عندى امتحان الاسبوع الجاى وهشوفة وماما قالتلى انا هتكلم معاة تانى انة هو اللى يكلم باباكى تفتكروا اية الحل انا فعلا مش قادرة على بعدة وبحبة اوى ادعولى من قلبكم انى نبقى لبعض بجد محتاجة الدعوة منكم

[رانيه]

الباب الي بتجي من الريح سده واستريح وطالما الموضوع من الاول كده ابعدي عنه بعدك صبيه باول عمرك

[nehad]

أولا كويس اوي انك عنك قدرة علي أنك تكتبي كل دة
أنا اتخضيت أول ما شوفتوا
المهم واضح جدا أنة بيلعب بيكي
أنا شايفة انك لا تكلمية ولاتتصلي بية الا لما هو يكلمك الاول و متدلقيش علية
خليكي تقيلة وبلاش العياط و الحاجات دي لانها بتخلية يفتري عليكي
أجمدي كدة
و لو كلمك قوليلو انك مش فاضية للعب العيال دة
يجي يخطبك أو يروح يلعب بعيد احسن
ولو مشي أعرفي انة مش بتاع جواز

[sherry]

انا رايى انك تتقلى عليه شويه وتبطلى تكلميه كده علطول واجمدى وبطلى عياط ومتورهوش انك ضعيفه كده عشان ما يتدلعش اكتر من كده وبعدين انا حاسه من كلامك انه انسان هوائى كل شويه بحال ويا ريت تركزى ف امتحانك ولما تشوفيه متهتميش بيه وعامليه عادى لما يجى هو يكلمك مش انتى اللى تروحى تبتدى بالكلام مهما كان الحب اللى انتى بتحبيهوله لازم تحافظى ع كرامتك وان شاء الله ربنا ينولك اللى ف بالك ويكرمك بالخير ان شاء الله

[nehad]

تمام كدة

[preatywoman]

انا رايي انك تبعدي صدقيني ده انسان مش كويس كل اب عاور لبنته احسن واحد وده من النوع اللي عايز ينتقم لكرامته وع اول مشكه بينكوا صدقيني هيسيبك اسمعي كلام اهلك وربنا هيعوضك خير هتعملي ايه لو اتجوزتيه وقالك ابوكي ميجبش بتنا
الزوج بيتعوض لكن الاب لالالالالالالالالالالالالالالالا
وربنا يقدملك اللي فيه الخير

[جورى القمر]

والله الواحد مش عارف يدعيلك تسبية ولا تفضلى معاة انا محتارة بس والله انا حاسة بيكى قلبك يقولك هو دة حبيب العمر وعقلك يقولك لا مش هيقدر يعيشنى نفس المستوى وخصوصا ان بابا مش قليل وصدقينى واللة الواحد يقعد يقول لاهلة هو دة ويطلع فى الاخر مش هو بعدين لما ربنا ياذنلك وتتجوزى هتعرفى قيمة كلام ماما وبابا وهتعرفى انهم كانوا على حق كبييير والله
انا سمعت كلامهم ومندمتش ابدا والحمد لله كان انسان على خلق والله وانا بقى اتخطبت واتجوزت فى2 شهر بس يعنى مكنتش اعرفة ولا عمرى شوفتة بالرغم ان مامتة كانت صحبة مامتى وكنت بشوفها كتير بس هو والله ما شوفتوا غير ساعة لما جة يتقدم وبعدها اتجوزنا بسرعة وطلع احسن من ناس كتير والله والكل بيحسدنى علية

معلش انا طولت عليكى بس فكرى ان الحياة غالية وانت لو صبرتى 1سنة مش هتصبرى 2 وخصوصا لما ربنا يديسكى طفل 1على الاقل دة حتى البمبرز بقى70 جنية وبتحتاجى 2 فى الشهر الواحد

انتى ادرى بمصلحتك

[eltourky]

بصي ياسالي اولا انا مش هدعيلك ان ربنا يجمعك بيه
انا هدعيلك ربنا يعملك ال فيه خير لك سواء معاه اومع غيره
لان ربنا هو الاعلم اذا كان ده فيه خير لك ولا لا
انا رائي انك تحافظي ع كرامتك ومتكلميهوش خالص خالص
هو ال لازم يجري وراك ويتقدم مرة واتنين وتلاته
ال بيحب يعمل كده 0
مش ممكن يطنشك بالشكل ده وانتم لسه ف الاول
دا المفروض يكون بيعمل المستحيل علشانك مش يزعل وعايز باباك ال يكلمه
انا عايزاك تصلي صلاه استخاره وتدعي ربنا يعملك الخير
ويراضيك بيه0 ولو ده مفيهوش خير ليك ربنا ينسيك حبه ال ف قلبك
ويرزقك بالاحسن منه ويحببك فيه

[ساسووو]

والله ما عارفة اشكركم ازاى على كلامكم دة بس على فكرة هو انسان كويس مش بيلعب لانى هو صحيح عينة زيغة بس لما حبيت اعملة زى البنات الضيق والمفتوح زعل منى اوى وقالى انا عاوزك تتحجبى انتى احلى كتير بالحجاب اكيد وملكيش دعوة بالبنات دية انتى بتاعتى لبيتى وهتبقى زوجة ليا مينفعش حد يشوفك كدا

[nehad]

منين يا حبيبي بقولك البس محترم و منين عنية زايغة
أنا مش مستريحة لية خالص
فكري بعقلك عشان متضيعيش

[ساسووو]

بصى هو عنية زايغة انة بنت تكون ماشية لبسة لبس ملفت للنظر هو بيبص وعلى فكرة مامتة كلمتنى وعارفة الموضوع كلة وهية نفسها بتقولة لو بتلعب بيها سبها هتعمل اية بيها يبقى حرام عليك كدا قالها انا ليا اخوات بنات ومينفعش العب بيها عشان هيجى اللى يلعب بخواتى ومع العلم كمان ان اخواتة بيحبونى جدا وبيقولولى كل حاجة عملها من ورايا ومعايا وهما نفسهم اللى قالولى اتقلى علية هيجرى وراكى هو بيحبك لكن عاوز اللى يتقل علية

[ام سيكا]

على فكرة يا ساسو دة انسان ما يستاهلكيش و احسن لك ان انتى اللى تسيبية قبل ما هو يسيبك حفاظا على اللى فاضل من كرامتك من كتر مكالماتك انت و مامتك فى الاول اتقلى علية بس جامد قوى لدرجة انك لما تنزلى امتحانك ولو شوفتية اعملى نفسك مش واخدة بالك منة خالص و ساعتها هو اللى هيجيلك زى ال...............
وساعتها بقى انت اللى تسيبية لال اللى مايرضهوش على بابه واهله المفروض انة ما يرضاهوش على اهل المستقبل و ما تزعليش منى انا كنت جافة معاكى بس والله انا بعتبر كل اللى فى المنتدى اخواتى ودى مجرد نصيحة و لو اقتنعت بكلامى نفذية و ربنا يلهمك للصالح ان شاء الله

[مدام ديدى]

انا مع كلام الاخوات متتصليش به ولو هو اتصل او كلمك قوليله متتكلمش معايا
الكلام يكون مع بابا متزعليش من كلامى بس هو لازم يعرف انك غاليه ومش سهله
وكمان قويه ومتماسكه صدقينى مش لازم نبين كل اللى جوانا ممكن ده بعد الجواز
واعملى زى التركى ماقالتلك استخاره وربنا يوفقك معاه او مع غيره
والراجل الجد يدخل البيت من بابه حتى لو انطرد منه علشانك لالالالالالالالالالالالالازم يعمل المستحيل علشان يكسبك ويبقى ده اللى يستهلك

[ام مهند]

بصي ياسالي

انت غلطانه في حاجات كتييييييييييييير جدا

اولا وقبل اي شئ ياماما انت وكل البنات اللي في المنتدي ياجماعه ربنا يهديكم مفيش حاجه اسمها حب وكلام معسول قبل الارتباط الرسمي

ياجماعه والله اللي بتعملوه حرااااااااااااااااااااااااااام عليكم

ياريت كل اخت تتقي الله وتعرف ان ربنا شيفك وبيمهلك

انا بحب ايوه والحب جميل واحساس رائع والله انا مش ضده ولكن من الذي احبه اللي دبلته في يدي اللي جيه البيت وقال لبابا انا عاوز بنتك في شرع الله

ثانيا انت مخدتش بالك من كلام ماما ليه

هو فعلا لو كان بيحبك زي مايزعم كان كرر المحاوله مره واتنين

سوري في اللفظ ده مش بيفهم

ده عاوز باباك يكلمه انا ماشفتش كده ناااااس
متزعليش مني بس انا بقولك علي حاجات انت مش واخده بالك خلاص منها

في موضوع الجواز صدقيني مفيش زي بابا هيخاف عليك لانك غاليه عليه وهيختار الافضل والاحسن ليك

اسمعي كلام اهلك وابعدي عن الانسان ده

حافظي علي كرامتك وثوري لها وبلاش تجري وراه وهو سوري دلقك

ايوه ده مش اسلوب واحد بيحب وحده ابدا ده كرامته واجعاه وعاوز ينتقم منك فوقي يااختي
وشوفي دراستك ومستقبلك واتجهي الي الله

ولي ملحوظه اخري يعني ايه تلبسي مفتوح ولا ضيق
طب خافي علي نفسك ضعاف النفوس كتييييييييييييييييييييير

وقبل ده كله فين خوفك من ربك انت مش عارفه ان ربنا شايفك ومطلع عليك
ربنا يهديك ومعلش بس في حاجات لازم كنت اتكلم فيها ومينفعش اطبطب عليك فيها انت جوهره مكنونه والمفروض جسمك لايراه الا زوجك مش كل من هب ودب خافي علي نفسك وقبلها خافي من ربك

ربنا ييسرك احوالك ويهديك وينور بصيرتك

[eltourky]

والله ياام مهند كلامك مابعده كلام
انا كان نفسي اقوله بس انا قلت زيه ف موضوع تاني لساسوو برده ف فضفضه
بس حسيت انها مقتنعتش بيه
ياريت ياسالي تفكري اكتر ف كلام ام مهند
والله لانه عين العقل
البنت جوهرة غاليه
ياريت متزعليش لان والله هدفنا مصلحتك مش مجاملتك وخلاص

[rehab]

ربنا يهديكي ياقمر
ماتزعليش باباكي خالص
وماتعمليش حاجة غصبا عنه لأنه أكيد عارف أحسن منك مليون مرة لأنه بيفكر بعقله فهيختارلك الصح

[أمولة]

والله ام مهند كلامها عسل وعين العقل ونيال اولادها فيها
والشب ما بحب البنت الي ترمي حالها عليه لاتزعلي مني حيكي عنك ارخيصه وحيضل طول عمره شاكك فيكي -----

[شوشو فانى]

شوفى يا ساسووو هو فعلا لوكان بيحبك بجد والله ما كان زعل من باباكى وكان اتنازل وجه على نفسه علشانك وعشان بيحبك وعوزك فعلا لكن هو انانى شويه متزعليش منى انا بنت فى سنك تقريبا وفهمه انتى تقصدى ايه وحسه بآيه من نحيته لانى مجربه وعرفه وحسة بيكى اوى والله بس متزعليش عليه وتقلى عليه وشوفى تصرفه معاكى حيبقى ازاى لو طنشك يبقى فعلا اهم حاجة عنده فى الدنيا نفسه وبس وكرامته وبس وحتتعبى معاه اوووووووووووى انتى لسة على البر وعليكى الاختيار الصح وعلى فكرة هو لوكان متمسك بيكى كان جه لباباكى وخطبك منه على طول وبدون اى تردد انا مخطوبة لانسان عمرى ماكنت شفته ولا كلمته قبل الخطوبة خالص يعنى كانت خطوبة تقليدية جدا بس انا لما شفته اعجبت بيه ومع العشرة حبيته اوى وهو كمان حبنى رغم اننا مكناش نعرف بعض ولا نعرف اى حاجة عن بعض خالص بس برده الحياه مش سيبانه فى حالنا وعلى طول فى مشاكل مع بعض يعنى والله ممكن تيجى لاتفه الاسباب وتتخطبى لواحد يقدرك ويعرف امتك كويس والحياه مش حتخلى من المشاكل وصلى واستخرى ربنا والى عوزه ربنا هو الى حيكون وياااااااااااااااااارب يسعدك ياحبيبتى فى حياتك ومعلش طولت عليكى.

[شوشو فانى]

ارجو منك الرد عليا يا ساسووو وقوللى اخر الاخبار ياحبيبتى علشان بجد نفسى اطمن عليك باااااااااااى .