[الألماسه]

اليوم التقيت في صديقتي وكانت حزينه على غير عادتها فسألتها على طول ليش الحلو زعلان فقالت لي انا احس في خيبة امل واحباط وانا مجروحه جداً
فقالت لي بحثت في المفضله في كمبيتر زوجي على امل ان اجد موضوع حفظته به منذ فتره ولاكن استوقفني موقع وبعد فتحه والاطلاع به كان لاحد المواقع التي تساعد على الزواج والتقارب بينهم باسم الزواج وكان ايضاً يوجد به صور واعمار الفتيات من مختلف الجنسيات في العالم وتسطيع ايضاً ارسال لهن رساله واغاني والدردشه مع شريكة المستقبل على كلام الموقع وعلى فكره هذا الموقع عليه رسوم مبلغ مالي
وانا صراحه محتاره مادري اش انصحها لاني صراحه متعاطفه معاها جداً وخايفه عليها
الله يوفقكم ساعدوني وقولوا لي كيف انصحها لانه موضوع حساس
وعلى فكره انا قلت لها لاتفاتح زوجها في الموضوع حالياً

[رانيه]

تراجع نفسها اذا في سبب خلا يعمل كده وتفاتحه في الموضوع بدل الحيره والقلق

[أم مريم]

انا مش فاهمة يعنى هو جوزها عمل علاقة مع واحدة من دول و هيتجوزها و اللا ايه؟
لو كده يبقى لازم تصلح من نفسها الاول من غير ماتحسسه بحاجه
و ان لقت ان مفيش نتيجه يبقى تتكلم معاه
لكن لو جابت نتيجه يبقى خير و عفى الله عما سلف

[مدام ياسر]

من راييى انها تصبر شوية وتدعى ربنا يوضحلها الحقيقة وتراجع نفسها اذا قصرت فى شئ وتزود اهتمامها بيه وتحاول تقرب مسافات التفاهم بينهم
وتنتظر فترة مش طويلة وتدور تانى واذا لقيت شئ مش مريحها تتكلم معاه باسلوب حنين ومش مباشر مثلا..انا اليا واحدة صحبتى شكة ان جوزها بيكلم واحدة على النت بس مش كلام عادى........ يعنى كدة وتشوف رد فعله وتصبر يومين واذا ما فهم انها عرفت وغير موقفه تتكلم معاه براحة وتسأله اذا هى قصرت فى شئ وتتفاهم معاه
وربنا يهديهولها يارب

[مصراوية]

رايى انها تقولة وتصارحة على طول وتساله فى هدوء اية اللى خلاىة يعمل كدة وكمان تساله اية اللى ناقص فيها خلاه يدور على واحدة غيرها ولو لقت نفسها غلطانة تحاول تصلح من نفسها ودة احسن حل بدل ما تستنى لغاية ما ايورح منها


وربنا معاها

[الألماسه]

اشكركم من كل قلبي على هذه الحلول والله يجعله في ميزان حسناتكم
بس بيني وبينكم هو زوجها ليه يعمل كدا يعني لو انتي وجدتي في مفضلت زوجك احد المواقع لزواج وعرفتي انه مشارك في هذا الموقع تعملي ايه تقولي اكيد انا الغلطانه وتحطي الوم على نفسك وانتي ما لكيش ذنب
على فكره هو متزوج وعنده اولاد وهي جميله وعيبها الوحيد تقول انها عصبيه حبتين
بس هي تقول مو مقصره معه في شي بس نفسها تعرف ليش عمل كدا هل هو تفكير في مشروع زواج وهي محتاره من المواجهه تقول اكيد راح ينكر
خواتي وحبيباتي فتاكات حطي نفسك في هذه المحنه وجاوبيني بكل صراحه تعملوا ايه ؟

[eltourky]

بصي ياحبيبتي مش معني انه مشترك ف هذا الموقع
يبقي انه عايز يتجوز 0هي لازم تتكلم معاه وتساله بهدوء
ممكن تكون ظلماه
تعرفي انا واحد صاحب زوجي مشترك ف موقع ذي ده لانه عايز يتجوز
ومش عارف يتصرف ازاي ف الموقع فطلب من جوزي الموضوع ده
وجوزي قالي اشتركي ف الموقع وحاولي تتعرفي ع البنت ال صاحبي عايزه لانه هيتجنن عليها
بس انا معرفتش وطنشت
انا كان ممكن لو لاقيت زوجي مشترك كنت اشك فيه
يعني هي لازم تستوضح منه الموقف لازم لازم
ومترسمش خيالات ف دماغها وتصدقها من غير ماتتحقق

[nona79]

انا رائي من رائي التركي

[ساسووو]

انا كمان مع راى التركى

[preatywoman]

بصي هيا تستنى لما تتاكد وتحاول تدخل مره تانيه وتشوف الموضوع بالظبط لانه هيا لو صارحته دلوقتي وكان فيه حاجه هياخد حذره منها ويخفي كل ما يتعلق باموره ومع كده تغير من نفسها وتهتم بجوزها اكتر واكتر وربنا يهديه

[ساندى اشرف الشربينى]

الفضول يا بنات ده مرض جديد بيصيب الرجالة بالذات الى عندهم وقت فراغ حتى لو قليل ....فممكن بعد الغلب ده كله يكون جوزها دخل الموقع ده فضول وبس .
فبدل الهرية والنكتة .تسأله ايه الموضوع يا كوكو؟؟ بيضة بيضة وفيها كتكوت ولا ايه؟؟

[المشتاقه الى الجنه]

ربنا ستر خليها تدعى ربنا كتيير

[مونى88]

انا من راى التركى بيعجبنى فعلا
تفكيرها وكلامها

[أم مريم]

رأى التركى هايل فعلاً و معقول جداً

[ورده الحب الصافى]

رأى مصراويه هايل جد ورأى التركى بس مع الأحترام لآركم جميعا هى من الأول غلطت انها بتفتش جوزها بس ده مش موضوعنا وهى لو حلوه اوى وجميله كده وعصبيه يبقى مش مهم يتجوز عليها إلا إذا كان فى حاجه فيها وحشه وطبعا مش هتقولك عليها فى حاجات بين الست وزوجها ماحدش بيعرفها غيرهم سامحونى على جرأتى بس هو ده الصح لو انتى عايزه تساعديها بجد اديها النصيحه دى هى غلطت انها فتشت وراه تعترف له انها غلطت مبدأيا هيحترم صراحتها لأنها لما هتقوله أنا شوفت كذا هيقولها هو انتى بتفتشى ورايا وتبتدى المشكله تاخد شكل تانى وحجم أكبر ممكن هى ماتعرفش تتعامل معاه ولما يقولها مثلا انا عايزاتجوز علشان كذا وكذا وكذا تحاول هى تغير من نفسها علشان تحاول تحافظ على بيتها لكن لو صمم وهى ما اتغيرتش توافق على زواجه وتباركه بس بعد الشر ماتطلبش الطلاق علشان الأولاد هى مش عايشه معاه لوحدها
أنا طولت عليكوا بس من وجه نظرى هو ده حل المشكله من أوله لأخرها

[ALZAHRAA]

انا حقول رايى بصراحه انها تصبر شويه الى ان تتاكد تماما بعدين تبدا تصارحه عشان مايحولش ينكر ويقولها انها بتفتش وراه وكل حاجه تنقلب ضدها والى بيعمله وه مطمن يبدا يداريه لكن لبد تكون معاها كل الثقه واللاائل انه مخطلء وبعدين تاخذ الامور بحكمه ولاتنفعل حتى لاتخسر كل شىء وتحاول تقترب منجوزها وتشوف اه الى مزعله وتحاول ترضيه وبكده اى شىء بيفكر فيه يبدا يتراجع عنه ارجو يكون وجهت نظرى مفيده و سليمه

[heba saad]

ممكن الموضوع يكون مش زى ما هية فهمة يعنى لو عاوز يتزوج ما كان ممكن يتزوج اى وحدة يعرفها شخصيا اية اللى هيخلية يتجوز وحدة ما شفهاش
ممكن من باب الفضول والتسلية مش اكتر يعنى تتانى شوية ومتقولوش على انها شافت الموقع دة وتحاول تتقرب منة اكتر وتخلية اعد على الكمبيوتر وتدخل علية فاجئة واذا راتة يتصفحة تسالة عن الموقع بهدوء
ولما يكون اعد على الكمبيوتر تلزق جمبة