[m.moon]

سؤال شائع عند كل ربات البيوت هطبخ اية بكرة
وكل اسبوع تقريبا مكرر نفسه فين وفين لما نغير
ياريت من كل فتكات ست بيت شاطرة تقولنا
قائمة طبيخها فى الاسبوع ولو فى أكلة غريبة توضحها لنا
يعنى تقريبا من خلال الاسبوع بتاكلوا اية فى الغدا
علشان ان شاء الله كل فتكات تجرب مطبخ فتكات التانية
لمانشوف هنجرب اكل مين الاول يلاااااااااااااااااااااااااا
جديد:
سوف يتم اضافة وصفات اكلات اردنية من الاخت رانية
وسوف يتم ان شاء الله اضافة وصفات الاكلات المميزة لباقى البلاد العربية الشقيقة
علشان تكون ضمن اكلات الاسبوع لكل فتكات

[may55]

طب ما تبتدي انتي وتورينا

[m.moon]

انا ياستى باعمل:
سمك مرتين اسبوعيا سواء مشوى او مقلى او محشى.......الخ
لحمة وفراخ اوكفتة مع الخضار مرتين اسبوعيا
ممكن مكرونة باشميل او جلاش اومكرونة عادية
محاشى بانواعها اوحواوشى اومكرونة فرن
كشرى اوبيتزا والاكلات السريعة برجر......الخ
وطبعا لو فى حاجة جديدة بجربها ولمل بتعجبهم
بكررها
خدى عندك الوصفة دى:
الارز بالدجاج والسجق
امقادير:
1كيلو دجاج مقطع الى 8 قطع
6اكواب ارز
2فلفل اخضر مقطع مكعبات
1/2 كيلو سجق
2ملعقة صغيرة كارى ملح وفلفل حسب الرغبة
بصلة مقطعة و4فصوص ثوم وماء بارد

الطريقة:يسخن الزيت فى وعاء ويقلى فيه الدجاج والبصلوالثوم والسجق بسرعة حتى يحمر الجميع
يضاف الكارىوالملح والفلفل والفلفل الاخضر والارز ويقلب
يضاف الماء ومكعبات مرقة الدجاج وتضاف البسلة السوتيةوتطهى على النار
حتى النضج
وبالهنا والشفا

[m.moon]

على فكرة اى وصفة انتى فتكات محتاجاها ضرورى ،اطلبيها من
m.moon
وان شاء الله راح تلاقيها والطريقة مضمونة ومجربة على هطبخ ايه بكرة

[VANILIA]

السلام عليكم
والله انا كل يوم فى الحيره دى
واى بيت فى العادى عايش ع السمك والفراخ واللحوم والاكلات السريعه
بس انا محتاجه حد يقولى اطبخ اييييييييييييييييييه؟؟؟

[m.moon]

علشان الحيرة دى وعلشان نخرج من الاكل النمطى ده ان شاء الله هاقدم لكم كل فترة اكلة جديدة مع الرد عل اسئلتكم ان شاء الله على اى وصفة

[نعوم]

السلام عليكم
انا برده بحتار كل يوم اعمل ايه
وانا فى انتظار اكلات m.moon
ولها ولكم جزيل الشكر

,g

[m.moon]

انتظروا اللزانيا..........

[m.moon]

اللزانيا
المقادير:
6شرائح لزانيا
8ملاعق جبن شيدر
8ملاعق جبن موزاريلا
كمية من صلصة البشاميل
مقادير الحشو:
1/2كيلولحم مفروم ومعصج

الطريقة:
اسلقى اللزانيا وصفيها،ضعى 1/2 كمية الباشميل فى قالب الفرنثم ضعى شريحتين لزانيا ونصف اللحم وقليلا من الجبن المبشور ثم كررى العمليةحتى الطبقة الاخيرة ثم صبى باقى الباشميل والجبن على الوجه وادخليها الفرن حتى النضج

[m.moon]

انتظروا الكانيلونى

[Hanan Fouad]

تسلمى اية الشطارة دى

[ايمان فريد]

شكرآ ليكى كتير

[m.moon]

شكرا لمروركم الكريم

[m.moon]

طريقة الكانيلونى بالسبانخ
عبوة من عجائن الكانيلونى
سبانخ مسلوقة ومضاف اليهابصل مقطع رفيع
2كوب بششاميل
1/2كوب جبن موزاريلا
صلصة طماطم

الطريقة
نسلق مربعات الكانيلونىوترص فى طبق فرن مع السبانخ والجبن والبشاميل وتغطى بصلصة الطماطم والجبن وتدخل الفرن لمدة ربع ساعة
*ملحوظة ممكن تغيير الحشو الى بسطرمة اودجاج مقطع مع المشروم اوحسب الرغبة

[malika55]

مشكورين اخواتى العزيزات

[m.moon]

انتظروا سوفلية البطاطس

[m.moon]

سوفلية البطاطس بالبسلة
المقادير:
2كيلوبطاطس
لحم مفروم ومعصج
بسلة وجزر مسلوقين
2/1 كوب حليب
1ملغقة سمن او زبد
بيضة لدهن الوش وبقسماط
ملح وفلفل

الطريقة:
تسلق البطاطس وتهرس وتضاف لها الحليب والسمن والملح والفلفل
تغرف نصف الكمية فى طبق فرن ثم يضاف اللحم الخلوط بالخضار ثم يغطى بباقى البطاطس ونعمل تعرجات بالشوكة فوق سطحها وينثر عليها البقسماط وبضة مخفوقة
تزج فى فرن متوسط مدة ساعة الا ربع ثم تقدم ساخنة مع سلطة خضراء
وبالهنا والشفا

[m.moon]

انتظروا سويسرول الاومليت بحشوة اللحم والبقدونس

[دندش هانم]

m-moon
نشكرك على الاكلات الحلوة
فعلا الوحده تحب تغير لاننا ملينا من الروتين

يعنى حلو الوحده تعمل جدول اسبوعى
لكن لازم تححد فيه الميزانيه

والا انتم رايكم ايه

[m.moon]

طبعا دندش هانم وانتظرى اكلات رائعة بتكلفة بسيطة ان شاء الله